Std X - Biology - Chapters 1,2 & 3 Study Notes

ഒന്നാം പാദവാര്‍ഷിക പരീക്ഷയടുക്കുന്നു.. അധ്യാപകര്‍ തിരക്കു പിടിച്ചു പാഠഭാഗങ്ങള്‍ തീര്‍ക്കുന്ന കാഴ്ചയാണ് സ്കൂളുകളില്‍..പല അധ്യയന ദിനങ്ങളും നഷ്ടപ്പെട്ട സ്ഥിതിക്ക് ലഭ്യമായ ദിനങ്ങളില്‍ പരമാവധി പാഠഭാഗങ്ങള്‍ തീര്‍ക്കുക എന്ന ഉദ്ദേശത്തിലാണ് പലരും..

ഈ അവസരങ്ങളില്‍ ക്ലാസ് മുറികളില്‍ നോട്ടുകള്‍ കൊടുക്കുന്നതു കൂടുതല്‍ സമയനഷ്ടമുണ്ടാക്കും എന്ന കണ്ടെത്തലില്‍ പല അധ്യാപകരും എഴുതി തയാറാക്കിയ നോട്ടുകള്‍ കുട്ടികളോട് ഫോട്ടോസ്റ്റാറ്റ് എടുക്കാന്‍ പറയുന്ന കാഴ്ചയും സ്കൂളുകളില്‍ കാണാം. ഈ അവസരത്തിലാണ് മനോഹരമായ നോട്ടുകള്‍ തയാറാക്കി തരുന്ന ഇബ്രാഹിം സാറിനെയും റഷീദ് ഓടക്കല്‍ സാറിനെയും ജോണ്‍ സാറിനെയും ഒക്കെ ഓര്‍മ്മിച്ചു പോകുന്നത്..

ജീവശാസ്‌ത്രവുമായി ബന്ധപ്പെട്ട പഠനസഹായികളാണ് ഇന്നത്തെ പോസ്റ്റില്‍ ഉള്‍പ്പെടുത്തിയിട്ടുള്ളത്. പത്താം ക്ലാസിലെ ആദ്യ മൂന്നു യൂണിറ്റുകളുടെ നോട്ടുകള്‍ - ഇംഗ്ലീഷ് മീഡിയവും മലയാളം മീഡിയവും തയാറാക്കി അയച്ചു തന്നിരിക്കുന്നത് റഷീദ് ഓടക്കല്‍ സാറാണ്. ഒരു പൂര്‍ണ്ണ പഠനസഹായിയുടെ നിലവാരത്തിലേക്ക് ഉയര്‍ന്ന ഈ നോട്ടുകള്‍ പൂര്‍ണ്ണമായും പ്രയോജനപ്പെടുത്താന്‍ കുട്ടികളെ സഹായിക്കേണ്ടവരായ അധ്യാപകര്‍ അതിനു മടിക്കില്ലെന്ന വിശ്വാസത്തോടെ റഷീദ് ഓടക്കല്‍ സാറിന്റെ നോട്സിലേക്ക്

Biology Notes

Std X

Unit 1 : English Medium - Malayalam Medium

Unit 2 : English Medium - Malayalam Medium

Unit 3 : English Medium - Malayalam Medium

Model Question Paper(Both Mediums)

Std X - Physics & Chemistry - Unit 3

ഫിസിക്സ്, കെമിസ്ട്രി വിഷയങ്ങള്‍ക്ക് അധ്യാപകരും വിദ്യാര്‍ത്ഥികളും ആശ്രയിക്കുന്ന നോട്ടുകളായി ഇബ്രാഹിം സാര്‍ ഒരുക്കുന്ന പഠനസഹായികള്‍ മാറുന്നു എന്നത് ഏറെ ചാരിതാര്‍ത്ഥ്യത്തോടെയാണ് മാത്​സ് ബ്ലോഗ് ടീം കാണുന്നത്. എല്ലാ വിഷയങ്ങളിലെയും ഓരോ പാഠങ്ങളും തിരിച്ച് അതാതു സമയം പഠനസഹായികള്‍ ഒരുക്കി ബ്ലോഗു വഴി ലഭ്യമാക്കണമെന്ന ഒരു ആഗ്രഹം ഞങ്ങള്‍ക്കുണ്ടായിരുന്നു. കഴിഞ്ഞ വേനലവധിക്കാലത്ത് ഓരോ വിഷയത്തിനും പ്രത്യേകം ടീം നിര്‍മ്മിക്കാമെന്നും അതാതു വിഷയത്തിന്റെ നോട്ടുകള്‍ അവരെ കൊണ്ട് ചെയ്യിപ്പിക്കാമെന്നും എല്ലാം ചിന്തിച്ചു... എന്നാല്‍ പിന്നീട് വിവിധ തിരക്കുകളില്‍ പെട്ടതിനാല്‍ ആ ആശയം പൂര്‍ണ്ണതയിലേക്കെത്തിക്കാന്‍ സാധിച്ചില്ല..

മെയിലിലേക്ക് സാധാരണ വരാറുള്ള അനേകം പഠനസഹായികളില്‍ ഒന്ന് എന്നേ ആദ്യം ഇബ്രാഹിം സാറിന്റെ നോട്സിനെ കണ്ടുള്ളു. എന്നാല്‍ അതിന്റെ നിലവാരത്തിലെ മികവും അവ ഒരുക്കുന്നതിനായി സാര്‍ എടുക്കുന്ന പ്രയത്നവും കേരളത്തിലെ അധ്യാപകര്‍ മനസ്സിലാക്കുകയും അതിനെ പിന്തുണയ്ക്കുകയും ചെയ്യുന്ന കാഴ്ചയായിരുന്നു പിന്നീട്. ഓരോ പാഠഭാഗങ്ങളും അധ്യാപകര്‍ക്ക് അധ്യ​യനത്തിനും വിദ്യാര്‍ത്ഥികള്‍ക്ക് പഠനസമയത്തും സഹായകമായി മാറുന്ന പഠനസഹായികള്‍ ഒരുക്കണം എന്ന ഞങ്ങളുടെ മനസ്സിലുണ്ടായിരുന്ന ചിന്ത വായിച്ചെടുത്ത പോലെ കൃത്യമായി സാര്‍ നോട്സ് ഒരുക്കുകയും അധ്യാപകര്‍ സ്വീകരിക്കുകയും ചെയ്യുന്നു... ഈ മനോഹരമായ നിമിഷങ്ങള്‍ ഒരുക്കുന്നതില്‍ ഒരു ചെറിയ പങ്കു വഹിക്കാന്‍ സാധിച്ചതിലുള്ള ചാരിതാര്‍ത്ഥ്യത്തോടെ..

Click here to download Std X Physics Chapter 3

Click here to download Std X Chemistry Chapter 3

Std X - English - Unit 1 & 2 Comprehension Questions

പത്താം ക്ലാസിലെ ഇംഗ്ലീഷ് പാഠഭാഗവുമായി ബന്ധപ്പെട്ട ഒരു പോസ്റ്റ്, മാത്സ് ബ്ലോഗ് ഇതിനു മുന്‍പ് പബ്ലിഷ് ചെയ്തിരുന്നു. പാഠപുസ്തകത്തില്‍ നിന്നുമുള്ള ചോദ്യങ്ങളാണ് അതില്‍ പ്രധാനമായും ഉള്‍പ്പെടുത്തിയിരുന്നത്. ഇംഗ്ലീഷ് പരീക്ഷയ്ക്ക് വരുന്ന ചോദ്യങ്ങളില്‍ ഏറ്റവും കൂടുതല്‍ സാധ്യതയുള്ള വിഭാഗമാണ് Comprehension Questions.

ഇംഗ്ലീഷ് വിഷയത്തിലെ ആദ്യ രണ്ടു യൂണിറ്റുകളില്‍ നിന്നും വരാന്‍ സാധ്യതയുള്ള Comprehension Questions വിഭാഗത്തിലുള്ള എല്ലാ ചോദ്യങ്ങളും അവയുടെ ഉത്തരങ്ങളും സമാഹരിച്ച് രണ്ടു പി.ഡി.എഫ് ഫയലുകളില്‍ ഒതുക്കിയിരിക്കുകയാണ് ഇംഗ്ലീഷ് എസ്.ആര്‍.ജി കൂടിയായ തിരുവല്ല മുണ്ടപ്പള്ളി സി.എം.എസ് ഹൈസ്കൂളിലെ ജോണ്‍സണ്‍.ടി.പി സാര്‍..

ഈ തരത്തിലുള്ള ചോദ്യങ്ങള്‍ നമ്മുടെ കുട്ടികള്‍ക്ക് പരീക്ഷാ സമയത്ത് ഏറെ സഹായകമാകുമെന്നതില്‍ സംശയമില്ല. താഴെ കൊടുത്തിട്ടുള്ള ലിങ്കില്‍ നിന്നും ചോദ്യങ്ങള്‍ ഡൗണ്‍ലോഡ് ചെയ്തെടുക്കാനാകും.


Click here to download comprehension Questions from Std X - Unit 1

Click here to download Comprehension Questions from Std X - Unit II

മാത്​സ് ബ്ലോഗ് ഒരുക്കം - ബയോളജി (Updated)

റിവിഷന്‍ പോസ്റ്റുകള്‍ അയച്ചു തരണമെന്ന് അഭ്യര്‍ത്ഥിച്ചു കൊണ്ടുള്ള സ്ക്രോളിംഗ് ഏതാണ്ട് രണ്ടാഴ്ചയോളം ബ്ലോഗില്‍ ഇട്ടിരുന്നു. വിവിധ വിഷയങ്ങളുടെ ഒട്ടേറെ പ്രയോജനപ്രദമായ നോട്സ് അതുമായി ബന്ധപ്പെട്ടു ഞങ്ങള്‍ക്കു ലഭിച്ചു. അതില്‍ ഉള്ളടക്കത്തിന്റെ മേന്മ കൊണ്ടും അതിനു പിന്നിലെ അധ്വാനം കൊണ്ടും ഞങ്ങളെ അത്ഭുതപ്പെടുത്തിയ ഒന്നാണ് ജി വി എച്ച് എസ് എസ് കൊണ്ടോട്ടി (സ്റ്റേറ്റ് റിസോഴ്സ് ഗ്രൂപ്പ് അംഗം - ബയോളജി) സ്കൂളിലെ റഷീദ് ഓടക്കല്‍ സാര്‍ അയച്ചു തന്ന ബയോളജി നോട്സ്. എല്ലാ പാഠങ്ങളുടെയും സംഗ്രഹമാണ് അദ്ദേഹം തയാറാക്കി അയച്ചു തന്നിരിക്കുന്നത്. മലയാളം മീഡിയവും ഇംഗ്ലീഷ് മീഡിയവും അദ്ദേഹം ഒരുക്കിയിരിക്കുന്നു. ഇവയടങ്ങിയ മെയില്‍ അറ്റാച്ച്മെന്റ് ലഭിച്ചതും എത്രയും വേഗം അതു പ്രസിദ്ധീകരക്കണമെന്നായിരുന്നു ആഗ്രഹം. വിവിധ കാരണങ്ങളാല്‍ ഒരല്‍പം വൈകിയതിന്റെ ക്ഷമാപണത്തോടെ അദ്ദേഹത്തിന്റെ നോട്സിലേക്ക്.
Biology Notes English Medium

Biology Notes Malayalam Medium

Explanations Through Pictures

Unit 1 & 2 - Nervous System

Unit 1 - Sense Organs

Unit 3 - Endocrine Glands

Unit 4 - Excretions

Unit 5 - Micro Organisms

Unit 6 - Defence and Treatment

ദേശീയ അധ്യാപക അവാര്‍ഡ് ജേതാവും ബയോളജി സ്റ്റേറ്റ് റിസോഴ്സ് ഗ്രൂപ്പ് അംഗവുമായ ശ്രീ പ്രദീപ് സര്‍ (പ്രദീപ് കണ്ണങ്കോട്), സ്വന്തം കൈപ്പടയില്‍ തയ്യാറാക്കിയ ബയോളജി റിവിഷന്‍ നോ‌ട്സിനായി ഇവിടെ ക്ലിക്ക് ചെയ്യുക.

മാത്സ് ബ്ലോഗ് ഒരുക്കം - Social Science (Updated with Time Line & Maps))

നൗഷാദ് എന്ന പേര് മെയില്‍ ഇന്‍ബോക്സില്‍ കിടക്കുന്നതു കണ്ടപ്പോള്‍ ആവേശത്തോടെയാണ് തുറന്നത്. മുന്‍പ് ഫിസിക്സ് കെമിസ്ട്രി നോട്ടുകള്‍ തയാറാക്കി അയച്ചതു പോലെ വിസ്മയിപ്പിക്കുന്ന എന്തെങ്കിലും ഉണ്ടെന്ന പ്രതീക്ഷ അസ്ഥാനത്തായില്ല. സാമൂഹ്യപാഠവുമായി ബന്ധപ്പെട്ട ഒരു മികച്ച പഠനസഹായിയുമായാണ് നൗഷാദ് സാറും സംഘവും ഇത്തവണ എത്തിയിരിക്കുന്നത്. പരപ്പനങ്ങാടി എസ്.എം.എച്ച്.എസ്.എസി ലെ അന്‍വര്‍ സാര്‍, തിരൂരങ്ങാടി ജി.എച്ച്.എസ്.എസിലെ അബ്ദുള്‍ നാസര്‍ സാര്‍, ചെമ്മാട് ഗുരുകുലം കോച്ചിംഗ് സെന്റെറിലെ റസീന ടീച്ചര്‍ എന്നിവര്‍ ചേര്‍ന്നു തയാറാക്കിയ സാമൂഹ്യ ശാസ്ത്രം പഠനസഹായിയാണ് ഇന്നത്തെ പോസ്റ്റ്.

സാമൂഹ്യശാസ്ത്രം കുട്ടികള്‍ക്ക് പേടിസ്വപ്നമാകുന്നുവോ എന്ന് പല അധ്യാപകരും സംശയിക്കുന്ന സമയമാണിത്. കഴിഞ്ഞ വര്‍ഷം എസ്.എസ്.എല്‍.സി റിസല്‍ട്ട വന്നപ്പോള്‍ സാമൂഹ്യശാസ്ത്രം പത്രത്താളുകളില്‍ ഇടം പിടിച്ചത് കഴിഞ്ഞ വര്‍ഷത്തെ ഒന്‍പതാം ക്ലാസുകാരെ ആശങ്കപ്പെടുത്തിയതില്‍ ഒരു പങ്ക് ഇപ്പോഴും അവരില്‍ നില നില്‍ക്കുന്നു. ഈ ആശങ്കയ്ക്ക് ഒരു അറുതി വരുത്താല്‍ അധ്യാപകരും മറ്റും ഏറെ പണിപ്പെടുന്ന ഈ വേളയില്‍ ഒരു കൈത്താങ്ങായി മാറുവാന്‍ ഈ നോട്ടുകള്‍ക്ക് തീര്‍ച്ചയായും കഴിയും താഴെയുള്ള ലിങ്കില്‍ നിന്നും സാമൂഹ്യപാഠം നോട്സ് ഡൗണ്‍ലോഡ് ചെയ്തെടുക്കാനാവും വിവിധ ശ്രോതസ്സുകളില്‍ നിന്നുള്ള പഠനസഹായികള്‍ നമ്മുടെ ഡൗണ്‍ലോഡ്സില്‍ ഉള്‍പ്പെടുത്തിയിട്ടുണ്ട് എന്നതു ശ്രദ്ധിച്ചു കാണുമല്ലോ.

Click here for SS Revision Tips.

Time Line - Simplified

Maps

Vijayasopanam

മാത്സ് ബ്ലോഗ് ഒരുക്കം - ഹിന്ദി

നിസ്വാര്‍ത്ഥമായ ഒരു സേവനമാണ് അധ്യാപനം. അതില്‍ എന്റേത് നിന്റേത് എന്ന ഭാവത്തിനു സ്ഥാനമില്ല. വിദ്യാഭ്യാസ സംബന്ധമായ ബ്ലോഗുകളെല്ലാം ആത്യന്തികമായി ലക്ഷ്യം വയ്ക്കുന്നത് വിദ്യാര്‍ത്ഥികളുടെ മികച്ച വിജയമാണ്. അതു തങ്ങളിലൂടെ മാത്രമാവണമെന്ന വാശി നമ്മള്‍ ബൂലോകവാസികള്‍ക്കൊന്നും ഇല്ല താനും.. അതിരുകള്‍ മായ്ച്ചു കൊണ്ടുള്ള ഒരു കൂടിച്ചേരലിന് നാമിവിടെ സാക്ഷ്യം വഹിക്കുകയാണ്. ഇന്റര്‍നെറ്റിന്റെ ഗുണവശങ്ങള്‍ക്കുള്ള മികച്ച ഉദാഹരമാണ് ഈ അപൂര്‍വ സംഗമം. ഹിന്ദിസഭ കൊട്ടാരക്കര, ഹിന്ദി വേദി മലപ്പുറം, ചിരാഗ് കണ്ണൂര്‍ എന്നീ മൂന്നു ബ്ലോഗുകള്‍ ഒത്തു ചേര്‍ന്ന് കേരളത്തിലെ വിദ്യാര്‍ത്ഥികള്‍ക്കും ഹിന്ദി അധ്യാപകര്‍ക്കും വേണ്ടി നാല്‍പ്പത്തിരണ്ടു പേജുള്ള आसरा എന്നു പേരുള്ള ഒരു പഠനസഹായി ഒരുക്കിയിരിക്കുകയാണ്. കൊല്ലം കൊട്ടാരക്കര സദാനന്ദപുരം ജി.എച്ച്.എസ്.എസിലെ ജി.സോമശേഖരന്‍ സാറും മലപ്പുറം താനൂര്‍ ദേവധാര്‍ സര്‍ക്കാര്‍ ഹയര്‍ സെക്കന്ററി സ്കൂളിലെ ജയ്ദീപ് സാറും കണ്ണൂര്‍ കടന്നപ്പള്ളി സര്‍ക്കാര്‍ ഹയര്‍ സെക്കന്ററി സ്കൂളിലെ രവി സാറും ആണ് മേല്‍പ്പറഞ്ഞ മൂന്നു ബ്ലോഗുകള്‍ കൈകാര്യം ചെയ്യുന്നത്. അതുകൊണ്ടു തന്നെ ഈ പഠനസഹായിയുടെ ഗുണമേന്മയെക്കുറിച്ച് പറയേണ്ടതില്ലല്ലോ. മാത്‌സ് ബ്ലോഗുമായി സഹകരിക്കാന് ഇവര്‍ പ്രകടിപ്പിച്ച താല്പര്യത്തിന് ആദ്യമേ നന്ദി രേഖപ്പെടുത്തട്ടെ.. ഒപ്പം ബ്ലോഗിന്റെ സന്ദര്‍ശകര്‍ക്കായി സമഗ്രമായ ഒരു ഹിന്ദി പഠനസഹായി ഒരുക്കാന്‍ അവസരം ലഭിച്ചതിന്റെ ചാരിതാര്‍ത്ഥ്യത്തോടെ ഈ പഠനസഹായി നിങ്ങള്‍ക്ക് സമര്‍പ്പിക്കുന്നു. ചുവടെയുള്ള ലിങ്കില്‍ നിന്നും ഇത് നിങ്ങള്‍ക്ക് ഡൗണ്‍ലോഡ് ചെയ്തെടുക്കാം.

ഹിന്ദി പരീക്ഷ എഴുതുമ്പോള്‍ ശ്രദ്ധിക്കേണ്ട കാര്യങ്ങളെക്കുറിച്ചാണ് ഈ പഠനസഹായിയില്‍ ചര്‍ച്ച ചെയ്യപ്പെടുന്നത്. കഴിഞ്ഞ രണ്ട് ടേമുകളിലെ ചോദ്യപ്പേപ്പറുകളെ അടിസ്ഥാനമാക്കി വിശദമായൊരു വിശകലനമാണ് ആദ്യഭാഗത്ത്. വിശകലനത്തിനൊപ്പം തന്നെ നാല് യൂണിറ്റുകളിലേയും ചോദ്യശേഖരവുമുണ്ട്. ഗദ്യവും പദ്യവുമായി പാഠപുസ്തകത്തിന് പുറത്തു നിന്നുള്ള ചോദ്യങ്ങളും ഒട്ടേറെ വ്യാകരണ ചോദ്യമാതൃകകളും ഇതോടൊപ്പം നല്‍കിയിട്ടുണ്ട്. ചുവടെയുള്ള ലിങ്കില്‍ നിന്നും ആസരാ ഡൗണ്‍ലോഡ് ചെയ്തെടുക്കാം.
Click here for Hindi Notes
ഇവ വായിച്ചു നോക്കി അഭിപ്രായങ്ങള്‍ എഴുതാന്‍ അധ്യാപകരോടും വിദ്യാര്‍ത്ഥികളോടും അഭ്യര്‍ത്ഥിക്കുന്നു. എങ്കില്‍ മാത്രമേ ഇത്തരം പഠനസഹായികള്‍ തയ്യാറാക്കുന്നവര്‍ക്ക് തുടര്‍ന്നും ഇത്തരം സംരംഭങ്ങളിലേര്‍പ്പെടാന്‍ താല്പര്യമുണ്ടാകുകയുള്ളുവെന്ന് പ്രത്യേകം പറയേണ്ടതില്ലല്ലോ.

മാത്സ് ബ്ലോഗ് ഒരുക്കം - ഇംഗ്ലീഷ്

കോട്ടയം ജില്ലയിലെ എരുമേലി സെന്റ് തോമസ് ഹൈസ്കൂളിലെ ശ്രീ രാജീവ് ജോസഫ് സര്‍, തന്റെ ഇംഗ്ലീഷ് ബ്ലോഗിലൂടെ കുറേ നാളുകളായി വിലപ്പെട്ട ധാരാളം വിഭവങ്ങള്‍ അധ്യാപകലോകത്തിനും വിദ്യാര്‍ത്ഥിലോകത്തിനുമായി പങ്കുവെച്ചുകൊണ്ടിരിക്കുന്നത് ശ്രദ്ധയില്‍ പെട്ടിട്ടുണ്ടാകുമല്ലോ..? ഇംഗ്ലീഷിന്റെ ഒരുക്കത്തെക്കുറിച്ച് ചിന്തിച്ചപ്പോള്‍ ഞങ്ങള്‍ക്ക് വേറേയൊന്നും ആലോചിക്കേണ്ടി വന്നില്ല. അദ്ദേഹത്തിന്റെ പോസ്റ്റിലേക്ക്....
ഇംഗ്ലിഷ് ബ്ലോഗില്‍ പലയിടത്തായി ചിതറിക്കിടക്കുന്ന അനേകം പോസ്റ്റുകളിലേയ്ക്കും ഉള്ള ലിങ്കുകള്‍ എല്ലാം ഒന്നിച്ച് ഒരിടത്ത് നല്‍കിയിരിക്കുകയാണ് ഈ പോസ്റ്റില്‍. അഭിപ്രായങ്ങളും നിര്‍ദ്ദേശങ്ങളും അറിയിക്കുമല്ലോ ?

English

SSLC Orukkam 2013 - English

SCERT Question Bank Aug.2011 English Std.X

Summary of all prose lessons

Comprehension Qs from Prose and Poems

Images in the poems in Std. X English text book

SSLC 2013 - Summary of three prose chapters and tips for two poems of Std.X English

SSLC 2013 - ENGLISH - Adapted Resource Material for the Empowerment of Scholastically Backward Students

8-in-one download for - SSLC English

Std 10 Revision Test Series - All Units 

SSLC-2013 - Tips to prepare profile-diary-notice-letter etc. 

Question paper for a test from Std.X - Unit III

DIET Kasargode - Class Test Series 

Palakkad District Panchayat - Vijayasree Module for Std.X English

Niravu - A collection of SSLC Worksheets

Sample Questions prepared by K.J.Shibu Kallada, GGHSS Balussery, Kozhikkode

Sample Question English Aug.2011 Std.X  

How to prepare comprehension questions from the newspapers we read...

Christmas Exam Question Papers (English only)

Phrasal Verbs and 101 examples of Onomatopoeia 

Std. X Unit III Chapter II Tea-shops in Malayalam  'TEA-SHOPS IN MALAYALAM CINEMA' SLIDESHOW WITH MOV...

To get A+ for Mathsഅതെ, മാത്​സിന് എ പ്ലസ് നേടാന്‍ (Updated with Eng. Medium)

എസ്.എസ്.എല്‍.സി മോഡല്‍ പരീക്ഷയില്‍ ഒരു വിദ്യാഭ്യാസജില്ലയില്‍ ഗണിതശാസ്ത്രത്തിന് മാത്രം എ പ്ലസ് നഷ്ടപ്പെട്ട കുട്ടികളെ ഒരുമിച്ച് കൂട്ടുക. അവര്‍ക്ക് നഷ്ടമായ എ പ്ലസ് തിരിച്ചു പിടിക്കുന്നതിനായി വിദഗ്ദ്ധരായ അധ്യാപകരുടെ സേവനം തേടുക. ഇരുകൂട്ടരേയും ഒരുമിച്ചിരുത്തി കുട്ടികള്‍ക്ക് എ പ്ലസ് നേടുന്നതിനാവശ്യമായ പഠനതന്ത്രങ്ങള്‍ പകര്‍ന്നു കൊടുക്കുക. കേരളവിദ്യാഭ്യാസചരിത്രത്തിലെ അപൂര്‍വ്വമായൊരു ഏടായിരിക്കുമിത്. സാധാരണഗതിയില്‍ ഇത്തരത്തിലൊരു ബൃഹത് പദ്ധതിക്ക് അധികമാരും മുന്‍കൈയ്യെടുക്കാറില്ല. എന്നാല്‍ എറണാകുളത്ത് ഇത് സംഭവിച്ചു. എറണാകുളം ഡി.ഇ.ഒ ശ്രീ.സി.രാഘവന്‍ മുന്‍കൈയ്യെടുത്ത് ഈ മിടുക്കന്മാര്‍ക്കും മിടുക്കികള്‍ക്കും അധിക പിന്തുണ നല്‍കാനായി ആറ് ഗണിതാധ്യാപകരെ നിയോഗിച്ചു. അവര്‍ ഈ കുട്ടികള്‍ക്ക് വേണ്ടി ഓരോ യൂണിറ്റുകളിലേയും പ്രധാനപ്പെട്ട ചോദ്യങ്ങള്‍ തയ്യാറാക്കിക്കൊണ്ടു വന്ന് പങ്കുവെച്ചു. പാഠപുസ്തകത്തിലെ പ്രധാനപ്പെട്ട ഏടുകളിലൂടെ ഒരു പ്രദക്ഷിണം. ഗണിതശാസ്ത്രം കൂടാതെ സാമൂഹ്യശാസ്ത്രം, ഫിസിക്സ്, കെമിസ്ട്രി എന്നീ വിഷയങ്ങളിലും വിദഗ്ദ്ധരായ അധ്യാപകരുടെ സേവനം പ്രയോജനപ്പെടുത്തി. ഗണിതശാസ്ത്രം കൈകാര്യം ചെയ്യുന്നതിനായി എത്തിയ വെണ്ണല ഗവ ഹൈസ്ക്കൂളിലെ അധ്യാപകനായ ശ്രീ.ഹരിഗോവിന്ദ് എ പ്ലസ് ആഗ്രഹിക്കുന്ന വിദ്യാര്‍ത്ഥികള്‍ക്കു വേണ്ടി തയ്യാറാക്കിയ ചോദ്യങ്ങളാണ് ഈ പോസ്റ്റിലൂടെ പങ്കുവെക്കുന്നത്. അതോടൊപ്പം തന്നെ ക്ലാസുകള്‍ നയിച്ച ജലജ ടീച്ചറും ഗണിതശാസ്ത്രപരിഷത്തിന്റെ മികച്ച ഗണിതാധ്യാപികയ്ക്കുള്ള പുരസ്ക്കാരം നേടിയ രാജി ടീച്ചറും തയ്യാറാക്കിയ ചോദ്യങ്ങളും നല്‍കിയിട്ടുണ്ട്. കേരളത്തിലെമ്പാടുമുള്ള മിടുക്കന്മാര്‍ക്കും മിടുക്കികള്‍ക്കും ഇത് പ്രയോജനപ്പെടുമല്ലോയെന്നു കരുതി മാത്‍സ് ബ്ലോഗ് ഇത് പങ്കുവെക്കട്ടെ. പ്രശ്നങ്ങളും സംശയങ്ങളുമെല്ലാം കമന്റിലൂടെ പങ്കുവെക്കാം.

എ പ്ലസ് പ്രതീക്ഷിക്കുന്ന വിദ്യാര്‍ത്ഥികള്‍ക്കു വേണ്ടി നമ്മുടെ കൂട്ടത്തിലെ അധ്യാപകര്‍ ചില പഠനസാമഗ്രികള്‍ ഒരുക്കിയിട്ടുണ്ടാകും. വിശാലാടിസ്ഥാനത്തില്‍ നമ്മുടെ വിദ്യാര്‍ത്ഥികള്‍ക്കു വേണ്ടി അവ പങ്കു വെക്കാന്‍ മാത്‍സ് ബ്ലോഗ് അവസരമൊരുക്കുന്നു. ഏതു വിഷയത്തെ ആസ്പദമാക്കിയാണെങ്കിലും നിങ്ങളൊരുക്കിയ പഠനസാമഗ്രികള്‍ മാത്​സ് ബ്ലോഗിന്റെ ഇ-മെയില്‍ ഐഡിയിലേക്ക് അയച്ചു തരിക. നമുക്ക് അവ പ്രസിദ്ധീകരിക്കാം. ചുവടെയുള്ള ലിങ്കില്‍ നിന്നും ഹരിഗോവിന്ദ് സാറും ജലജ ടീച്ചറും തയ്യാറാക്കിയ ചോദ്യങ്ങള്‍ ഡൌണ്‍ലോഡ് ചെയ്തെടുക്കാം.

A+ Questions from all units - Malayalam Version
Prepared By Hari Govind, Resource Group, Ernakulam

A+ Questions from all units - English Version (Updated)
Prepared By Vijayakumar M D, THS Kanjirappally

Second Degree Equations and Polynomials
Prepared By Jalaja, Resource Group, Ernakulam

Circles and Tangents
Prepared By Raji. V.G, Resource Group, Ernakulam

മാത്സ് ബ്ലോഗ് ഒരുക്കം - മലയാളം 2

വിവിധ വിഷയങ്ങളുമായി ബന്ധപ്പെട്ട് ഒട്ടേറെ പഠനസഹായികള്‍ മാത്സ് ബ്ലോഗിനു ലഭിച്ചതായി മുന്‍പു സൂചിപ്പിച്ചിരുന്നു. ആ തരത്തില്‍ ലഭിക്കുന്ന പഠനസഹായികള്‍ നിന്നും തിരഞ്ഞെടുക്കപ്പെടുന്നവ മാത്രമാണ് പോസ്റ്റുകളില്‍ ഉള്‍പ്പെടുത്താന്‍ സാധിക്കാറ്. അങ്ങിനെ തിരഞ്ഞടുക്കുമ്പോള്‍ പ്രാധാന്യം നല്‍കേണ്ടവയില്‍ പലതും പരിഗണിക്കപ്പെടാതെ പോകുന്നു എന്നുള്ള യാഥാര്‍ത്ഥ്യം അവ അയച്ചു തന്നവരെയും ഞങ്ങളെയും ഒരുപോലെ വേദനിപ്പിക്കുന്നതാണ്.
ഇതു മനപ്പൂര്‍വ്വം സംഭവിക്കുന്നതല്ല എന്നു തിരിച്ചറിഞ്ഞു സഹകരിക്കുന്ന മാത്സ് ബ്ലോഗ് കുടുംബാംഗങ്ങളായ നിങ്ങള്‍ ഓരോരുത്തരും നല്‍കുന്ന പിന്തുണയാണ് ഓരോ പുതിയ പോസ്റ്റുകള്‍ ഒരുക്കുമ്പോഴും ഞങ്ങള്‍ക്ക് ഊര്‍ജ്ജം പകരുന്നത്.

മലയാളവുമായി ബന്ധപ്പെട്ട പോസ്റ്റാണ് ഇന്ന്. മുന്‍പ് മലയാളവുമായി ബന്ധപ്പെട്ട രമേശന്‍ പുന്നത്തിരിയന്‍ സാര്‍ തയാറാക്കിയ നോട്സ് ഉള്‍പ്പെടുത്തിയ ഒരു പോസ്റ്റ് പ്രസിദ്ധീകരിച്ചിരുന്നു. ആ നോട്സില്‍ ചേര്‍ക്കാതിരുന്ന പാഠഭാഗങ്ങള്‍ ഉള്‍പ്പെടുത്തി കാസര്‍ഗോട്ടെ മോഡല്‍ റസിഡണ്ട്സ് സ്കൂളിലെ അധ്യാപകന്‍, പഴയ പോസ്റ്റുകളിലൂടെ നമ്മെ വിസ്മയിപ്പിച്ച അഹമ്മദ് ഷെറീഫ് കുരുക്കള്‍ സാര്‍ തയാറാക്കിയ നോട്ടുകളാണ് ഇന്നത്തെ പോസ്റ്റില്‍ ഉള്‍പ്പെടുത്തിയിരിക്കുന്നത്.

പരീക്ഷയ്ക്കു തയാറെടുക്കുന്ന നമ്മുടെ കുട്ടികള്‍ക്ക് ഈ നോട്സ് ഏറെ ഉപകാരപ്പെടുമെന്നതില്‍ സംശയമില്ല.
താഴെ നല്‍കിയിട്ടുള്ള ലിങ്കില്‍ നിന്നും നോട്സ് ഡൗണ്‍ലോഡ് ചെയ്തെടുക്കാനാവും
Click here to download Malayalam Notes.

എസ്.എസ്.എല്‍.സി. ഐ.ടി. പ്രാക്ടിക്കല്‍ പരീക്ഷ : ചോദ്യ വിശകലനം

എസ്.എസ്.എല്‍.സി മോഡല്‍ ഐ.ടി. പ്രാക്ടിക്കല്‍ പരീക്ഷ പൂര്‍ത്തിയായല്ലോ? മാറിയ പാഠപുസ്തകവും മാറിയ പരീക്ഷാ സമ്പ്രദായവുമായി വളരെയധികം പുതുമകളോടെയാണ് ഈ വര്‍ഷത്തെ ഐ.ടി. പ്രാക്ടിക്കല്‍ പരീക്ഷ വന്നെത്തുന്നത്. ആദ്യവര്‍ഷത്തെ പരീക്ഷയായതു കൊണ്ട് തന്നെ വളരെയധികം ആശങ്കയോടെയാണ് വിദ്യാര്‍ഥികളും രക്ഷിതാക്കളും അധ്യാപകരും പരീക്ഷയെ നോക്കിക്കാണുന്നത്. ഈ അവസരത്തില്‍ മോഡല്‍ ഐ.ടി പരീക്ഷയില്‍ വന്ന ചില പ്രാക്ടിക്കല്‍ ചോദ്യങ്ങളെ ആസ്പദമാക്കി പ്രാക്ടിക്കല്‍ പരീക്ഷയെ സമീപിക്കേണ്ട വിധമാണ് ഇവിടെ അവതരിപ്പിക്കുന്നത്.

മോഡല്‍ പരീക്ഷയുടെ സര്‍ക്കുലര്‍ പ്രകാരം സോഫ്റ്റ്‌വെയറില്‍ പ്രത്യക്ഷപ്പെടുന്ന 14 പ്രാക്ടിക്കല്‍ ചോദ്യങ്ങളെ താഴെ നല്‍കിയിരിക്കുന്ന വിധത്തിലാണ് ക്രമീകരിച്ചിരിക്കുന്നത്.  
പത്താം ക്ലാസ് ഐ.സി.ടി. പാഠപുസ്തകത്തില്‍ ആകെ ഒമ്പത് അധ്യായങ്ങളാണല്ലോ ഉള്ളത്. ഇതില്‍ നിലവില്‍ നമ്മുടെ സ്കൂള്‍ കമ്പ്യൂട്ടര്‍ ലാബില്‍ വെച്ച് പ്രായോഗിക പരീക്ഷ നടത്താന്‍ ബുദ്ധിമുട്ടുള്ള ഭാഗങ്ങളില്‍(ചില അധ്യായങ്ങളിലെ ) നിന്നുള്ളവയെ ഈ വര്‍ഷം ഇതുവരെ നടന്ന പ്രാക്ടിക്കല്‍ ചോദ്യങ്ങളില്‍ നിന്ന് ഒഴിവാക്കിയിട്ടുണ്ട്. ഉദാ:- നെറ്റ്‌വര്‍ക്കിംഗ്( വിവരങ്ങള്‍ പങ്കുവെക്കാം), drupal gardens(നമുക്കൊരു വെബ്‌സൈറ്റ്), കമ്പ്യൂട്ടര്‍ എന്ന യന്ത്രം എന്ന അധ്യായത്തിലെ Sysinfo ഒഴികെയുള്ള ഭാഗം.

പരീക്ഷക്കുള്ള ആകെ സമയം തൊണ്ണൂറ് മിനിട്ടാണെന്നറിയാമല്ലോ? മുന്‍വര്‍ഷങ്ങളില്‍ തിയറി പരീക്ഷാ സമയത്ത് വിദ്യാര്‍ഥിക്ക് ലഭ്യമായിരുന്ന സൗകര്യങ്ങള്‍ സോഫ്റ്റ്‌വെയറിലെ തിയറി പരീക്ഷാസമയത്തും ലഭിക്കുന്നുണ്ട്. തിയറി പരീക്ഷയുടെ സമയം അവസാനിപ്പിക്കും വരെ ഉത്തരങ്ങള്‍ ‌മാറ്റി എഴുതാനുള്ള സൗകര്യം, ഏത് മുന്‍ഗണനാ ക്രമത്തിലും തിയറി ചോദ്യത്തിന് ഉത്തരം എഴുതാനുള്ള സൗകര്യം എന്നിവ സോഫ്റ്റ്‌വെയറില്‍ ലഭ്യമാണ്. പേന കൊണ്ട് എഴുതാനെടുക്കുന്ന സമയം സോഫ്റ്റ്‌വെയറിലെ ഉത്തരങ്ങളില്‍ ടിക് മാര്‍ക്ക് ചെയ്യുമ്പോള്‍ വേണ്ടതില്ല എന്നത് കൊണ്ട് തന്നെ തിയറി ചോദ്യങ്ങള്‍ക്ക് ഉത്തരങ്ങള്‍ കണ്ടെത്തിയാല്‍ അവ എഴുതാനെടുക്കുന്ന സമയം നിമിഷങ്ങള്‍ മാത്രമാണ്. അതുകൊണ്ട് തന്നെ തിയറി ചോദ്യങ്ങള്‍ പ്രത്യക്ഷപ്പെട്ടാല്‍ ചുരുങ്ങിയത് പത്തുമിനിട്ടെങ്കിലും സമയമെടുത്ത് എല്ലാ ചോദ്യങ്ങളും ശ്രദ്ധാപൂര്‍വ്വം വായിച്ച് ഉത്തരങ്ങള്‍ കണ്ടെത്തുക. (അധികമായ സമാശ്വാസ സമയം ഉള്‍പ്പെടെയാണ് ആകെ പരീക്ഷാസമയം എന്ന ധാരണ ഉണ്ടാവുന്നത് നന്ന് ). തുടര്‍ന്ന് ഓരോ ചോദ്യങ്ങളുടെയും ഉത്തരങ്ങള്‍ക്ക് നേരെ ടിക് മാര്‍ക്ക് നല്‍കാം. തിയറി പരീക്ഷ അവസാനിപ്പിക്കാനുള്ള ബട്ടണ്‍ ക്ലിക്കു ചെയ്യുമ്പോള്‍ പ്രത്യക്ഷപ്പെടുന്ന മുന്നറിയിപ്പ് (Warning Message) പ്രത്യേകം ശ്രദ്ധിക്കേണ്ടതാണ്. ഏതെങ്കിലും ചോദ്യത്തിന് ഉത്തരം മാര്‍ക്കു ചെയ്യാന്‍ വിട്ടുപോയിട്ടുണ്ടെങ്കില്‍ അത് ഈ മെസ്സേജില്‍ നിന്നും മനസ്സിലാക്കാവുന്നതാണ്. 


തിയറി പരീക്ഷക്ക് നാമെടുത്ത സമയത്തിന് ആനുപാതികമായി പ്രാക്ടിക്കല്‍ പരീക്ഷയുടെ ചോദ്യങ്ങള്‍ക്ക് ഉത്തരം ചെയ്യാനുള്ള സമയത്തില്‍ വ്യത്യാസം വരുമെന്ന് അറിയാമല്ലോ ? എഴ് പ്രാക്ടിക്കല്‍ ചോദ്യങ്ങളുള്ളത് കൊണ്ട് തന്നെ എല്ലാ ചോദ്യങ്ങള്‍ക്കും ഉത്തരം എഴുതാന്‍ ആരംഭിക്കേണ്ടതുണ്ട്. ഓരോ ചോദ്യങ്ങളുടെ ഉത്തരവും പരമാവധി 8 മിനുട്ടിനുള്ളില്‍ ചെയ്ത് തീര്‍ക്കാന്‍ ശ്രമിക്കണം. എല്ലാവരും എല്ലാ ചോദ്യങ്ങള്‍ക്കും ഈ സമയ നിഷ്ഠ തന്നെ പാലിക്കണമെന്നത് നിര്‍ബന്ധമില്ല . പത്ത് മിനിട്ടില്‍ കൂടുതല്‍ ഒരു ചോദ്യത്തിന് സമയം ചെലവഴിച്ചാല്‍ അത് തുടര്‍ന്നു വരുന്ന ചോദ്യങ്ങളെ പ്രതികൂലമായി ബാധിക്കുമെന്നത് തീര്‍ച്ചയാണ്. ഓരോ ഉത്തരം ചെയ്ത് തീരുമ്പോഴും അവയുടെ ഉല്പന്നം അവരവരുടെ ഫോള്‍ഡറുകളില്‍ സേവ് ചെയ്യുകയും ഇന്‍വിജിലേറ്ററെ കാണിക്കുകയും വേണം.


പ്രാക്ടിക്കല്‍ പരീക്ഷയ്ക്കാവശ്യമായ റിസോഴ്സുകള്‍ Home ഫോള്‍ഡറില്‍ ലഭ്യമാണ്. ഇതില്‍ നമുക്കൊരു വെബ്‌സൈറ്റ്, വിവര വിശകലനത്തിന്റെ പുതുരീതികള്‍ , എന്റെ വിഭവ ഭൂപടം, വരകള്‍ക്ക് ജീവന്‍ പകരാം എന്നീ പാഠഭാഗങ്ങളുടെ ചോദ്യങ്ങള്‍ക്ക് നല്‍കിയ റിസോഴ്സുകള്‍ എല്ലാ വിദ്യാര്‍ഥികള്‍ക്കും പുതിയത് തന്നെ (സോഫ്റ്റ്‌വെയറില്‍ ഉള്ള പോലെ - മറ്റൊരാള്‍ മാറ്റം വരുത്താത്തത്.) ലഭിക്കേണ്ടതുണ്ട്. ഉദാഹരണമായി ഒരു വിദ്യാര്‍ഥി ഉത്തരം ചെയ്യുമ്പോള്‍ സേവ് ചെയ്ത് മാറ്റം വന്ന ക്യൂജിസ് പ്രോജക്ട് ഫയല്‍ തൊട്ടടുത്തു വരുന്ന വിദ്യാര്‍ഥിക്ക് ലഭിക്കരുത്. ഈ പ്രശ്നം പരിഹരിക്കുന്നതിനായി ഓരോ പ്രാവശ്യവും പരീക്ഷ റണ്‍ ചെയ്യുമ്പോഴും Exam_documents എന്ന ഫോള്‍ഡറിലെ എല്ലാ contents കളും പുതുതായി ലോഡ് ചെയ്യുന്ന രീതിയിലാണ് സോഫ്റ്റ്‌വെയര്‍ തയ്യാറാക്കിയിരിക്കുന്നത്. അപ്പോള്‍ എല്ലാ വിദ്യാര്‍ഥികള്‍ക്കും ഫ്രഷ് ആയ റിസോഴ‌്സുകളാണ് ലഭിക്കുക. എന്നാല്‍ മോഡല്‍ പരീക്ഷയില്‍ ഇത് പ്രവര്‍ത്തിച്ചില്ല എന്നാണ് മാത്സ്ബ്ലോഗിലെ കമന്റുകളില്‍ നിന്നും മനസ്സിലാക്കാന്‍ സാധിച്ചത്. ഓപ്പണ്‍ഓഫീസുമായി ബന്ധപ്പെട്ട റിസോഴ്സില്‍ ടെംപ്ലേറ്റ് ഫയലുകളുണ്ടാവും ( ott, ots etc.) മെയില്‍ മെര്‍ജ് ചെയ്യാനുള്ള ചോദ്യത്തിന് ഈ ടെംപ്ലേറ്റ് ഫയല്‍ തുറന്ന ഉടനെ സേവ് ചെയ്യണം. എന്നാലേ ഇത് ഉപയോഗിച്ച് മെയില്‍ മെര്‍ജ് ചെയ്യാന്‍ സാധിക്കൂ.
മോഡല്‍ പരീക്ഷയിലെ ചില പ്രാക്ടിക്കല്‍ ചോദ്യങ്ങളുടെ വിശകലനം 



ഒന്നാമത്തെ അധ്യായമായ മിഴിവാര്‍ന്ന ചിത്രലോകം എന്ന ഭാഗത്തില്‍ നിന്നും ഇങ്ക്സ്കേപ് സോഫ്റ്റ്‌വെയര്‍ ഉപയോഗിച്ചുള്ള ലോഗോ നിര്‍മ്മാണവുമായി ബന്ധപ്പെട്ട ചോദ്യങ്ങളാണ് മോഡല്‍ പരീക്ഷക്ക് വന്നത്. ഇതില്‍ പാഠപുസ്തകത്തിലെ പേജ് 9 ല്‍ പരിചയപ്പെടുന്ന പ്രധാന ടൂളുകളുടെ പ്രയോഗസാധ്യതയാണ് വിലയിരുത്തുന്നത്. Create Rectangles and squares Tool , Fill and Stroke, Gradient Tool , Text Tool എന്നിവയുടെ ഉപയോഗം വിദ്യാര്‍ഥികള്‍ ശരിക്ക് മനസ്സിലാക്കിയാല്‍ ഈ ചോദ്യത്തിന് അനായാസം ഉത്തരം ചെയ്യാം. അമീബയെ വരക്കല്‍, ഗേറ്റ് (കമാനം)നിര്‍മ്മാണം, ത്രിമാന രൂപങ്ങള്‍, പൂവ് വരക്കല്‍ എന്നിവയും പാഠപുസ്തകത്തില്‍ പരാമര്‍ശിക്കുന്നത് കൊണ്ട് അത്തരം പ്രവര്‍ത്തനങ്ങളും വാര്‍ഷികപ്പരീക്ഷക്കായി പരിശീലിക്കേണ്ടതാണ്. Gradient ടൂള്‍ , ക്ലോണ്‍, ഡ്യൂപ്ലിക്കേറ്റ് , ഗ്രൂപ്പിംഗ് എന്നീ സങ്കേതങ്ങളുടെ പ്രയോഗവും പരീക്ഷയ്ക്ക് പ്രതീക്ഷിക്കാം , Export as PNG, Save in SVG എന്നിവ നിര്‍ബന്ധമായും അറിഞ്ഞിരിക്കേണ്ടതാണ്. ഇങ്ക്സ്കേപ് സോഫ്റ്റ്‌വെയറില്‍ മലയാളത്തില്‍ Text എഴുതുമ്പോള്‍ ഫോണ്ട് rachana സെലക്ട് ചെയ്യണമെന്നത് പ്രത്യേകം ശ്രദ്ധിക്കുക. ഇങ്ക്സ്കേപിലെ ക്യാന്‍വാസിന് (പേജ്) പുറത്തുള്ള പശ്ചാത്തലത്തില്‍ ചിത്രം വരക്കുകയാണെങ്കില്‍ Save ചെയ്യുന്നതിന് മുമ്പ് File → Document Properties → Resize page to content → Resize page to drawing or selection എന്നതില്‍ ക്ലിക്ക് ചെയ്ത് നാം വരച്ച ചിത്രം പേജില്‍ തന്നെ വരുത്തേണ്ടതാണ്. ഓരോ ചോദ്യങ്ങളുടെയും Scoring Indicators സോഫ്റ്റ്‌വെയറില്‍ ലഭ്യമാണ്. അധ്യാപകരുടെ സഹായത്തോടെ അവ കണ്ടെത്തി അതിനനുസരിച്ച് പ്രവര്‍ത്തനങ്ങള്‍ പരിശീലിക്കുന്നത് നന്നായിരിക്കും. 



മൂന്നാമത്തെ അധ്യായമായ എന്റെ വിഭവ ഭൂപടം - ഈ വിഭാഗത്തില്‍ നിന്നും നല്കിയിരിക്കുന്ന ക്യൂജിസ് പ്രോജക്ടിലെ വിവരങ്ങള്‍ കണ്ടെത്താനും വിശകലനം ചെയ്യാനുമുള്ള ചോദ്യങ്ങളാണ് മോഡല്‍ പരീക്ഷക്ക് ചോദിച്ചിരിക്കുന്നത്. നല്‍കിയിരിക്കുന്ന ക്യൂജിസ് മാപ്പിലെ ഒരു പ്രത്യേക ലെയറില്‍ രേഖപ്പെടുത്തിയ വിവരങ്ങള്‍ attribute ടേബിള്‍ വഴി പ്രദര്‍ശിപ്പിക്കാനുള്ള ചോദ്യം മാതൃകയായി നല്‍കുന്നു. 






"ക്യൂജിസ് സോഫ്റ്റ്‌വെയര്‍ തുറന്ന് Home/Exam_documents/QGIS എന്ന ഫോള്‍ഡറിലെ Examproject എന്ന ഭൂപടം open ചെയ്ത് Rail ലെയറിനെ ഭൂപടത്തില്‍ പ്രദര്‍ശിപ്പിക്കുക. തുടര്‍ന്ന് ഭൂപടത്തില്‍ രേഖപ്പെടുത്തിയ എല്ലാ വീടുകളുടെയും വിവരങ്ങള്‍ അടങ്ങിയ attribute table പ്രദര്‍ശിപ്പിക്കുക. ഈ പട്ടികയുടെ സ്ക്രീന്‍ഷോട്ട് നിങ്ങളുടെ രജിസ്റ്റര്‍നമ്പര്‍_ചോദ്യനമ്പര്‍ ഫയല്‍ നാമമായി നല്‍കി Home ലെ Exam10 ഫോള്‍ഡറില്‍ സേവ് ചെയ്യുക. (സ്ക്രീന്‍ഷോട്ട് ലഭിക്കാനായി കീബോര്‍ഡിലെ PrtSc കീ അമര്‍ത്തുക)” 




ഈ ചോദ്യത്തിന് ഉത്തരം ചെയ്യുന്ന വിധം താഴെ നല്‍കുന്നു.

Application → Science → Quantum GIS തുറക്കുക.

File → Open Project സെലക്ട് ചെയ്യുക. 

Home/Exam_documents/QGIS എന്ന ക്രമത്തില്‍ തുറന്ന് (നിര്‍ദ്ദേശിക്കപ്പെട്ട) Examproject.qgs എന്ന ഭൂപടം സെലക്ട് ചെയ്ത് open ക്ലിക്ക് ചെയ്യുക. 

ഇടതുവശത്തുള്ള Layers പാനലില്‍ നിന്നും Rail ലെയറില്‍ 'ചെക്ക്' മാര്‍ക്ക് ഇടുക. ( ഇപ്പോള്‍ Rail ലെയര്‍ ഭൂപടത്തില്‍ ദൃശ്യമായിട്ടുണ്ടാവും. 

ഇടതുവശത്തുള്ള Layers പാനലില്‍ നിന്നും House ലെയര്‍ സെലക്ട് ചെയ്ത് Right Click → Open attribute table സെലക്ട് ചെയ്യുക. (ഈ ഭൂപടത്തിലെ എല്ലാ വീടുകളുടെയും വിവരങ്ങള്‍ രേഖപ്പെടുത്തിയിരിക്കുന്നത് House എന്ന ലെയറിലാണല്ലോ?) 

ഇപ്പോള്‍ attribute table തുറന്ന് വന്നിട്ടുണ്ടാവും. ശേഷം കീബോര്‍ഡിലെ PrtSc കീ അമര്‍ത്തി ഇതിന്റെ സ്ക്രീന്‍ഷോട്ട് എടുക്കുക. 

സ്ക്രീന്‍ ഷോട്ട് നിങ്ങളുടെ രജിസ്റ്റര്‍നമ്പര്‍_ചോദ്യനമ്പര്‍ ഫയല്‍ നാമമായി നല്‍കി സേവ് ചെയ്യുക. 

ഈ ചോദ്യത്തിന്റെ Scoring Indicators ഉം സ്കോറും താഴെ നല്‍കുന്നു.

Opens the Map in QGIS                 1 

Checks the layer box “Rail”           ½ 

Selects the Layer “House”             1 

Opens attribute table of “House”   1 

Saves in correct location              ½ 

                Total                                 4


Attribute ടേബിളിനെ പ്രദര്‍ശിപ്പിക്കുന്നത് കൂടാതെ, നല്‍കിയിരിക്കുന്ന പ്രോജക്ടില്‍ പുതിയ ലെയര്‍ നിര്‍മ്മിക്കുന്നത് , നിലവിലുള്ള ഒരു ലെയറില്‍ പുതിയൊരു വിവരം കൂട്ടിച്ചേര്‍ക്കുന്നത് ( House ലെയറില്‍ പുതിയൊരാളുടെ വീട് കൂടി ഉള്‍പ്പെടുത്തുക, etc.), Identify Features Tool ന്റെ ഉപയോഗം, ആവൃത്തി വിശകലനം(ബഫറിംഗ്), തയ്യാറാക്കിയ ഭൂപടം പ്രിന്റ് ചെയ്യാനൊരുക്കല്‍ ( New Print Compozer വഴി) , ഭൂപടം png, jpg , pdf ഫോര്‍മാറ്റിലേക്ക് എക്സ്‌പോര്‍ട്ട് ചെയ്യല്‍ എന്നീ പ്രവര്‍ത്തനങ്ങളില്‍ നിന്നുള്ള ചോദ്യങ്ങളും പ്രതീക്ഷിക്കാവുന്നതാണ്.


കമ്പ്യൂട്ടര്‍ ഭാഷ എന്ന നാലാം അധ്യായത്തിലെ ഭൂരിഭാഗം ചോദ്യങ്ങളും നല്‍കിയിരിക്കുന്ന പൈതണ്‍ കോഡുകളിലെ തെറ്റുകള്‍ തിരുത്തി ശരിയായ പ്രോഗ്രാം തയ്യാറാക്കുന്നതിനുള്ളവയാണ്. ഈ ചോദ്യത്തിനുള്ള ഉത്തരം idle ഉപയോഗിച്ചോ gedit Text എഡിറ്റര്‍ ഉപയോഗിച്ചോ തയ്യാറാക്കാവുന്നതാണ്. മറ്റു ഉത്തരങ്ങളെ പോലെ തന്നെ ഇവ ഹോമിലെ Exam10 എന്ന ഫോള്‍ഡറില്‍ തന്നെ സേവ് ചെയ്യണമെന്നത് പ്രത്യകം ശ്രദ്ധിക്കേണ്ടതാണ്. ഈ അധ്യായത്തില്‍ നിന്നും wxglade ഉപയോഗിച്ചുള്ള പ്രവര്‍ത്തനം ഇത്‌ വരെ നടന്ന മൂന്ന് പരീക്ഷകള്‍ക്കും ചോദിച്ചിട്ടില്ല. gedit Text എഡിറ്റര്‍ ഉപയോഗിച്ച് പ്രോഗ്രാം തയ്യാറാക്കുകയാണെങ്കില്‍ അവ പ്രവര്‍ത്തിപ്പിക്കാന്‍ താഴെയുള്ള രീതി അവലംബിക്കാം.

• പ്രോഗ്രാം സേവ് ചെയ്ത ഫോള്‍ഡറില്‍ Right click ചെയ്ത് Open in Terminal സെലക്ട് ചെയ്യുക. 
• തുടര്‍ന്ന് പ്രോഗ്രാം പ്രവര്‍ത്തിപ്പിക്കാനായി ടെര്‍മിനലില്‍ താഴെയുള്ള മാതൃകയില്‍ കോഡ് ടൈപ്പ് ചെയ്ത് എന്റര്‍ ചെയ്യുക. 

      python filename.py


( 999995_6.py എന്ന ഫയല്‍ നാമമുള്ള പ്രോഗ്രാം പ്രവര്‍ത്തിപ്പിക്കാന്‍ താഴെയുള്ള കോഡാണ് നല്‍കേണ്ടത്.)


python 999995_6.py


ഒരു ചോദ്യമാതൃക:


" അമ്പതു വരെയുള്ള അഞ്ചിന്റെ ഗുണിതങ്ങള്‍ പ്രിന്റ് ചെയ്യുന്നതിനുള്ള പൈതണ്‍ പ്രോഗ്രാം തെറ്റായി നല്‍കിയിരിക്കുന്നു.



പ്രോഗ്രാമിലെ തെറ്റുകള്‍ തിരുത്തി ടൈപ്പ് ചെയ്ത് ശേഷം രജിസ്റ്റര്‍നമ്പര്‍_ചോദ്യനമ്പര്‍ ഫയല്‍ നാമമായി നല്‍കി സേവ് ചെയ്ത് പ്രവര്‍ത്തിപ്പിക്കുക. “


ഒരു പ്രോഗ്രാമില്‍ ഉള്‍പ്പെട്ടിട്ടുള്ള ഏതെങ്കിലും നിര്‍ദ്ദേശങ്ങള്‍ ഒരു നിശ്ചിത തവണ ആവര്‍ത്തിച്ചു പ്രവര്‍ത്തിപ്പിക്കാനാണ് for, while എന്നീ നിര്‍ദ്ദേശങ്ങള്‍ പൈതണില്‍ ഉപയോഗിക്കുന്നത്. ഇതില്‍ while നിര്‍ദ്ദേശത്തിന്റെ പ്രയോഗമാണ് ഇവിടെ ഉള്‍പ്പെടുത്തിയിരിക്കുന്നത്.


നല്‍കിയിരിക്കുന്ന കോഡ് പ്രവര്‍ത്തിപ്പിച്ചു നോക്കിയാല്‍ ഒന്നു മുതല്‍ 50 (1,2,3,4,....) വരെയുള്ള സംഖ്യകളാണ് പ്രിന്റ് ചെയ്യുന്നത്. നമുക്കിവിടെ പ്രിന്റ് ചെയ്യേണ്ടത് അമ്പതു വരെയുള്ള അഞ്ചിന്റെ ഗുണിതങ്ങളാണ്. അതായത് 5 , 10, 15, 20....... എന്നിങ്ങനെ . ചോദ്യത്തിലെ കോഡില്‍ തുടക്കവില 1 ഉം ഇന്‍ക്രിമെന്റ് 1ഉം പരമാവധി വില 50 ( a<=50) ഉം ആണ്. ഈ പ്രോഗ്രാമിലെ തുടക്കവിലയിലും ഇന്‍ക്രിമെന്റിലും മാറ്റം വരുത്തിയാല്‍ ചോദ്യത്തില്‍ പറഞ്ഞ രീതിയിലേക്ക് പ്രോഗ്രാമിനെ മാറ്റി എഴുതാം. (അതായത് 1 , 2, 3, 4, …. ന് പകരം 5, 10, 15, 20.... എന്ന് വരണം.) തുടക്ക വില 1 ന് പകരം അഞ്ചും ( a=1 ന് പകരം a=5 ) ഇന്‍ക്രിമെന്റ് 1 ന് പകരം 5 ഉം നല്‍കണം( a=a+1 ന് പകരം a=a+5). ഇങ്ങനെ മാറ്റി എഴുതിയാല്‍ പ്രോഗ്രാം താഴെ പറയുന്ന രീതിയിലാവുന്നു.

ഈ ചോദ്യത്തിന് ഉത്തരം ചെയ്യുന്ന വിധം താഴെ നല്‍കുന്നു.


IDLE ഉപയോഗിച്ച് ഉത്തരം തയ്യാറാക്കുന്ന വിധം.

• Applications → Programming→ IDLE തുറക്കുക. 
• File → New Window സെലക്ട് ചെയ്യുക. 
• തുറന്നു വരുന്ന വിന്‍ഡോയില്‍ ശരിയായ പ്രോഗ്രാം ടൈപ്പ് ചെയ്യുക.( Syntax പ്രത്യേകം ശ്രദ്ധിക്കുക.)
• File → Save സെലക്ട് ചെയ്യുക. 
• Exam10 ഫോള്‍ഡര്‍ തുറന്ന് ഫയല്‍ നാമം നല്‍കി സേവ് ചെയ്യുക. 
• ഫയല്‍ പ്രവര്‍ത്തിപ്പിക്കാനായി മെനുവിലെ Run → Run Module സെലക്ട് ചെയ്യുക ( F5)

gedit Text എഡിറ്റര്‍ ഉപയോഗിച്ച് ഉത്തരം തയ്യാറാക്കുന്ന വിധം

• Applications → Accessories→gedit Text എഡിറ്റര്‍ തുറക്കുക. 
• ടെസ്റ്റ് എഡിറ്ററില്‍ ശരിയായ പ്രോഗ്രാം ടൈപ്പ് ചെയ്യുക.( Syntax പ്രത്യേകം ശ്രദ്ധിക്കുക.) 
• File → Save സെലക്ട് ചെയ്യുക. 
• Exam10 ഫോള്‍ഡര്‍ തുറന്ന് .py എന്ന് എക്സറ്റന്‍ഷനോടെ ഫയല്‍ നാമം നല്‍കി സേവ് ചെയ്യുക. 
• ഫയല്‍ പ്രവര്‍ത്തിപ്പിക്കാനായി പ്രോഗ്രാം സേവ് ചെയ്ത ഫോള്‍ഡറില്‍ Right click ചെയ്ത് Open in Terminal സെലക്ട് ചെയ്യുക. 
• തുടര്‍ന്ന് ടെര്‍മിനലില്‍ താഴെയുള്ള മാതൃകയില്‍ കോഡ് ടൈപ്പ് ചെയ്ത് എന്റര്‍ ചെയ്യുക.
  
  python filename.py

ഈ ഉത്തരത്തിന്റെ Scoring Indicators താഴെ നല്‍കുന്നു.

1. Types the program in proper syntax        1 
2. Changes a=1 to a=5 (Line 1)                  1 
3. Changes a=a+1 to a=a+5 (Line 4)          1 
4. Saves the program in correct location      ½
5. Correct Output                                        ½ 

                Total                                  4


നേരത്തെ തയ്യാറാക്കി (gedit text editor or idle) സേവ് ചെയ്ത് വെച്ചിരിക്കുന്ന  പൈതണ്‍ പ്രോഗ്രാമുകളെ IDLE ഉപയോഗിച്ചും പ്രവര്‍ത്തിപ്പിക്കാം. അതിനായി താഴെയുള്ള പ്രവര്‍ത്തന ക്രമമാണ് പാലിക്കേണ്ടത്.

• Applications → Programming→ IDLE തുറക്കുക. 
• File → Open വഴി നേരത്തെ തയ്യാറാക്കി സേവ് ചെയ്ത പൈതണ്‍ ഫയല്‍ തുറക്കുക. 
• ഫയല്‍ പ്രവര്‍ത്തിപ്പിക്കാനായി മെനുവിലെ Run → Run Module സെലക്ട് ചെയ്യുക ( F5)

range, ലഘു ഫങ്ഷനുകളുടെ നിര്‍മ്മാണം , സ്ട്രിങ്ങുകളുടെ ഉപയോഗം ( ഒരു കൂട്ടത്തില്‍ നിന്ന് ഒരു പ്രത്യേക വിഭാഗത്തെ കണ്ടെത്തല്‍, സ്ട്രിങ്ങ് പിരമിഡ് , സ്ട്രിങ്ങുകള്‍ തമ്മില്‍ കൂട്ടിച്ചേര്‍ക്കല്‍ etc) എന്നിവയില്‍ നിന്നുള്ള ചോദ്യങ്ങളും വാര്‍ഷികപ്പരീക്ഷക്ക് ഈ അധ്യായത്തില്‍ നിന്ന് പ്രതീക്ഷിക്കാവുന്നതാണ്.


ആറാമത്തെ അധ്യായമായ 'വരകള്‍ക്ക് ജീവന്‍ പകരാം' - ല്‍ നിന്നും രണ്ട് രീതിയിലുള്ള ചോദ്യങ്ങളാണ് മോഡല്‍ പരീക്ഷക്ക് ചോദിച്ചിരിക്കുന്നത്. നല്‍കിയിരിക്കുന്ന റ്റുപീ പ്രോജക്ട് ഫയലില്‍ ആവശ്യമായ മാറ്റം വരുത്തി നിര്‍ദ്ദേശിച്ചിരിക്കുന്ന അനിമേഷന്‍ തയ്യാറാക്കുക, പുതിയ പ്രോജക്ട് ഫയല്‍ തുറന്ന് അതില്‍ ലളിതമായ ചിത്രം വരച്ച് അവക്ക് അനിമേഷന്‍ നല്‍കുക എന്നിവയാണ‌വ. ഇതിലെ ചോദ്യങ്ങള്‍ ഒന്ന് രണ്ടാവര്‍ത്തി വായിച്ച് മനസ്സിലാക്കിയാല്‍ വളരെ പെട്ടെന്ന് ഉത്തരം ചെയ്യാന്‍ സാധിക്കുന്നതാണ്.

അനിമേഷന്‍ തയ്യാറാക്കുന്നതിനുള്ള ചോദ്യങ്ങള്‍ക്ക് രണ്ട് തരം റിസോഴ്സുകളാണ് നല്‍കിയിരിക്കുന്നത്. Exam_documents ല്‍ boy.tup , bus.tup, butterfly.tup, football.tup, sky.tup എന്നിങ്ങനെ അഞ്ച് റ്റുപീ പ്രോജക്ട് ഫയലുകളും Images10 ല്‍ bus.png , plane.png, sky.png, scene.png എന്നിങ്ങനെ നാല് ചിത്ര ഫയലുകളുമാണവ. ഇവയില്‍ പ്രോജക്ട് ഫയലുകള്‍ ( .tup എക്സ്റ്റന്‍ഷനിലുള്ളവ) ചിത്രങ്ങളല്ലാത്തതിനാല്‍ അവ Insert → Bitmap വഴി റ്റുപീ സോഫ്റ്റ്‌വെയറിലേക്ക് ഉള്‍പ്പെടുത്താന്‍ സാധിക്കില്ല. മുന്‍കൂട്ടി റ്റുപീസോഫ്റ്റ്‌വെയറില്‍ തയ്യാറാക്കിയ അപൂര്‍ണ്ണമായ ഫയലുകളാണ് ഇവിടെ റിസോഴ്സുകളായി തന്നിരിക്കുന്നത്. അവ റ്റുപീയില്‍ തുറന്ന് ആവശ്യമായ മാറ്റം വരുത്തി അനിമേഷന്‍ പ്രവര്‍ത്തിപ്പിക്കുക. Save project As or Export ചെയ്യുക.

  പ്രോജക്ട് ഫയലുകളെ സോഫ്റ്റ്‌വെയറിലെ File → Open Project മെനു വഴിയാണ് റ്റുപീയില്‍ തുറക്കേണ്ടത്. Images10 ല്‍ നല്‍കിയിരിക്കുന്ന ചിത്ര ഫയലുകളെയാണ് Insert → Bitmap വഴി സോഫ്റ്റ്‌വെയറിലേക്ക് ഉള്‍പ്പെടുത്താന്‍ സാധിക്കുന്നത്. ഈ വ്യത്യാസം തിരിച്ചറിഞ്ഞാല്‍ വളരെ വേഗത്തില്‍ ഈ പ്രവര്‍ത്തനം പൂര്‍ത്തീകരിക്കാന്‍ സാധിക്കും.

ഒരു ചോദ്യമാതൃക:
"റോഡിലൂടെ നടന്നു നീങ്ങുന്ന കുട്ടി" - ഇതിന്റെ അനിമേഷന്‍ Home ലെ Exam_documents ല്‍ നല്‍കിയിരിക്കുന്ന boy.tup എന്ന ഫയല്‍ Tupi സോഫ്റ്റ്‌വെയറില്‍ തുറന്ന് തയ്യാറാക്കുക. Home ലെ Images10 ല്‍ നിന്നും അനുയോജ്യമായ ചിത്രം പശ്ചാത്തലമായി ഉള്‍പ്പെടുത്തുക. തയ്യാറാക്കിയ അനിമേഷന്‍ Save project As വഴി Home ലെ Exam10 എന്ന ഫോള്‍ഡറില്‍ നിങ്ങളുടെ ചോദ്യനമ്പര്‍_ചോദ്യനമ്പര്‍ ഫയല്‍ നാമമായി നല്‍കി സേവ് ചെയ്യുക.


ഈ ചോദ്യത്തിന് ഉത്തരം ചെയ്യുന്ന വിധം നോക്കാം


ഇവിടെ വിദ്യാര്‍ഥിയുടെ പ്രവര്‍ത്തനത്തിലൂടെ ലഭിക്കുന്ന ഉല്പന്നമാണ് "റോഡിലൂടെ നടന്നു നീങ്ങുന്ന കുട്ടി" എന്ന അനിമേഷന്‍. ഈ അനിമേഷന്‍ തയ്യാറാക്കാന്‍ ഏതെല്ലാം ചിത്രങ്ങള്‍ തയ്യാറാക്കേണ്ടി വരും എന്ന് ആദ്യമേ ആലോചിക്കണം. ഇവിടെ പശ്ചാത്തലത്തില്‍ റോഡും , അതിലൂടെ നടന്നു നീങ്ങുന്ന കുട്ടിയും - ഇതിന് കറഞ്ഞപക്ഷം രണ്ട് ചിത്രങ്ങളെങ്കിലും വേണം. ഇതിനാവശ്യമായ രണ്ട് ചിത്രങ്ങളും റിസോഴ്സുകളായി രണ്ട് രീതിയില്‍ തന്നിട്ടുണ്ട്. Exam_documents ലെ boy.tup എന്ന പ്രോജക്ട് ഫയലാണ് ഒന്ന്. FPS മൂന്ന് ആയി ക്രമീകരിച്ച അഞ്ച് ഫ്രെയിം ഉള്ള ഒരു റ്റുപീ പ്രോജക്ട് ഫയലാണിത്. ഇതില്‍ കുട്ടിയടെ ചിത്രവും ഉള്‍ക്കൊള്ളുന്നുണ്ട്. പശ്ചാത്തലമായി ഉള്‍പ്പെടുത്തേണ്ട റോഡിന്റെ ചിത്രം Images10 ല്‍ ലഭ്യമാണ് (scene.png ). ( റിസോഴ്സുകള്‍ നല്‍കാത്ത ചോദ്യങ്ങളും നല്‍കിയിട്ടുണ്ട്. അത്തരം സന്ദര്‍ഭങ്ങളില്‍ ആവശ്യമായ ചിത്രങ്ങള്‍ വിദ്യാര്‍ഥികള്‍ സ്വയം വരച്ചുണ്ടാക്കണം.)


ഉത്തരം ചെയ്യുന്നതിനുള്ള പ്രവര്‍ത്തനക്രമം.

• Applications →Graphics →Tupi:2D Magic തുറക്കുക. 
• File → Open project സെലക്ട് ചെയ്യുക. 
• Home ലെ Exam_documents തുറന്ന് boy.tup എന്ന ഫയല്‍ സെലക്ട് ചെയ്ത് open ചെയ്യുക.

ഈ പ്രോജക്ട് ഫയലില്‍ ആകെ അഞ്ച് ഫ്രെയിമുകള്‍ തയ്യാറാക്കിയിട്ടുണ്ട്. അഞ്ച് ഫ്രെയിമിലും ചിത്രങ്ങളും ക്രമീകരിച്ചിട്ടുമുണ്ട്. 1 , 3, 5 എന്നീ ഫ്രെയിമില്‍ കുട്ടിയുടെ ഒരു സ്റ്റെപ്പും 2, 4 ഫ്രെയിമില്‍ മറ്റൊരു സ്റ്റെപ്പുമാണുള്ളത്. അഞ്ച് ഫ്രെയിമിലും ചിത്രം ഒരേ സ്ഥാനത്താണ്. അതിനാല്‍ അനിമേഷനായി രണ്ടാമത്തെ ഫ്രെയിം മുതല്‍ ചിത്രത്തിന്റെ സ്ഥാനം ക്രമമായി മുന്നോട്ട് മാറ്റി വെക്കുക മാത്രമാണ് ഇവിടെ ചെയ്യേണ്ട പ്രധാന പ്രവര്‍ത്തനം. അതിനു മുമ്പായി ചിത്രത്തിന് അനുയോജ്യമായ പശ്ചാത്തലം ക്രമീകരിക്കണം.

• പശ്ചാത്തലം ക്രമീകരിക്കാനായി Background Mode സെലക്ട് ചെയ്യുക. 
• തുടര്‍ന്ന് Insert → Bitmap സെലക്ട് ചെയ്യുക. 
• Home ലെ Images10 ല്‍ നിന്നും scene.png സെലക്ട് ചെയ്ത് open ചെയ്യുക. 
• തുടര്‍ന്ന് Frames Mode സെലക്ട് ചെയ്ത് പ്രധാന ജാലകത്തില്‍ തിരിച്ചെത്തുക. 
• ഇനി ലെയര്‍ ബോക്സില്‍ നിന്നും രണ്ടാമത്തെ ഫ്രെയിം സെലക്ട് ചെയ്യുക. ( രണ്ടാമത്തെ ഫ്രെയിമില്‍ ക്ലിക്കു ചെയ്യുക.) 
• ശേഷം ടൂള്‍ ബോക്സില്‍ നിന്നും Object Selection (O) Tool സെലക്ട് ചെയ്യുക. 
• ക്യാന്‍വാസിലെ ചിത്രത്തിനു മുകളിലൂടെ ഡ്രാഗ് ചെയ്ത് ചിത്രം സെലക്ട് ചെയ്യുക. 
• കീ ബോര്‍ഡിലെ Left ആരോ കീ ഉപയോഗിച്ച് ചിത്രത്തെ നിലവിലുള്ള സ്ഥാനത്ത് നിന്നും അല്പം മുമ്പോട്ട് നീക്കി വെക്കുക. 
• തുടര്‍ന്ന് ലെയര്‍ ബോക്സില്‍ നിന്നും മൂന്നാമത്തെ ഫ്രെയിം സെലക്ട് ചെയ്യുക. 
• രണ്ടാമത്തെ ചിത്രം ഇപ്പോള്‍ നില്‍ക്കുന്ന സ്ഥാനത്തിന് അല്പം മുമ്പോട്ടായി മൂന്നാമത്തെ ഫ്രെയിമിലെ ചിത്രത്തെ മാറ്റി സ്ഥാപിക്കുക. 
• ഇങ്ങനെ ബാക്കി നാല് ഫ്രെയിമിലും ക്ലിക്ക് ചെയ്ത് അവയിലെ ചിത്രത്തിലെ സ്ഥാനം തൊട്ടു പിന്നിലെ ചിത്രത്തിന്റെ സ്ഥാനത്തില്‍ നിന്നും മാറ്റി വെക്കുക. 
• എല്ലാ ഫ്രെയിമിലേയും ചിത്രങ്ങളുടെ സ്ഥാനം മാറ്റി വെച്ചതിന് ശേഷം Player മെനു സെലക്ട് ചെയ്ത് അനിമേഷന്‍ പ്രവര്‍ത്തിപ്പിക്കുക. 
• File → Save project As വഴി Home ലെ Exam10 എന്ന ഫോള്‍ഡറില്‍ നിങ്ങളുടെ ചോദ്യനമ്പര്‍_ചോദ്യനമ്പര്‍ ഫയല്‍ നാമമായി നല്‍കി സേവ് ചെയ്യുക.

ഈ ചോദ്യത്തിന്റെ Scoring Indicators താഴെ നല്‍കുന്നു.

1. Opens Tupi                           ½ 
2. Opens required file                ½ 
3.  Inserts background Image     1 
4.  Makes movements for object  1 
5. Saves in the correct location   1 

                       Total                     4

തയ്യാറാക്കുന്ന അനിമേഷന്‍ പ്രോജക്ട് ഫയലായി (.aup) സേവ് ചെയ്യുന്നതിന് പകരം വീഡിയോ ഫയലാക്കി (avi ഫോര്‍മാറ്റിലേക്ക്) എക്സ്‌പോര്‍ട്ട് ചെയ്യാന്‍ ആവശ്യപ്പെടുന്ന രീതിയിലുള്ള ചോദ്യങ്ങളും വാര്‍ഷിക പരീക്ഷക്ക് പ്രതീക്ഷിക്കാവുന്നതാണ്.

(എല്ലാ പാഠഭാഗങ്ങളിലെയും ചോദ്യമാതൃകകളെ വിശകലനം ചെയ്തിട്ടില്ല. നമ്മുടെ അധ്യാപക സുഹൃത്തുക്കളാരെങ്കിലും ആ ജോലി ഏറ്റെടുത്ത് അവ മാത്സ് ബ്ലോഗില്‍ പ്രസിദ്ധീകരിക്കുമെന്ന് കരുതട്ടെ..)

ഈ പോസ്റ്റിന്റെ പി.ഡി.എഫിനായി ഇവിടെ ക്ലിക്ക് ചെയ്യുക.

മാത്സ് ബ്ലോഗ് ഒരുക്കം - മലയാളം

സാധാരണ രണ്ടു ദിവസത്തെ എങ്കിലും ഇടവേളകളിലാണ് മാത്സ് ബ്ലോഗ് പോസ്റ്റുകള്‍ പ്രസിദ്ധീകരിക്കാറ്. ചില പ്രത്യേക സാഹചര്യങ്ങളില്‍ സര്‍പ്രൈസ് പോസ്റ്റുകളും പ്രസിദ്ധീകരിക്കാറുണ്ട്. റിവിഷന്‍ പോസ്റ്റുകള്‍ക്കായുള്ള വിവിധ വിഷയങ്ങളുടെ പഠനസഹായികള്‍ ഒരുക്കി ഡേറ്റ് നിശ്ചയിച്ചു ഷെഡ്യൂള്‍ ചെയ്യുകയാണ് പലപ്പോഴും ചെയ്യാറ്. ഈ മാസം ആ പ്ലാനിംഗ് വിജയകരമായി നടത്താന്‍ സാധിച്ചില്ല എന്നത് ഒരല്‍പം സന്തോഷത്തോടെ(?) അറിയിക്കട്ടെ..

ഈ വര്‍ഷത്തെ എസ്.എസ്.എല്‍.സി റിവിഷന്‍ പോസ്റ്റുകള്‍ ക്ഷണിച്ചു കൊണ്ടുള്ള സ്ക്രോളിംഗിന് ലഭിച്ച അഭൂതപൂര്‍വ്വമായ പ്രതികരണമാണ് ഈ സന്തോഷത്തിനു കാരണം. ഒട്ടേറെ പഠനസഹായികള്‍ അതുമായി ബന്ധപ്പെട്ടു ലഭിച്ചു. ഒരു ദിവസം ഒരു പോസ്റ്റ് എന്ന നിലയില്‍ പ്രസിദ്ധീകരിച്ചാലോ എന്ന ചിന്തയിലാണ് ഞങ്ങളിപ്പോള്‍.

മലയാളം വിഷയവുമായി ബന്ധപ്പെട്ട പോസ്റ്റാണ് ഇന്ന്. മലയാളത്തിലെ വിവിധ പാഠങ്ങളുടെ സംഗ്രഹം ഉള്‍ക്കൊള്ളുന്ന ഈ പഠന സഹായി ഒരുക്കിയിരിക്കുന്നത് കാസര്‍ഗോഡ് ഷിറിയ ജി.എച്ച്.എസ്.എസിലെ രമേശന്‍ സാറാണ്. ഇതു തയാറാക്കുന്നതിനു വേണ്ടി രമേശന്‍ സാര്‍ എടുത്ത പ്രയത്നം ഈ പഠനസഹായിയിലൂടെ കണ്ണോടിക്കുന്ന ആര്‍ക്കും മനസ്സിലാക്കാവുന്നതേയുള്ളു. മലയാളം അദ്ധ്യാപകര്‍ കണ്ടു വിലയിരുത്തുമെന്നും വേണ്ട തിരുത്തലുകളോ കൂട്ടിച്ചേര്‍ക്കലുകളോ കമന്റിലൂടെ നടത്തുമെന്നും സര്‍വ്വോപരി ഇതു കുട്ടികളിലേക്ക് എത്തിക്കുമെന്ന പ്രതീക്ഷയില്‍ ഈ പഠനസഹായി നിങ്ങളുടെ മുന്നിലേക്ക്...
Click here to Download Malayalam Notes

മാത്സ് ബ്ലോഗ് ഒരുക്കം - ഐ.ടി - 1 (With English Version)

അല്പം മുമ്പാണ് ഷാജി സാര്‍(ഹരിതം) ഈ മാതൃകാചോദ്യങ്ങള്‍ ശേഖരിച്ച് അയച്ചു തന്നത്. പലരും പലവട്ടം ചോദിച്ചതായതു കൊണ്ട്, പിന്നെ സമയവും നാളുമൊന്നും നോക്കിയില്ല. അങ്ങ് പ്രസിദ്ധീകരിക്കുന്നു.
IT Theory Questions Malayalam Medium | English Medium
Prepared by Shaji sir & John Sir

Click here to download Sample IT Theory questions
Prepared By Shaji Sir, Haritham

Click here for IT Theory and Practical Questions - English Medium
Prepared by Mathew Mullamchira,St.Mary's GHS, Cherthala

Click here for IT Practical Model Questions - English Medium
Prepared by Younus Saleem M,Nibras English Medium School,Moonniyur , Chemmad

Click here to download IT Practical Questions
Prepared by മുരളിമാഷ് ജി.വി.എച്ച്.എസ്സ്.എസ്സ്. വട്ടേനാട്, പാലക്കാട്

Click here to download IT Theory Model Questions - English Medium
Prepared by Younus Saleem,Nibras English Medium School ,Moonniyur

Std X Malayalam Medium Theory Questions Prepared By IT@School

IT Practical Questions & answers Prepared by Jose Abraham Sir

ഒരുക്കം 2013 SSLC ORUKKAM

മോഡല്‍ പരീക്ഷയ്ക്കിനി ഒരു മാസം പോലും സമയമില്ല. മോഡല്‍ പരീക്ഷയുടെ ടൈംടേബിള്‍ എല്ലാവരും തന്നെ ഇതിനോടകം ഡൌണ്‍ലോഡ് ചെയ്തെടുത്തിട്ടുണ്ടാകുമല്ലോ. എന്റെ വിദ്യാലയം മികച്ച വിദ്യാലയം എന്ന കാഴ്ചപ്പാടോടെ ഈ വര്‍ഷം ഗ്രേഡ് വിശകലനവും അവലോകനയോഗങ്ങളുമെല്ലാം നാം ചെയ്തു കഴിഞ്ഞു. തുടര്‍പ്രവര്‍ത്തനങ്ങളും മറ്റും സ്റ്റാഫ് മീറ്റിങ്ങുകളിലും ക്ലാസ് പി.ടി.എ കളിലുമെല്ലാം തീരുമാനിച്ച് വിവിധ പദ്ധതികളുമായി ഏവരും മുന്നോട്ടു നീങ്ങുകയായിരിക്കും. ഒരേ ഒരു ലക്ഷ്യമേ എല്ലാ വിദ്യാലയങ്ങളിലേയും അധ്യാപകരുടേയും വിദ്യാര്‍ത്ഥികളുടേയും മനസ്സിലുള്ളു. അത് ഈ വര്‍ഷത്തെ എസ്.എസ്.എല്‍.സി പരീക്ഷയിലെ മികച്ച വിജയം തന്നെയായിരിക്കും. അതിനൊരു പിന്തുണയുമായി ഈ വര്‍ഷവും വിദ്യാഭ്യാസവകുപ്പ് ഒരുക്കം പഠനസഹായി പുറത്തിറക്കിയിരിക്കുന്നു. മുന്‍വര്‍ഷങ്ങളിലെ ഒരുക്കം പ്രവര്‍ത്തനങ്ങളുടെ തുടര്‍ച്ചയായിട്ടാണ് ഇത്തവണ പഠനപ്രവര്‍ത്തനങ്ങള്‍ തയ്യാറാക്കിയിട്ടുള്ളതത്രേ. പി.ടി.എ, എം.പി.ടി.എ, പ്രാദേശിക ഭരണസമിതികള്‍ എന്നിവയുടെ സഹകരണത്തോടെയാണ് ഒരുക്കം പഠനക്യാമ്പുകള്‍ നടത്തേണ്ടതെന്ന് വിദ്യാഭ്യാസവകുപ്പ് ആമുഖത്തില്‍ പറയുന്നു. എല്ലാ വിദ്യാലയങ്ങള്‍ക്കും മികച്ച എസ്.എസ്.എല്‍.സി വിജയം ആശംസിക്കുന്നു. ചുവടെയുള്ള ലിങ്കില്‍ നിന്നും ഓരോ വിഷയങ്ങളുടേയും ഒരുക്കം ചോദ്യശേഖരം ഡൗണ്‍ലോഡ് ചെയ്‌തെടുക്കാം.

1) - Malayalam
2) - English
3) - Hindi
4) - Arabic
5) - Urdu
6) - Sankrit
7) - Social Science
8) - Physics
9) - Chemistry
10) - Biology
11) - Mathematics

മാത്സ് ബ്ലോഗ് ഒരുക്കം - ഐ.ടി -3

പത്താം ക്ലാസിലെ ഐ.ടി പാഠപുസ്തകത്തെ ആധാരമാക്കി മാത്സ് ബ്ലോഗ് മുന്‍പ് പ്രസിദ്ധീകരിച്ച പോസ്റ്റുകള്‍ അധ്യ​യനത്തിനും അതു പോലെ കുട്ടികള്‍ക്ക് പാഠഭാഗങ്ങള്‍ കൂടുതല്‍ വ്യക്തമായി മനസ്സിലാക്കുന്നതിനും സഹായിക്കുന്നതായി ബ്ലോഗിനു വരുന്ന മെയിലുകളില്‍ നിന്നും ഞങ്ങള്‍ മനസ്സിലാക്കുന്നു. കഴിഞ്ഞ ഐ.ടി പരീക്ഷയുടെ പ്രാക്ടിക്കല്‍/തിയറി ചോദ്യങ്ങളുടെ ഒരു സമാഹാരം പ്രസിദ്ധീകരിക്കണമെന്ന ആഗ്രഹത്തിലിരിക്കുമ്പോഴാണ് മലപ്പുറം ജില്ലയിലെ നിലമ്പൂര്‍ മണിമൂലി സി കെ എച്ച് എസ് സ്കൂളിലെ അധ്യാപികയായ കെ ഹൗലത്ത് ടീച്ചര്‍ പത്താം ക്ലാസ് പാഠപുസ്തകത്തിലെ 'നമുക്ക് ഒരു വെബ്സൈറ്റ് ഉണ്ടാക്കാം' എന്ന പാഠഭാഗവുമായി ബന്ധപ്പെട്ട ചോദ്യങ്ങളുടെ ഒരു ശേഖരം അയച്ചു തന്നത്. ചോദ്യങ്ങള്‍ പകര്‍ത്തി വയ്ക്കുക മാത്രമല്ല, ഓരോ ചോദ്യ​വും എങ്ങിനെയാണ് ചെയ്യേണ്ടത് എന്നും അതില്‍ വ്യക്തമായി രേഖപ്പെടുത്തിയിരിക്കുന്നു എന്നതാണ് ഈ നോട്സിനെ വ്യത്യസ്തമാക്കുന്നത്. ഇത്തരം പ്രവര്‍ത്തനങ്ങള്‍ പല അധ്യാപകരും അവരവരുടെ സ്കൂളുകളില്‍ ചെയ്യുന്നതാണെങ്കിലും അവ പങ്കു വയ്ക്കാനുള്ള മനസ് അധികം പേരിലും കാണാറില്ല എന്നത് ഒരു പരമാര്‍ത്ഥം മാത്രം. ആ അവസ്ഥ മാറി തങ്ങളുടെ കൈയ്യിലുള്ള പഠനസഹായികള്‍ പങ്കു വയ്ക്കാന്‍ കൂടുതല്‍ അധ്യാപകര്‍ക്ക് ഇതു പ്രചോദനമാകട്ടെ എന്നാഗ്രഹിച്ചു കൊണ്ട് ആ നോട്സ് നിങ്ങള്‍ക്കു മുന്നിലേക്ക്..
Click here for the Notes on Website Creation (Malayalam Version)

Click here for the Notes on Website Creation (English Version)- Prepared by Rajeev Joseph Sir

Click here for the Notes on System Information

Click here for the Notes on Stellerium

** വിവിധ പോസ്റ്റുകളുടെ ഇംഗ്ലീഷ് വേര്‍ഷന്‍ ആവശ്യപ്പെട്ടു കൊണ്ട് ധാരാളം മെയിലുകളും കമന്‍റുകളും മാത്സ് ബ്ലോഗിലേക്ക് വരുന്നണ്ട്. ഇംഗ്ലീഷിലേക്ക് തര്‍ജ്ജിമ ചെയ്യാന്‍ കഴിയുന്ന/താല്‍പര്യമുള്ള അധ്യാപകര്‍ക്ക് ബ്ലോഗുമായി ബന്ധപ്പെടാവുന്നതാണ്. മെയില്‍ വിലാസം - mathsblogteam@gmail.com

മാത്സ് ബ്ലോഗ് ഒരുക്കം - മാത്സ് -1

എസ്.എസ്.എല്‍.സി പരീക്ഷ അടുത്തെത്തിയതോടെ മുന്‍ വര്‍ഷം പ്രസിദ്ധീകരിച്ചതു പോലെയുള്ള മാതൃകാ ചോദ്യശേഖരം പ്രസിദ്ധീകരിക്കണമെന്ന രക്ഷിതാക്കളുടേയും അധ്യാപകരുടേയും ആവശ്യം ശക്തിപ്പെട്ടു തുടങ്ങി. വിവിധ വിഷയങ്ങളില്‍ ചോദ്യശേഖരങ്ങള്‍ തയ്യാറാക്കി നല്‍കണമെന്നാണ് അവരുടെ ആവശ്യം. മാത്സ് ബ്ലോഗിന്റെ സന്ദര്‍ശകരും വിവിധ വിഷയങ്ങളില്‍ പ്രഗത്ഭരുമായ അധ്യാപകരോട് ഈ ആവശ്യം ഞങ്ങള്‍ പങ്കുവെക്കട്ടെ. കഴിഞ്ഞ വര്‍ഷം ഗണിതശാസ്ത്രത്തില്‍ പാലക്കാട് പറളി ഹൈസ്ക്കൂളിലെ സതീശന്‍ സാര്‍ തയ്യാറാക്കിയ ചോദ്യങ്ങള്‍ ഏവര്‍ക്കും റിവിഷന് ഏറെ ഉപകരിച്ചല്ലോ. അത് ഒന്നു കൂടി വിപൂലീകരിച്ച് കുറേ ചോദ്യങ്ങള്‍ കൂടി ഉള്‍പ്പെടുത്തി 42 പേജുള്ള ഒരു ചോദ്യബാങ്ക് ഈ വര്‍ഷവും അദ്ദേഹം നമുക്ക് അയച്ചു തന്നിട്ടുണ്ട്. പാഠപുസ്തകത്തിലെ എല്ലാ ലേണിങ് ഒബ്ജക്ടീവ്സും എഴുതി അതിനു ചുവട്ടില്‍ അതുമായി ബന്ധപ്പെട്ട മാതൃകാ ചോദ്യങ്ങള്‍ നല്‍കി വളരെ മനോഹരമായാണ് അദ്ദേഹം ചോദ്യങ്ങള്‍ ക്രമീകരിച്ചിരിക്കുന്നത്. ഇതൊരു മാതൃകയായി സ്വീകരിച്ച് ഗണിത-ഗണിതേതര വിഷയങ്ങളിലുള്ള കൂടുതല്‍ പഠന-പരീക്ഷാ സഹായികള്‍ അധ്യാപകരില്‍ നിന്നും ക്ഷണിക്കുന്നു. ഒപ്പം ഈ ചോദ്യബാങ്ക് ഫലപ്രദമായി വിനിയോഗിക്കുന്ന അധ്യാപകരില്‍ നിന്നും അഭിപ്രായങ്ങള്‍ കമന്റിലൂടെ പ്രതീക്ഷിക്കുന്നു. ചുവടെയുള്ള ലിങ്കില്‍ നിന്നും ഈ ചോദ്യബാങ്ക് ഡൌണ്‍ലോഡ് ചെയ്തെടുക്കാം.
Click here to download Maths Question Bank
Prepared by : Satheesan. M, Parali H.S, Palakkad
Click here to download MathsStudy material prepared by DIET Palakkad (Sent by Murali Sir)

Information Technology Examination Special

മെച്ചപ്പെട്ട തുടര്‍മൂല്യനിര്‍ണ്ണയ മാര്‍ക്കും, പ്രാക്ടിക്കല്‍ സ്ക്കോറും നേടിയ കുട്ടികള്‍ക്ക് A+ ഉറപ്പാക്കുന്നതിന് ഐ.ടി തിയറിയുടെ മാര്‍ക്ക് വളരെ നിര്‍ണ്ണായകമാണ്. പത്തുമാര്‍ക്കിന്റെ പരീക്ഷയ്ക്ക് കിട്ടുന്ന അര മാര്‍ക്കിന്റെ ചോദ്യം എണ്‍പതില്‍ കിട്ടുന്ന നാലുമാര്‍ക്ക് ചോദ്യത്തിന് സമാനമാണ്. പ്രത്യേകിച്ച് ഗ്രേഡിങ്ങ് സംവിധാനത്തില്‍. ഇന്നത്തെ പോസ്റ്റ് തിയറിയ്ക്ക് ഉയര്‍ന്ന മാര്‍ക്ക് ഉറപ്പിക്കാന്‍ വേണ്ടിയുള്ളതാണ്. കുളത്തുപുഴ ഗവ. ടെക്ക്നിക്കല്‍ സ്ക്കൂളിലെ അധ്യാപകനും കൊല്ലം മാര്‍ത്തോമ കോളേജിലെ M.Sc (Information Technology) വിദ്യാര്‍ഥിയുമായ അനു സാര്‍ തയ്യാറാക്കിയ പി.ഡി.എഫ് പഠന വിഭവം കുട്ടികള്‍ക്ക് പ്രയോജനകരമായിരിക്കും. മാത്രമല്ല, മാത്​സ് ബ്ലോഗില്‍ത്തന്നെ ഐ. ടി പരീക്ഷയുമായി ബന്ധപ്പെട്ട ധാരാളം പഠനവിഭവങ്ങള്‍ പലപ്പോഴായി പോസ്റ്റ് ചെയ്തിട്ടുള്ളതാണ്. അവയെല്ലാം പുനഃപ്രസിദ്ധീകരിക്കുന്നു.(പരീക്ഷ കഴിഞ്ഞതോടെ 2011 മാര്‍ച്ചിലെ ഐടി പരീക്ഷാ ചോദ്യങ്ങള്‍ ഉള്‍പ്പെടുത്തി പോസ്റ്റ് അപ്​ഡേറ്റ് ചെയ്തിരിക്കുന്നു)
SSLC 2011 IT Question Paper


അനു സാര്‍ തയ്യാറാക്കിയ പ്രോഗ്രാം അധിഷ്ഠിത ചോദ്യങ്ങള്‍, ഉത്തരങ്ങള്‍

IT theory notes prepared by Sushern sir ,S I T C , H S S Vallapuzha

IT theory notes prepared by C. K Muhammed , SITC , JDT Islam HS Calicut"

Christmas SSLC New Question papers

എസ്.എസ്.എല്‍.സി പരീക്ഷയുടെ ചൂടിലേക്ക് കുട്ടികളും അധ്യാപകരും എത്തിക്കഴിഞ്ഞു. ഇനി പരമാവധി ചോദ്യങ്ങള്‍ കുട്ടികള്‍ക്കു നല്‍കി പരീക്ഷയെ നേരിടാനാണ് അധ്യാപകരുടെ ശ്രമം. അതിന് നമുക്കൊരു മാര്‍ഗവുണ്ട്. വിവിധ ജില്ലകളില്‍ നടന്ന ഗണിതശാസ്ത്രം അടക്കമുള്ള എല്ലാ പരീക്ഷകളുടെയും ചോദ്യപേപ്പറുകള്‍ സ്വീകരിച്ച് അത് പങ്കുവെക്കാനുള്ള ഒരു വേദിയാക്കി മാത്​സ് ബ്ലോഗിനെ മാറ്റണമെന്ന് ഞങ്ങള്‍ ആഗ്രഹിക്കുന്നു. ഓരോ വിഷയത്തിനും പതിനാലു ജില്ലകളില്‍ പതിനാലു പരീക്ഷകള്‍. അതെല്ലാം നമുക്കു സമാഹരിച്ചാലോ? വിവിധ ജില്ലകളില്‍ നടന്ന പരീക്ഷകളുടെ ചോദ്യപേപ്പറുകള്‍ അധ്യാപകര്‍ മാത്​സ് ബ്ലോഗിന് മെയില്‍ ചെയ്ത് തന്നിട്ടുണ്ട്. അതെല്ലാം ഡൗണ്‍ലോഡ് ചെയ്തെടുക്കാനാകും വിധം ചുവടെ നല്‍കിയിരിക്കുന്നു. എല്ലാ ജില്ലകളില്‍ നിന്നുമുള്ള പത്താം ക്ലാസ് ഗണിത ചോദ്യപേപ്പര്‍ ശേഖരിക്കാന്‍ ബ്ലോഗ് കൂട്ടായ്മയ്ക്കു കഴിഞ്ഞു. ഇപ്പോള്‍ അധ്യാപകര്‍ ആവശ്യപ്പെടുന്നത് ഓരോ ജില്ലയിലും നടന്ന മുഴുവന്‍ ചോദ്യപേപ്പറുകളുമാണ്. ചോദ്യപേപ്പര്‍ സമാഹരണപരിപാടിയില്‍ പത്തനം തിട്ട, ആലപ്പുഴ, മലപ്പുറം, കാസര്‍കോഡ് ജില്ലകളില്‍ നിന്നുമുള്ള പത്താം ക്ലാസിലെ ഗണിതവും മറ്റു ചില വിഷയങ്ങളും ഒഴികെയുള്ള മുഴുവന്‍ ചോദ്യപേപ്പറുകളും നമുക്ക് സമാഹരിക്കാന്‍ കഴിഞ്ഞിട്ടില്ല. കമന്റില്‍ റസാഖ് സാര്‍ ആവശ്യപ്പെട്ടതു പോലെ ഒറ്റ ക്ലിക്കില്‍ ഒരു ജില്ലയുടെ മുഴുവന്‍ ചോദ്യപേപ്പറുകളും.. അതാണ് നമ്മുടെ ലക്ഷ്യം. അതിനു കഴിയുന്നവര്‍ ദയവായി മുഴുവന്‍ ചോദ്യപേപ്പറുകളും സ്കാന്‍ ചെയ്ത് സിപ്പ് ചെയ്ത് പോസ്റ്റിനൊടുവില്‍ നല്‍കിയിട്ടുള്ള ഞങ്ങളുടെ വിലാസത്തിലേക്ക് അയച്ചു തരണമെന്ന് അഭ്യര്‍ത്ഥിക്കുന്നു. അങ്ങിനെ ഈ ശാക്തീകരണ പരിപാടി നൂറു ശതമാനം നമുക്ക് വിജയമാക്കിത്തീര്‍ക്കണം.

Question paper for All Subjects

Trivandrum : Part 1 | Part 2 (thanks to Govind Kalamachal)

Kollam (Fullpack) : STD X | STD IX (thanks to Mahatma, Kollam)

Part 1 (thanks to Suresh. T, SN Trusts HSS, Punalur)

Kottayam : Part I (Thanks to Vijayakumar M.D,Govt.THS, Kanjirappally)

Idukki Full Pack (Both Mediums): STD X | STD IX ‌| STD VIII
(Thanks to Rajeev Joseph,St.Philomena's HS, Upputhara)

Ernakulam : All in one (Uploaded by Hari, Maths Blog)

Thrissur : STD X | STD IX (Thanks to Sathya Bhama. V.S, GHSS, Punkunnam)

Palakkad : Part 1 (Thanks to Manuchandran, PSHS Chittur) | Part 2 (Thanks to M.G Geetha, HSA (Phy. science), Patasala Sanskrit HS, Chittur)

Kozhikode : Malayalam Medium | Part 2 | English Medium (Thanks to Suresh Babu Edakkudi, CKGM HSS, Chingapuram)

Wayanad : STD X (Thanks to Sathyendran.K, GHSS Koyileri)

Malappuram : STD X | STD IX (Thanks to Unnikrishnan VHSS Valanchery)

Kannur : All in One (English Medium) | (Malayalam Medium)(Thanks to Teena Titus)

Subject Question papers

8, 9, 10 AT, BT Malayalam

Kasaragod (Thanks to Ramesan Punnathiriyin, GHSS, Shiriya)

8, 9, 10 English

A compilation of Second Terminal Exam Questions
(Thanks to Tom Thomas, LFHS, Vadakara, Koothattukulam)

Kollam (Thanks to Suresh. T, SN Trusts HSS, Punalur)

Malappuram X (Thanks to Zainul Abideen Kodi, VPKMM HSS, Malappuram)

Pathanamthitta (Thanks to Renjith.N, Padmanabhodayam HSS,Mezhuveli)

Hindi

Kollam (Thanks to Rajesh Hari, GHSS, Thevannoor)

Alappuzha (Thanks to Ashok kumar)

Malappuram (Thanks to Abdul Razak.P)

Social Science

Palakkad (Thanks to Manuchandran, PSHS Chittur)

Physics

Wayanad (Thanks to Sathyendran K)

Palakkad (Thanks to Hitha Kottayi)

Kasaragod (Thanks to Babu Jacob, TIHSS Naimarmoola)

Kollam (Thanks to R Anil Kumar, HS for Girls, Thevalakara)

Chemistry

Alappuzha (Thanks to Sajith.T, GHSS Cherthala South)

Mathematics

Trivandrum (thanks to Govind kalamachal.)

Kollam(thanks to Vineethakumari. K. S, Govt. MGHSS, Chadayamangalam)
& thanks to John Varghese, HM, SNSMHSS, Elampalloor, Kundara

Pathanamthitta (Thanks to Gigi Varughese, St.Thomas HSS, Eruvellipra)

Alappuzha (Thanks to Surendran Nair, Therumthanam)

Kottayam (Thanks to Vijayakumar M.D,Govt.THS, Kanjirappally)

Idukki (Thanks to Dolly P. Francis, SAHS, Vandanmedu)

Ernakulam (Uploaded by Hari, Maths Blog)

Thrissur (Thanks to Sreejith Mupliyam)

Palakkad (Thanks to Muraleedharan C.R, Chalissery)

Malappuram (Thanks to G.Muraleedharan Pillai, GHSS, Karakunnu)

Kozhikode (Thanks to Sreejith, Kozhikode)

Wayanad (Thanks to Muraleedharan Chathoth)

Kannur (Thanks to Teena Titus)

Kasaragod (Thanks to Babu Jacob, TIHSS Naimarmoola)


Answer Key for District wise Question Paper

Kasaragod Physics (Thanks to Babu Jacob, TIHSS Naimarmoola)

Palakkad Physics (Thanks to Hitha Kottayi)

Wayanad Physics (Thanks to Sathyendran K)

Wayanad Maths (Thanks to C V Francis, Sarvodaya HSS, Eachome P O, Wayanad)

Palakkad Maths (Thanks to Hitha Kottayi)

Kozhikod Maths (Thanks to Arjun Vijayan, Kottayam)

STD VIII & IX Maths

Kozhikode (Thanks to Jose Thomas)

STD IX Idukki - English & SS (Thanks to Rajeev Joseph,St.Philomena's HS, Upputhara)

U.P Maths

Kozhikode (Thanks to Thomas V. T)

ഈ പോസ്റ്റില്‍ പ്രസിദ്ധീകരിച്ചിട്ടില്ലാത്ത ചോദ്യപേപ്പറുകള്‍ സ്കാന്‍ ചെയ്ത് mathsblogteam@gmail.com, hariekd@gmail.com എന്നീ വിലാസങ്ങളില്‍ ഇ-മെയില്‍ ചെയ്യുകയോ Maths Blog Team, Edavanakad 682502, Ernakulam എന്ന വിലാസത്തില്‍ പോസ്റ്റലായി ചോദ്യപേപ്പര്‍ അയച്ചു തരികയോ ചെയ്താല്‍ മാത്​സ് ബ്ലോഗില്‍ അവ പ്രസിദ്ധീകരിക്കുന്നതാണ്. അയച്ചു തരുന്ന അധ്യാപകര്‍ അവരുടെ സ്ക്കൂളിന്റെ പേരു കൂടി അയച്ചു തരണമെന്ന് അഭ്യര്‍ത്ഥിക്കുന്നു

2011 ലെ SSLC കണക്കു പരീക്ഷ

നമ്മുടെ പരീക്ഷകള്‍ എല്ലാം (കഴിഞ്ഞതൊക്കെയും) എല്ലാവരേയും ജയിക്കാന്‍ അനുവദിക്കുന്നതും എന്നാല്‍ നന്നായി ജയിക്കാന്‍ അവസരം നിഷേധിക്കുന്നതുമാണ്. ഈ പൊതുസ്വഭാവം കണക്കുപരീക്ഷയിലും ആവര്‍ത്തിച്ചു. ശരാശരിക്കാര്‍ പോലും ശരിക്കും വിറച്ചുപോയ രണ്ടര മണിക്കൂര്‍. കണക്കിന്റെ കാര്‍ക്കശ്യം കൂടിയായപ്പോണ്‍ എല്ലാം പൂര്‍ത്തിയായി. മാത്​സ് ബ്ലോഗ് ടീമംഗവും അധ്യാപക അവാര്‍ഡ് ജേതാവുമായ രാമനുണ്ണി സാര്‍ മാധ്യമം പത്രത്തിലെഴുതിയ ലേഖനമാണിത്. ഒന്നു മുതല്‍ ഇരുപത്തിമൂന്ന് വരെയുള്ള ഓരോ ചോദ്യവും കീറി മുറിച്ച് വിലയിരുത്താന്‍ അദ്ദേഹം ശ്രമിച്ചിരിക്കുന്നു. അധ്യാപകരുടെ വിഷയാധിഷ്ഠിത പ്രതികരണങ്ങള്‍ പ്രതീക്ഷിക്കുന്നു. ഇതോടൊപ്പം ഇംഗ്ലീഷിലും മലയാളത്തിലുമുള്ള ഉത്തരങ്ങളും ഡൗണ്‍ലോഡ് ചെയ്തെടുക്കാം.

കണക്കിന്റെ കാര്യത്തില്‍ ഒരിക്കലും ആരും അനിശ്ചിതത്വം പ്രതീക്ഷിക്കില്ല. സുനിശ്ചിതമായ വഴികള്‍ ആണല്ലോ കുട്ടിക്ക് പരിചിതം. ചോദ്യപാഠങ്ങളിലെ അപ്രതീക്ഷിതത്വം പോലെ അത്ഭുതകരമായിരുന്നു കുട്ടികളുടെ പ്രതികരണവും. ഫുള്‍ എ പ്ലസ് കിട്ടുമെന്നു കരുതിയ കുട്ടിക്ക് 16‌-)0 ചോദ്യം എഴുതാന്‍ കഴിയാതാവുക; അതേസമയം ശരാശരിക്കാരന്ന് അതു ശരിയാക്കാനാവുക എന്നു വരുമ്പോഴോ? മിടുക്കന്മാര്‍ ഇരുപതാം ചോദ്യം 500-1000 കണ്ട് ചോദ്യം തെറ്റെന്ന് കരുതുക. പകരം അവിടെ 600 ആവുമെന്ന് ഉറപ്പിക്കേണ്ടിവരിക. ശരാശരിക്കാരന്‍ അത് 1000 എന്നു തന്നെ കരുതുക; എന്നിട്ട് മാധ്യം 550 ആണെന്നും 750 ആണെന്നും ഒക്കെ കരുതുക. ആകപ്പടെ അനിശ്ചിതത്വം വിളയാടിയ രണ്ടര മണിക്കൂര്‍. ഒടുക്കം ഏതു ശരി ഏതു തെറ്റ് എന്നു ആര്‍ക്കും ഉറപ്പുകൊടുക്കാനാവാതെ കുട്ടിയെ വീട്ടിലേക്കയക്കേണ്ടിവരിക എന്നുകൂടി വരുമ്പോഴോ? ഇനി ശരിയെന്ന് അധ്യാപകന്ന് ഉറപ്പിച്ചുപറയാന്‍ ഒരുപാടു സമയം ആലോചിക്കേണ്ടിവന്ന കാര്യം കൂടിയാവുമ്പോള്‍ കുട്ടി എന്നാണ് കണക്കിനെ സ്നേഹിക്കാന്‍ തുടങ്ങുക? പഠനവും പരീക്ഷയും ശിശുകേന്ദ്രീകൃതമാവുക.

1,2 ചോദ്യങ്ങണ്‍ എല്ലാവര്‍ക്കും ചെയ്യാനായത് ഒരു ‘ഐസ്ബ്രേക്കിങ്ങ്’ന്റെ ഗുണം ചെയ്തു. ചോദ്യം 3, സ്ഥിരം രീതിയോടൊപ്പം പൈതഗോറസ് നിയമംകൂടി ചേര്‍ത്ത് സങ്കീര്‍ണ്ണമാക്കി. കുട്ടിയുടെ മികവ് പരിശോധിക്കാന്‍ ചോദ്യം സങ്കീര്‍ണ്ണമാക്കുകയെന്നതാവരുത് അടവ്. എല്ലാ കുട്ടിക്കും എന്‍‌റ്റ്രി ലവല്‍ ഉണ്ടായിരുന്നു എന്നൊക്കെ ശരി. അതുകൊണ്ടാശ്വസിക്കാന്‍ കഴിയുമോ നമുക്ക്? ഒരല്‍‌പ്പസമയം കൂടിയെടുത്ത് ഈ ചോദ്യവും കുട്ടികള്‍ ശരിയാക്കി.

ചോദ്യം 4 വളരെ നേരിട്ടുള്ള ഒന്നായിരുന്നു. ദ്വിമാനസമവാക്യം ‘നിര്‍ദ്ദാരണം’ ചെയ്യാന്‍ അടിസ്ഥാനപരമായി ക്ലാസില്‍ പ്രവര്‍ത്തിപ്പിച്ചതാണല്ലോ. ശരാശരിക്കാര്‍ക്കു മുകളിലുള്ള വരെ ഉദ്ദേശിച്ച ചോദ്യ 5 (ദ്വിമാനസമവാക്യം + ത്രികോണമിതി) ചെറിയൊരു സ്കോര്‍ എല്ലാര്‍ക്കും നല്‍കും. ഡി+ കാര്‍ക്കും എ പ്ലസ് കര്‍ക്കും ഒക്കെ നല്ല പരിഗണന. ശരാശരിക്കാരന്‍ ശരിക്കും കഷ്ടപ്പെട്ടു. പൊതുവെ ഈ ഒരവസ്ഥ കണക്കില്‍ ഉടനീളമുണ്ട്.

ചോദ്യം 6, പ്രോഗ്രഷനും സംഖ്യാപരമായ ക്രിയകള്‍ സംബന്ധിച്ച ധാരണയും ഒക്കെ ചേര്‍ത്തൊരു അവിയലായി. വിവിധ ശേഷികള്‍ ഒറ്റയടിക്ക് പരിശോധിക്കാന്‍ ശ്രമിക്കുമ്പോള്‍ അതു സ്വാഭാവികതയുള്ളതും കുട്ടിയുടെ ചിന്താധാര ഘടനാപരമായി സ്വാഭാവികതയോടെയും പാരസ്പര്യത്തോടുകൂടിയും പ്രയോഗിക്കപ്പെടേണ്ടതാണെന്ന സാമാന്യയുക്തി പലയിടത്തും നഷ്ടപ്പെട്ടു.

ചോദ്യം 7 ഉഷാറായി ചെയ്തു. ചോദ്യം 8 പ്രയാസപ്പെടുത്തിയില്ലെങ്കിലും അതിലെ ചോദ്യചിത്രം അരോചകമായി. ഇത്ര ചെറിയ ഒരു ചിത്രം വായിച്ചു മനസ്സിലാക്കല്‍ കുട്ടിക്ക് എളുപ്പമല്ല. തുടര്‍ന്നുള്ള ചിത്രങ്ങള്‍ക്കൊക്കെ ഈ പോരായ്മയുണ്ട്. ഒന്നുപോലും യുക്തിയുക്തമായി കുട്ടിക്ക് വായിക്കാന്‍ ആവുന്നതല്ല. 14, 20 ചോദ്യങ്ങളുടെ ചിത്രം ഏത് എ പ്ലസുകാരനേയും വലച്ചു. ചിത്രം വായിച്ചു മനസ്സിലാക്കാന്‍ ഒരുപാടുസമയം ചെലവായി. എന്തു ശിശുകേന്ദ്രീകൃതമാണവോ ഇതിലൊക്കെ? കണക്കിനെ കുട്ടിക്ക് പേടിയാണെന്നതിന്ന് മാറ്റുകൂട്ടുന്ന ചിത്രങ്ങള്‍. ശിശുശാപം പരിഹാരമില്ലാത്തതാണെന്നാണല്ലോ പറയാറ്.

ശരാശരിക്കു മുകളിലുള്ളവര്‍ക്കായി ഒരുക്കിയ 9, 10,11,12 ചോദ്യങ്ങളും നിസ്സാരമായ ഒരു സ്കോര്‍ സാധാരണകുട്ടിക്കു നല്‍കുമായിരിക്കും. ജയിക്കും. അതാണല്ലോ നമ്മുടെ ആവശ്യവും . ചോദ്യം 13 ചെയ്യണമെങ്കില്‍ 9 ലെ കണക്ക് പഠിച്ച ഓര്‍മ്മ ഉണ്ടായിരിക്കണം. ബഹുഭുജത്തിന്റെ ബാഹ്യകോണുകണ്‍ 9ല്‍ കിടക്കുകയാണല്ലോ. അതിസാഹസക്കാരനായ ചോദ്യകാരന്‍ എന്നാണ് ചില കണക്കുമാഷമ്മാര്‍ പ്രതികരിച്ചത്.

ചോദ്യം 14 പൊതുവെ ആര്‍ക്കും ഒന്നും മനസ്സിലായില്ല. മനസ്സിലാവാതിരിക്കാന്‍ പാകത്തില്‍ ഒരു ചിത്രവും ചോദ്യപാഠവും കൂടിയായപ്പൊള്‍ വെല്ലുവിളി പൂര്‍ണ്ണമായി. ചോദ്യങ്ങള്‍ കുട്ടിക്ക് ഒരു വെല്ലുവിളി ഉണ്ടാക്കണമെന്നല്ലേ പറഞ്ഞത്. അതു നടന്നു. ‘ab വ്യാസമായ അര്‍ദ്ധ വൃത്തം വരച്ചിരിക്കുന്നു’ എന്ന വാക്യം വായിച്ചതോടെ മാഷക്ക് ബോറടിച്ചു. കണക്കിന്റെ ഭാഷപോലും ഇങ്ങനെയായോ? എന്നിട്ടിപ്പൊഴും ആ ചോദ്യത്തിന്റെ ഉത്തരം കണ്ടെത്താന്‍ മാഷ് എഴുതിക്കൂട്ടുകതന്നെയാണ്! കിട്ടീട്ടില്ല!

ചോദ്യം 15 ഉം വാക്യസങ്കീര്‍ണ്ണം. മികച്ചവര്‍ ഉത്തരം എഴുതി. ബാക്കിയുള്ളവര്‍ നെടുനിശ്വാസം വിട്ടു. വായിച്ച് വായിച്ച് ഏതാ നീളം കൂടുതല്‍ എന്നു മനസ്സിലാവാതെ. കണക്കിന്ന് കണക്കിന്റെ ഭാഷ ഉപയോഗിക്കണമല്ലോ. സങ്കീര്‍ണ്ണതയും ദൈര്‍ഘ്യവും ആദ്യന്തപ്പൊരുത്തവും ഒക്കെ കലുഷമാക്കിയ ചോദ്യം. രണ്ടുമണിക്കൂര്‍ കുട്ടിക്കിരുന്ന് ആലോചിക്കാമല്ലോ അല്ലേ?

ചോദ്യം 16 ഉം ഇതേപോലെ ഒരുപാട് സമയം അപഹരിച്ചു. മിടുക്കന്മാര്‍പോലും അവസാനം തെറ്റിച്ചു എന്നു കരഞ്ഞു. bp+cq=bc എന്ന ഒരു സംഗതി തെളിയിക്കാന്‍ പഠിച്ചപാടൊക്കെയും ശ്രമിച്ചു. സമയം നഷ്ടപ്പെട്ടതുമാത്രം മിച്ചം.

ചോദ്യം 17 ശരാശരിക്കാര്‍ക്ക് മുഴുവന്‍ സ്കോറും നല്‍കില്ല. വൃത്തസ്തൂപിക പരിചിതമായ കണക്കാണ്. സെക്റ്റര്‍ നല്‍കി കുഴക്കിയതിന്ന് നമുക്കെന്തു ന്യായം പറയാന്‍ കഴിയും. പഠനപ്രവര്‍ത്തനങ്ങളുടെ സ്വാഭാവികമായ തുടര്‍ച്ചയാണ് പരീക്ഷ എന്നൊക്കെ പറയുന്നത് വെറുംവാക്കാവുകയാണോ?

18, 19 ചോദ്യങ്ങണ്‍ വലിയകുഴപ്പമില്ലാതെ കടന്നുപോയപ്പൊള്‍ ചോദ്യം 20 വീണ്ടും കീറാമുട്ടിയായി. 500-1000 എന്നത് തെറ്റുപറ്റിയതാവും എന്നല്ലേ ഏതു കുട്ടിയും കരുതുക. യൂണിഫോം ഇന്റെര്‍വെല്‍ കുട്ടിക്കറിയാം. അതേ പതിവുള്ളൂ. സാങ്കേതികമായി ചോദ്യം തെറ്റല്ല. പക്ഷെ, കുട്ടിയുടെ മനസ്സില്‍ ഈ ചൊദ്യം തെറ്റെന്നേ വായിക്കൂ. അധ്യാപകന്‍ കുട്ടിയുടെ സുഹൃത്തും വഴികാട്ടിയുമാകണം എന്നൊക്കെ പറഞ്ഞിട്ട് ഇങ്ങനെ കുഴക്കുന്നതെന്തിനാവോ? 1000 തന്നെയാണ്, 600 അല്ല; തെറ്റിയതല്ല…എന്നൊക്കെ പറഞ്ഞുകൊടുക്കാന്‍ കുട്ടിക്കാരുണ്ട് സഹായിയായി? പരീക്ഷയില്‍ വിജയം ഉണ്ടെങ്കിലും അത് യുദ്ധമല്ലല്ലോ. ഇതു ഒറ്റക്ക് നിര്‍ത്തിയുള്ള യുദ്ധം തന്നെയെന്ന് കുട്ടി ഭയന്നു.

ചോദ്യം 21 എ പ്ലസുകാരെ ഉദ്ദേശിച്ചുള്ളതാണല്ലോ. അവര്‍ എന്തുചെയ്തുവെന്ന് ചോദിക്കുന്നതിന്ന് മുന്‍പ് ശരാശരിക്കാരനും അതിന്ന് താഴെയുള്ളവരും എന്തുചെയ്തുവെന്നേ അധ്യാപകര്‍ അന്വേഷിച്ചിരിക്കയുള്ളൂ. അവര്‍ക്ക് ഒന്നും ചെയ്യാനായിട്ടില്ല. ത്രികോണം വരച്ച് പേരെഴുതിയാല്‍ ചെറിയൊരു സ്കോര്‍ കിട്ടുമല്ലോ. അതു കിട്ടും.

ചോയ്സുള്ള 22 സമാധാനമായി ചെയ്യാനായി. അന്തര്‍വൃത്തം അസ്സലായി ചെയ്തു. പതിവിലധികം അതിന്ന് 5 സ്കോറും ഉണ്ട്. അപ്പോ അതു കിട്ടും. ആശ്വാസം!

പൊതുവേ അധ്യാപകരും കുട്ടികളും ദുഖിതരാണ്. ജയിക്കും .അതുപോരല്ലോ. സി+ന്ന് മുകളില്‍ എത്തുന്നവര്‍ വളരെ കുറവാകും എന്നാണ് എല്ലാവരുടേയും വിലയിരുത്തല്‍. ചോദ്യ ഭാഷ, ചിത്രഭാഷ, വിവിധ ശേഷികണ്‍ കൂട്ടിക്കലര്‍ത്തിയുള്ള പരിശോധന, കൃത്രിമമായ ചോദ്യ ഉള്ളടക്കം, വൃഥാവില്‍ ഉണ്‍ക്കൊള്ളിച്ച സങ്കീര്‍ണ്ണതകള്‍, ക്ലാസ് റൂം പ്രവര്‍ത്തനങ്ങളിലെ സുതാര്യത, പരീക്ഷയിലെ അസ്വാഭാവികതകള്‍, മുഴുവന്‍ കുട്ടികളും നന്നായി ജയിക്കണമെന്ന എല്ലാവരുടേയും നിരന്തര സമ്മര്‍ദ്ദം, ഒരു ചോദ്യം തന്നെ നന്നായി മനസ്സിലാക്കാന്‍ ചെലവഴിക്കേണ്ടിവരുന്ന സമയം, ഒരു ശേഷിതന്നെ വിവിധ തലങ്ങളില്‍ പലവട്ടം ഫലപ്രദമായി ചെയ്തുതീര്‍ക്കാന്‍ അധ്യാപകനും കുട്ടിക്കും ആകെ ലഭിച്ച ക്ലാസ് സമയം, കുട്ടിക്ക് തന്നെ പഠിക്കാനുള്ള മറ്റു വിഷയങ്ങളും പ്രവര്‍ത്തനങ്ങളും , അതിന്റെയൊക്കെ ഭാരം ചുമക്കുന്ന പാവം കുട്ടി….ഒക്കെ മറന്നുപോകുന്നു നമ്മുടെ എല്ലാ പരീക്ഷകളും പരീക്ഷകരും. അവസാനം താന്‍ പഠിച്ച വിഷയങ്ങളോടൊക്കെ വെറുപ്പ് കുട്ടിക്കും! വീട്ടിലെത്തിയ കുട്ടികളൊക്കെ കണക്ക് പുസ്തകം തട്ടിന്‍പുറത്തേക്കെറിഞ്ഞിട്ടുണ്ടാവുമോ?
Click here for the answers prepared by John Sir
Click here for the Answers prepared by Hitha
Malayalam medium - English Medium
SSLC 2011 Maths Question Paper

ഐടി തിയറി പരീക്ഷാ സഹായി

വല്ലപ്പുഴ ഹയര്‍ സെക്കന്ററി സ്കൂളിലെ അധ്യാപകനും എസ്.ഐ.ടി.സി യും സര്‍വ്വോപരി ഞങ്ങളുടെ അടുത്ത സുഹൃത്തുമായ എം.സുഷേന്‍ സാറാണ് ഐടി തിയറി പരീക്ഷയ്ക്ക് സഹായകമാകുന്ന ഈ നോട്ടുകള്‍ തയ്യാറാക്കി അയച്ചിരിക്കുന്നത്. കൂട്ടിച്ചേര്‍ക്കലുകളിലൂടെ സമ്പുഷ്ടമാക്കുമ്പോഴാണ് ഇവ പൂര്‍ണ്ണാര്‍ത്ഥത്തില്‍ ഉപകാരപ്പെടുന്നത്. കുട്ടികള്‍ക്കും അധ്യാപകര്‍ക്കും സഹായകമാകുന്ന ഇത്തരം നോട്ടുകള്‍ തുടര്‍ന്നും അധ്യാപകരില്‍ നിന്നും പ്രതീക്ഷിക്കുന്നു.

വിവരശേഖരണം ഐ.ടി. സഹായത്തോടെ

ചിത്ര ദര്‍ശിനികള്‍ക്ക് ഉദാഹരണങ്ങള്‍: Eye of Gnome, Gthump Image Viewer,
(Application->Graphics->Eye of Gnome
ചിത്രഫയലുകളുടെ എക്സ്റ്റന്‍ഷനുകള്‍ : .jpg, .png, .tif, .gif, .bmp
ഫയല്‍ചുരുക്കലും നിവര്‍ത്തലും : വലിയ ഫയലുകളെ അവയുടെ ഉള്ളടക്കത്തിന് ചോര്‍ച്ച വരാതെ ചുരുക്കുന്നതാണ് ഫയല്‍ ചുരുക്കല്‍ (കമ്പ്രഷന്‍/സിപ്പിങ്)
സിപ്പ് ഫയലുകളുടെ എക്സ്റ്റന്‍ഷനുകള്‍ : .zip, .gz, .bz2, .tar.gz, .tar.bz2
മൂവിപ്ലേയര്‍ : ചലച്ചിത്രങ്ങള്‍ കാണുന്നതിന് മൂവിപ്ലേയര്‍ ഉപയോഗിക്കുന്നു.
ഉദാ - Totem Movie Player, Xine Player, VLC Player
ചലച്ചിത്രഫയലുകളുടെ എക്സ്റ്റന്‍ഷനുകള്‍ : .mpeg, .mp4, .mpg
സൗണ്ട്പ്ലേയര്‍:ശബ്ദം കേള്‍ക്കുന്നതിന് സൗണ്ട് പ്ലേയര്‍ ഉപയോഗിക്കുന്നു.ഉദാ: XMMS,
ശബ്ദഫയലുകളുടെ എക്സ്റ്റന്‍ഷനുകള്‍ : .ogg, .mp3, .wav
PDF (Portable Document Format) : ഏത് ഓപ്പറേറ്റിംഗ് സിസ്റ്റത്തിലും ഒരുപോലെ ഉപയോഗിക്കാം. PDFഫയലിന്റെ വലിപ്പം കുറവായിരിക്കും. പ്രിന്റ് എടുക്കുവാന്‍ എളുപ്പമാണ്. ഇത് വായിക്കുന്നതിന് ഫോണ്ടുകളുടേയോ പി.ഡി.എഫ് വ്യൂവര്‍ ഒഴികെയുള്ള മറ്റു സോഫ്റ്റ് വെയറുകളുടേയോ ആവശ്യമില്ല.

ഇന്റര്‍നെറ്റില്‍നിന്നുള്ള വിവരശേഖരണം

സെര്‍ച്ച് എന്‍ജിന്‍ : നമുക്ക് ആവശ്യമുള്ള വിവരങ്ങള്‍ ശേഖരിച്ചു വെച്ചിട്ടുള്ള വെബ്സൈറ്റുകള്‍ തിരഞ്ഞെടുക്കുന്നതിന് സഹായിക്കുന്നു. (ഉദാ - യാഹൂ, ഗൂഗിള്‍)
വെബ് ബ്രൗസര്‍ : വെബ്​പേജുകള്‍ തുറന്നുകാണാന്‍ ഉപയോഗിക്കുന്ന സോഫ്റ്റ് വെയറാണ് വെബ് ബ്രൗസര്‍ (ഉദാ - മോസ്സില്ലാ ഫയര്‍ഫോക്സ്)
വെബ് പേജിലെ ഒരു ചിത്രം സേവ് ചെയ്യുന്നതിന് ആവശ്യമുള്ള ചിത്രത്തില്‍ മൗസ് റൈറ്റ് ക്ലിക്ക് ചെയ്ത് സേവ് ഇമേജ് ആസ് തിരഞ്ഞെടുത്ത് ആവശ്യമുള്ള പാത്ത് നല്‍കി സേവ് ചെയ്യാം.നമുക്ക് ആവശ്യമുള്ള വെബ്പേജ് സേവ് ചെയ്യുന്നതിന് പേജ് തുറന്നശേഷം ബുക്കമാര്‍ക്ക് മെനുവിലെ Bookmark this page ക്ലിക്ക് ചെയ്യുമ്പോള്‍ തുറന്നു വരുന്ന Add Bookmark ഡയലോഗ് ബോക്സില്‍ പേജിന് പേരു നല്‍കി ആഡ് ബട്ടണ്‍ ക്ലിക്ക് ചെയ്യു‌ക.

വേര്‍ഡ് പ്രൊസസ്സര്‍

സ്റ്റൈല്‍ : ഡോക്യുമെന്റിന് എളുപ്പത്തില്‍ ഐക്യരൂപം വരുത്തുന്നതിനായി വേര്‍ഡ് പ്രൊസസ്സറിലുള്ള സങ്കേതമാണ് സ്റ്റൈല്‍. അക്ഷരരീതികളില്‍ സമാനത പുലര്‍ത്താന്‍ സ്റ്റൈല്‍ കൊണ്ട് കഴിയുന്നു. സ്റ്റൈല്‍ നല്‍കേണ്ട ആക്ഷരങ്ങള്‍ തിരഞ്ഞെടുത്തതിനു ശേഷം ഫോര്‍മാറ്റ് മെനുവില്‍നിന്ന് സ്റ്റൈല്‍ ആന്‍ഡ് ഫോര്‍മാറ്റിംഗ് എടുത്താല്‍ മതി.
മാക്രോ : ഒരു നിര്‍ദ്ദേശം കൊണ്ട് ഒന്നിലധികം പ്രവൃത്തികള്‍ നടപ്പാക്കാന്‍ സഹായിക്കുന്ന സംവിധാനമാണ് മാക്രോ.
ചതുരം വരക്കുന്നതിന് : വരക്കാനുദ്ദേശിക്കുന്ന സ്ഥലത്ത് അഞ്ചോ ആറോ 'Space നല്‍കുക Show Draw Function -> Rectangle Tool എടുത്ത് ചതുരം വരക്കുക. ചതുരത്തിന്റെ നിറം ഒഴിവാക്കാന്‍ Area Style / Filling -> White
കോളം ക്രമീകരിക്കാന്‍ : Format -> Column തുറന്നു വരുന്ന ബോക്സില്‍ No. Of columns ല്‍ ആവശ്യമായ കോളങ്ങളുടെ എണ്ണവും width ല്‍ കോളത്തിന്റെ വീതിയും spacing ല്‍ കോളങ്ങള്‍ക്കിടയിലെ അകലവും ക്രമീകരിക്കാം.

കാല്‍ക്

സോര്‍ട്ടിങ് : പട്ടികയെ ആരോഹണക്രമത്തിലോ അവരോഹണക്രമത്തിലോ ക്രമീകരിക്കുന്നു. സെലക്റ്റ് ചെയ്തശേഷം Data->Sort->Ascending/Descending
ഫില്‍റ്ററിങ് : ഒരു പ്രത്യേക വിഭാഗത്തെ മാത്രം പ്രദര്‍ശിപ്പിക്കുന്നതിന് ഉപയോഗിക്കുന്നു. പട്ടിക സെലക്റ്റ് ചെയ്ട്ചെയ്തതിനുശേഷം Data -> Filter -> Auto Filter എടുത്ത് ശീര്‍ഷകത്തില്‍ വരുന്ന കോളത്തില്‍ ആവശ്യമായ നിര്‍ദ്ദേശം കൊടുക്കുക.
Merge Cells : രണ്ടോ രണ്ടിലധികമോ സെല്ലുകളെ കൂട്ടിയോജിപ്പിക്കുന്നു. സെലക്റ്റ് ചെയ്ത ശേഷം Format -> Merge Cells -> Merge&Center
തുക കാണുന്നതിന് : ആവശ്യമായ സെല്ലില്‍, =sum(വേണ്ട സെല്ലുകള്‍ സെലക്റ്റ് ചെയ്യുക)
ഓട്ടോ ഫോര്‍മാറ്റിങ് : സ് പ്രെഡ് ഷീറ്റ് മോടിപിടിപ്പിക്കുന്നതിനുള്ള മാര്‍ഗ്ഗമാണിത്. ഇതിനായി മുന്‍കൂട്ടി തയ്യാറാക്കിയ മാതൃകകളില്‍നിന്ന് ഇഷ്ടമുള്ളത് തിരഞ്ഞെടുക്കുന്നു. പട്ടിക സെലക്റ്റ് ചെയ്തതിനുശേഷം Format -> Auto Format

ഇമ്പ്രസ്സ്

സ്റ്റോറിബോര്‍ഡ് : പ്രസന്റേഷനില്‍ ഉള്‍പ്പെടുത്താന്‍ തീരുമാനിച്ച കാര്യങ്ങള്‍ രേഖപ്പെടുത്തുന്നതാണ് സ്റ്റോറിബോര്‍ഡ്. പേപ്പറില്‍ ഓരോ സ്ലൈഡിന്റേയും രൂപരേഖ വരച്ച് അതില്‍ ചേര്‍ക്കേണ്ട ചിത്രം, ശബ്ദം, ടെക്സ്റ്റ് തുടങ്ങിയവ എങ്ങനെയെല്ലാം വേണമെന്ന് പ്രത്യേകം സൂചിപ്പിച്ചുകൊണ്ട് ക്രമമായി എഴുതിത്തയ്യാറാക്കുന്നതാണിത്.
ഹൈപ്പര്‍ലിങ്ക് : നമ്മുടെ ഫയലിലുള്ള പ്രത്യേക ഇനങ്ങളെ വിശദീകരിക്കുന്ന മറ്റു ഫയലുകളെ കാണാന്‍ സഹായിക്കുന്ന സംവിധാനമാണിത്. (Insert -> Hyperlink)
ശബ്ദഫയല്‍ ഉള്‍പ്പെടുത്താന്‍ : Slide Show->Interaction ലഭിക്കുന്ന ബോക്സില്‍ നിന്നും ആവശ്യമായത് തിരഞ്ഞെടുത്ത് OK യില്‍ Click ചെയ്യുക.
ചലച്ചിത്രഫയല്‍ ഉള്‍പ്പെടുത്താന്‍ : Insert->Object->Video തിരഞ്ഞെടുത്ത് OK.
സ്ലൈഡ് സോര്‍ട്ടിങ് : സ്ലൈഡുകളുടെ ക്രമീകരണം ശരിയായ രീതിയിലാക്കുന്നതിനു വേണ്ടി എല്ലാ സ്ലൈഡുകളേയും ഒരു സ്ക്രീനില്‍ വരുത്തി ക്രമീകരിക്കുന്നതിനേയാണ് സ്ലൈഡ്സോര്‍ട്ടിങ് എന്നു പറയുന്നത്. (View -> Slide Sorting)

HTML

HTML പേജുകളുടെ നിര്‍മ്മാണം എളുപ്പത്തിലാക്കാന്‍ സഹായിക്കുന്ന സോഫ്റ്റ് വെയറുകളാണ് HTML എഡിറ്ററുകള്‍. (ഉദാ - വേര്‍ഡ് പ്രൊസസ്സര്‍) HTML പേജിന് രണ്ടുഭാഗങ്ങളുണ്ട്. ശീര്‍ഷക ഭാഗവും(Head) ഉള്ളടക്കഭാഗവും (Body).
HTML ടാഗുകള്‍
<p> - ശീര്‍ഷകം ഉള്‍പ്പെടുത്താന്‍
<body bgcolor> - പശ്ചാത്തല നിറം നല്‍കാന്‍
<p> - പുതിയ ഖണ്ഡികക്ക്
<a href="File Path"></a> - ഹൈപ്പര്‍ലിങ്ക് നല്‍കാന്‍
<font color="Colour name"> - അക്ഷരത്തിന് നിറം നല്‍കാന്‍
<i> - ഇറ്റാലിക്കാക്കാന്‍
<font size="value"> - അക്ഷരവലുപ്പം ക്രമീകരിക്കുന്നതിന്
<b> - ബോള്‍ഡാക്കാന്‍
<img src="file path"p></img> - ചിത്രം ഉള്‍പ്പെടുത്താന്‍
<br> - അടുത്തവരിയിലെത്താന്‍
<marquee> - അക്ഷരങ്ങളെ ചലിപ്പിക്കുന്നതിന്
<table> - പട്ടിക ഉണ്ടാക്കുന്നതിന്
<tr> - പുതിയ വരിയ്ക്ക്
<td> - പുതിയ നിരയ്ക്ക്

ജിമ്പ്

D.P.I (Dots Per Inch) : D.P.I. കൂടും തോറും ചിത്രത്തിന്റെ വ്യക്തത കൂടുന്നു.
ജിമ്പ് ഫയലിന്റെ എക്സ്റ്റന്‍ഷന്‍ .xcf ആണഅണ്.
റാസ്റ്റര്‍ ചിത്രങ്ങള്‍ :
1. xപെയിന്റ്, ജിമ്പ്, ടക്സ് പെയിന്‍റ്, പെയിന്റ്, വെബ്ക്യാമറ, ഡിജിറ്റല്‍ ക്യാമറ, സ്കാനര്‍ തുടങ്ങിയവ ഉപയോഗിച്ച് ഉണ്ടാക്കുന്ന ചിത്രങ്ങള്‍.
2. ഫയലിന്റെ വലിപ്പം താരതമ്യേന കൂടുതല്‍ ആയിരിക്കും.
3. ചിത്രം വലുതാക്കുംതോറും വ്യക്തത കുറയും
വെക്റ്റര്‍ ചിത്രങ്ങള്‍ :
1. ഇങ്ക് സ്കേപ്, ഓപ്പണ്‍ ഓഫീസ് ഡ്രോ, ഡിജിറ്റൈസര്‍ തുടങ്ങിയവ ഉപയോഗിച്ച് ഉണ്ടാക്കുന്ന ചിത്രങ്ങള്‍.
2. ഫയലിന്റെ വലിപ്പം താരതമ്യേന കുറവ് ആയിരിക്കും.
3. ചിത്രം വലുതാക്കുംതോറും വ്യക്തത കുറയുകയില്ല
പാളികള്‍ : ഒരു ചിത്രത്തിന്റെ വിവധ ഭാഗങ്ങള്‍ പാളികളിലായി വെച്ച് ഒന്നിനുമീതെ ഒന്നായി ചേര്‍ത്ത് മനോഹരമായി പോസ്റ്റര്‍ നിര്‍മ്മിക്കാം. ഈ പാളികളെല്ലാം ചേര്‍ത്ത് ഒറ്റച്ചിത്രമാക്കിയതിനുശേഷവും ഏതെങ്കിലും പാളികള്‍ക്ക് മാത്രമായി മാറ്റം വരുത്താം.
ഒന്നിലധികം പാളികളുള്ള ചിത്രത്തില്‍ ഏതെങ്കിലുമൊരു പാളി ഇല്ലാതാക്കുന്നതിന് ലെയര്‍ ഡയലോഗ് ബോക്സില്‍ നിന്നും ആവശ്യമുള്ള പാളി തിരഞ്ഞെടുത്തതിനുശേഷം ഡിലീറ്റ് ലെയര്‍ബട്ടണ്‍ ക്ലിക്ക് ചെയ്താല്‍ മതി. ലെയര്‍ താത്കാലികമായി മറച്ചുവെയ്ക്കുന്നതിന് ലെയര്‍ബോക്സില്‍ നിന്ന് ലെയറിന്റെ ഇടതുവശത്തുള്ള കണ്ണിന്റെ ചിത്രത്തിനു മുകളില്‍ ക്ലിക്ക് ചെയ്താല്‍ മതി. ഇങ്ങിനെ ഹൈഡ് ചെയ്തപാളി തിരിച്ചു കിട്ടാന്‍ പാളി അണ്‍ഹൈഡ് ചെയ്താല്‍ മതി.

കമ്പ്യൂട്ടര്‍ നെറ്റ് വര്‍ക്കുകള്‍

ഒന്നിലധികം കമ്പ്യൂട്ടറുകളെ കൂട്ടിച്ചേര്‍ക്കുന്നതിനെ കമ്പ്യൂട്ടര്‍ നെറ്റ് വര്‍ക്ക് എന്ന് പറയുന്നു.
നെറ്റ് വര്‍ക്ക് കൊണ്ടുള്ള പ്രയോജനങ്ങള്‍
വിവരങ്ങളുടെ പങ്കുവെക്കല്‍ - ഒരുപകരണം തന്നെ (ഉദാ - സ്കാനര്‍, പ്രിന്റര്‍, മോഡം) ഒന്നിലധികം കമ്പ്യൂട്ടറുകളുമായി ഒരേ സമയംതന്നെ ഘടിപ്പിക്കാം.
വിവരങ്ങളുടെ കേന്ദ്രീകരണവും നിയന്ത്രണവും - നെറ്റ് വര്‍ക്കിലെ ഒരു കമ്പ്യൂട്ടറിലെ വിവരങ്ങളെ മറ്റ് കമ്പ്യൂട്ടറുകളിലൂടെ ലഭ്യമാക്കാം. പങ്കിടാന്‍ താത്പര്യമില്ലാത്ത വിവര ങ്ങളെ നിയന്ത്രിക്കാം. ഈ പ്രവര്‍ത്തി ചെയ്യുന്ന ആളാണ് നെറ്റ് വര്‍ക്ക് അഡ്മിനിസ്ട്രേറ്റര്‍.
വിവരങ്ങളുടെ സംരക്ഷണം - ഒരു കമ്പ്യൂട്ടറിലെ വിവരങ്ങള്‍തന്നെ മറ്റു കമ്പ്യൂട്ടറുകളിലും പകര്‍ത്തി വെക്കുന്നതിനാല്‍ ഒരു കമ്പ്യൂട്ടര്‍ തകരാറായാലും അതിലെ വിവരങ്ങള്‍ നെറ്റ് വര്‍ക്കിലെ മറ്റ് കമ്പ്യൂട്ടറുകളില്‍ നിന്നും ലഭിക്കും.
ആശയവിനിമയ മാദ്ധ്യമം - വിവരങ്ങളുടെ പരസ്പരമുള്ള പങ്കുവെക്കല്‍ സാദ്ധ്യമാകുന്നു. (ഇന്റര്‍നെറ്റ്)
വിവധതരം നെറ്റ് വര്‍ക്കുകള്‍
LAN (Local Area Network) :- ഒരുമുറിയിലേയോ ഒരു സ്ഥാപനത്തിലേയോ കുറച്ചു കമ്പ്യൂട്ടറുകളെ മാത്രം കൂട്ടി യോജിപ്പിക്കുന്ന നെറ്റ് വര്‍ക്കാണിത്
WAN (Wide Area Network) : - ഒരു പ്രത്യേക ആവശ്യത്തിനുവേണ്ടി അകലേയുള്ള കമ്പ്യൂട്ടറുകളെ കൂട്ടി യോജിപ്പിക്കുന്നു. വിവരങ്ങള്‍ കൈമാറ്റം ചെയ്യുന്നത് ഉപഗ്രഹങ്ങള്‍ വഴിയോ ഫൈബര്‍ ഒപ്റ്റിക്കല്‍ കേബിള്‍ വഴിയെ ആണ്. (ഉദാ:-ERNET (Educational Research Network)
വിവരങ്ങള്‍ കൈമാറ്റം ചെയ്യുന്നത് ബിറ്റുകളായിട്ടാണ്. കമ്പ്യൂട്ടറുകളെ കണക്റ്റ് ചെയ്യുന്നതിന് നെറ്റ് വര്‍ക്ക് കാര്‍ഡും കേബിളുകളും ആവശ്യമാണ്.
കൊയാക്സിയല്‍ കേബിള്‍, യു. ടി. പി. കേബിള്‍, ഫൈബര്‍ ഒപ്റ്റിക്കല്‍ കേബിള്‍ (ഉദാ :- SEA – ME – NET), ഇന്‍ഫ്രാറെഡ് രശ്മി (വിദ്യുത് കാന്തിക തരംഗങ്ങളുടെ പ്രസരണം മൂലം ആശയവിനിമയം സാദ്ധ്യമാക്കുന്നു. കമ്പ്യൂട്ടറുകള്‍ക്കിടയില്‍ തടസ്സങ്ങളില്ലെങ്കിലും അടുത്താണെങ്കിലും ഇത് ഉപയോഗിക്കാം.), റേഡിയോ തരംഗങ്ങള്‍(അടുത്തടുത്തല്ലാത്ത കമ്പ്യൂട്ടറുകളിലുംഉപയോഗിക്കാം.
ഭൂമിയില്‍ നിന്നും അയക്കുന്ന റേഡിയോ സിഗ്നലുകളെ ഭൂസ്ഥിരഭ്രമണപഥത്തിലെ കൃത്രിമ ഉപഗ്രഹങ്ങള്‍ സ്വീകരിച്ച് തിരിച്ച് ഭൂമിയിലേക്ക് പ്രസരിപ്പിക്കുന്നു. ഒരു ഉപഗ്രഹം കൊണ്ട് ഭൂമിയുടെ മൂന്നിലൊന്ന് ഭാഗത്തേക്ക് പ്രസരണം നടത്താന്‍ കഴിയും.
നെറ്റ് വര്‍ക്ക് ഇന്റര്‍ഫേസ് കാര്‍ഡുകള്‍ : കമ്പ്യൂട്ടറിനെ നെറ്റ് വര്‍ക്കില്‍ കൂട്ടിച്ചേര്‍ക്കു ന്നതിനുവേണ്ടി കമ്പ്യൂട്ടറിനുള്ളില്‍ സ്ഥാപിക്കുന്ന സര്‍ക്യൂട്ട് ബോര്‍ഡാണിത്. നെറ്റ് വര്‍ക്ക് കേബിളുകള്‍ ഇതിലേക്കാണ് ബന്ധിപ്പിക്കുന്നത്.
നെറ്റ് വര്‍ക്ക് പ്രോട്ടോകാള്‍ : പരസ്പരം വിവരങ്ങള്‍ കൈമാറുന്നതിനുവേണ്ടി നെറ്റ് വര്‍ക്കിലുള്‍പ്പെട്ട കമ്പ്യൂട്ടറുകളെല്ലാം പാലിക്കേണ്ട പൊതു നിയമങ്ങളാണ് നെറ്റ് വര്‍ക്ക് പ്രോട്ടോകാള്‍. (ഉദാ :- TCP/IP Protocol (Transfer Control Protocol / Internet Protocol)
ഐ. പി. അഡ്രസ്സ് : നെറ്റ് വര്‍ക്കിലുള്‍പ്പെടുന്ന ഓരോ കമ്പ്യൂട്ടറിനുമുള്ള പ്രത്യേക വിലാസമാണ് ഐ.പി.അഡ്രസ്സ്. നാല് സംഖ്യകളായി മൂന്നു ബിന്ദിക്കളാല്‍ വേര്‍തിരിച്ചാ ണിതെഴുതുന്നത്. (ഉദാ :- 192.168.0.1, 210.0.7.2)

കമ്പ്യൂട്ടറിനുള്ളില്‍

മദര്‍ബോര്‍ഡ് - കമ്പ്യൂട്ടറുമായി ബന്ധപ്പെട്ട എല്ലാ ഇലക്ട്രോണിക് ഘടകങ്ങളേയും ബന്ധിപ്പിച്ചിരിക്കുന്ന ഒരു സര്‍ക്യൂട്ട് ബോര്‍ഡാണിത്.
പ്രോസസ്സര്‍ സോക്കറ്റ് - പ്രോസസ്സര്‍ മദര്‍ബോര്‍ഡില്‍ ഉറപ്പിക്കുന്നതിനുള്ള സോക്കറ്റ്.
പ്രോസസ്സറിലെ രണ്ട് മുഖ്യ ഭാഗങ്ങളാണ് അരിത്ത്മറ്റിക്ക് & ലോജിക് യൂണിറ്റും (A.L.U.) കണ്‍ട്രോള്‍ യൂണിറ്റും. ഇന്‍പുട്ട് യൂണിറ്റ് നല്‍കുന്ന വിവരങ്ങള്‍ അനുയോജ്യമായ ക്രിയകള്‍ക്ക് വിധേയമാക്കുന്നത് ALU ഉം വിവിധ പ്രവര്‍ത്തനങ്ങളെ നിയന്ത്രിക്കുന്നതും ഏകോപിപ്പിക്കുന്നതും കണ്‍ട്രോള്‍ യൂണിറ്റും ആണ്.
ഇന്റര്‍ഫേസ് കാര്‍ഡുകള്‍ അഥവാ ആഡ്-ഓണ്‍-കാര്‍ഡുകള്‍ : സിസ്റ്റം യൂണിറ്റിനു പുറത്തുള്ള ഉപകരണങ്ങളെ മദര്‍ബോര്‍ഡുമായി ബന്ധിപ്പിക്കുന്ന സര്‍ക്യൂട്ട് ബോര്‍ഡു കളാണിവ. (ഉദാ - ടി.വി.ട്യൂണര്‍ കാര്‍ഡ്, സൗണ്ട് കാര്‍ഡ്, നെറ്റ് വര്‍ക്ക് കാര്‍ഡ്). ഇത്തരം കാര്‍ഡുകളെ ഘടിപ്പിക്കുന്നതിനുള്ള വിടവുകളാണ് ഇന്റര്‍ഫേസ് സ്ലോട്ടുകള്‍
മെമ്മറി സ്ലോട്ടുകളും മെമ്മറി കാര്‍ഡും : കമ്പ്യൂട്ടറിന്റെ വിവിധ ഘടകങ്ങള്‍ പ്രവര്‍ത്തിക്കു ന്നതിനാവശ്യമായ വിവരങ്ങള്‍ താത്കാലികമായി സൂക്ഷിക്കുന്ന ചിപ്പാണ് റാം (RAM - Random Access Memory). ഇതിനെ മദര്‍ബോര്‍ഡുമായി ബന്ധിപ്പിക്കുന്ന സ്ലോട്ടാണ് മെമ്മറി സ്ലോട്ടുകള്‍.
പോര്‍ട്ടുകള്‍(കണക്ടറുകള്‍) : സിസ്റ്റംയൂണിറ്റിനകത്തും പുറത്തുമുള്ള വിവിധ ഉപകരണങ്ങളെ മദര്‍ബോര്‍ഡുമായി ബന്ധിപ്പിക്കുന്നതിനുള്ള സംവിധാനമാണ് പോര്‍ട്ട്.
വിവിധതരം പോര്‍ട്ടുകള്‍ :
ഐ.ഡി.ഇ പോര്‍ട്ട് - ഹാര്‍ഡ് ഡിസ്ക്, C.D/D.V.D റൈറ്റര്‍
ഫ്ലോപ്പിഡിസ്ക്ക് ഡ്രൈവ് കണക്ടര്‍:ഫ്ലോപ്പി ഡിസ്ക്കുകളെ മദര്‍ബോര്‍ഡുമായി ഘടിപ്പിക്കുന്നു
സീരിയല്‍ പോര്‍ട്ട് : മൗസും കീബോര്‍ഡും മോഡവും ബന്ധിപ്പിക്കുന്നു. കമ്മ്യൂണി ക്കേഷന്‍ പോര്‍ട്ടെന്നും ഇതിനെ പറയുന്നു. com1, com 2 എന്നും അറിയപ്പെടുന്നു
പാരലല്‍ പോര്‍ട്ട് : പ്രിന്റര്‍, സ്കാനര്‍ എന്നിവ ഘടിപ്പിക്കുന്നതിന് ഉപയോഗിക്കുന്നു.
യു. എസ്. ബി. പോര്‍ട്ട് : ഒരു പോര്‍ട്ടില്‍ തന്നെ ശ്രേണിയിലായി നിരവധി ഉപകരണങ്ങള്‍ ക്രമീകരിക്കാന് കഴിയുമെന്നതും മറ്റു പോര്‍ട്ടുകളെ അപേക്ഷിച്ച് വേഗത്തില്‍ ഡാറ്റകളുടെ കൈമാറ്റം നടത്താന്‍ കഴിയുമെന്നതും Universal Serial Bus(USB) യുടെ പ്രത്യേകതയാണ്. പ്രിന്റര്‍, മോഡം, സ്കാനര്‍, മൗസ് എന്നിവ കണക്ട് ചെയ്യാം.

ബ്ലാസിക്

ബ്ലാസിക് തുറക്കാന്‍ Application -> Programming -> Blassic
അല്ലെങ്കില്‍ Applications -> Accessories -> Terminal -> blassic എന്റര്‍.
ബ്ലാസിക് ടെര്‍മിനലിലെ പ്രധാനപ്പെട്ട കമാന്‍ഡുകള്‍
1.NEW :- പുതിയ പ്രോഗ്രാം തുടങ്ങുന്നതിന്
2.LIST :- ടൈപ് / ലോഡ് ചെയ്ത പ്രോഗ്രാം കാണുന്നതിന്
3.RUN :- പ്രോഗ്രാം പ്രവര്‍ത്തിക്കുന്നതിന്
4.EDIT :- പ്രോഗ്രാമിലെ വരികളില്‍ മാറ്റം വരുത്തുന്നതിന്
5.SAVE :- പ്രോഗ്രാം സേവ് ചെയ്യുന്നതിന്
6.LOAD :- സേവ് ചെയ്തിട്ടുള്ള പ്രോഗ്രാം ഉപയോഗിക്കുന്നതിന്
7.PLAY :- ശബ്ദം പുറപ്പെടുവിക്കുന്നതിന്
STRINGS :- സംഖ്യകളല്ലാത്ത അക്ഷരശ്രേണികളാണ് സ്ട്രിങ്ങുകള്‍. സ്ട്രിങ്ങുകളെ ഇന്‍വെര്‍ട്ടര്‍കോമ ഉപയോഗിച്ചുവേണം എഴുതുന്നതിന്. (Eg. :- A$= “Harisreepalakkad”)
രണ്ട് സ്ട്രിങ്ങുകളെ കൂട്ടിച്ചേര്‍ക്കുന്നതിന് + ചിഹ്നം ഉപയോഗിക്കുന്നു.
(Eg. :- A$=”India ”, B$=”is my Country” ആണെങ്കില്‍ A$+B$=”India is my Country” )
പ്രധാനപ്പെട്ട സ്ട്രിങ്ങ് ഫങ്ഷനുകള്‍
1.LEN( ) : ഒരു സ്ട്രിങ്ങില്‍ അടങ്ങിയിരിക്കുന്ന അക്ഷരങ്ങളുടേയും സ്പേസുകളുടേയും എണ്ണം കാണുന്നതിന് (A$=”India” ആണെങ്കില്‍ LEN(A$)=5)
2.LEFT$( ) : ഒരു സ്ട്രിങ്ങിന്റെ ഇടതുവശത്തുനിന്നും നിശ്ചിതഭാഗം വേര്‍തിരിച്ചെ ടുക്കുന്നതിന് ഉപയോഗിക്കുന്നു. (A$=”India” ആണെങ്കില്‍ LEFT$(A$,3)=”Ind”)
3.RIGHT$( ) : ഒരു സ്ട്രിങിന്റെ വലതുവശത്തുനിന്നും നിശ്ചിതഭാഗം വേര്‍തിരിച്ചെടു ക്കുന്നതിന് ഉപയോഗിക്കുന്നു. (A$=”India” ആണെങ്കില്‍ RIGHT$(A$,3)=”dia”)
4.MID$( ) : ഒരു സ്ട്രിങിന്റെ ഇടയിലുള്ള ഭാഗം വേര്‍തിരിച്ചെടുക്കുന്നതിന്
(Eg. :- MID$(A$,6,5)=” is my”) ഇവിടെ 6 എത്ര അക്ഷരങ്ങള്‍ ആദ്യം മുതല്‍ ഒഴിവാക്കണമെന്നും 5 എത്ര അക്ഷരങ്ങള്‍ ആവശ്യമാണെന്നതിനേയും സൂചിപ്പിക്കുന്നു.
മോഡ് ഓപ്പറേറ്റര്‍ : ഒരു സംഖ്യയെ മറ്റൊരു സംഖ്യകൊണ്ട് ഹരിക്കുമ്പോള്‍ ഉണ്ടാകുന്ന ശിഷ്ടം കാണുന്നതിന് ഉപയോഗിക്കുന്നു. (ഉദാ :- B=A MOD 3 എന്നാല്‍ A എന്ന സംഖ്യയെ 3 കൊണ്ട് ഹരിക്കുമ്പോള്‍ ഉണ്ടാകുന്ന ശിഷ്ടമാണ് B)