Gowers's Weblog via kwout
Minggu, 04 April 2010
Sabtu, 03 April 2010
300,000 Page Hits!
മൂന്നുലക്ഷത്തിന്റെ നിറവിലാണ് നമ്മള് ഇപ്പോള്. ഇതോരു കൂട്ടായ്മയുടെ വിജയമാകുമ്പോള് സംത്യപ്തിയേറെയാണ്. പുതിയ സന്ദര്ശകര്, പുതിയ അനുഭവങ്ങള്, പുതിയ പാഠങ്ങള്........കഴിഞ്ഞ എസ്.എസ്.എല്.സി പരീക്ഷയ്ക്കുവേണ്ടി നല്കാന് കഴിഞ്ഞ ചോദ്യങ്ങളും,പഠന പ്രവര്ത്തനങ്ങളും, പിന്നെ അവയുടെ തുടര്ച്ചയായി കമന്റ് ബോക്സില് നിറഞ്ഞ ചര്ച്ചകളും ഒത്തിരി പ്രയോജനകരമായിരുന്നെന്ന് നാം തിരിച്ചറിഞ്ഞു. മറ്റുവിഷയങ്ങള് പഠിപ്പിക്കുന്നവരും തെളിമയുള്ള ചിന്തകളുമായി നമുക്കൊപ്പം ചേര്ന്നപ്പോള് അത് അംഗീകാരത്തിന്റെ അടയാളമായി. ഗണിത ബ്ലോഗിന്റെ മുഖം മാറുന്നുണ്ടോ എന്ന ചോദ്യം പ്രസക്തമാണ്. പുതിയ വിദ്യാഭ്യാസ ചിന്തകളില് കുട്ടിയുടെ സമഗ്രവളര്ച്ചയ്ക്കു വിഷയാധിഷ്ഠിത പഠനത്തേക്കാള് , വിഷയങ്ങളെ സമന്വയിപ്പിച്ചുകൊണ്ടുള്ള രീതീശാസ്ത്രമാണ് (Methodology) അഭികാമ്യം . അധ്യാപകന് നേരിടുന്ന പുതിയ വെല്ലുവിളികളും ഇതുതന്നെയത്രേ. കുട്ടികളുടെ തെളിഞ്ഞ ചിന്തകള് (ഹിത, അമ്മു, ഗായത്രി, അനൂപ് , ധനുഷ് .) അധ്യാപകര്ക്കു പുതിയ പാഠങ്ങള് പകര്ന്നുതരുന്നു എന്നത് ഒരനുഗ്രഹം തന്നെ. അവരുടെ പരിഭവങ്ങളും ,പിണക്കങ്ങളും ഒരു ലക്ഷ്യത്തിലേയ്ക്കുള്ളതായതിനാല് അംഗീകരിക്കപ്പെടേണ്ടതുമാണ്. ലക്ഷങ്ങളേക്കാള് വലുത് ലക്ഷ്യങ്ങളാണെന്നറിഞ്ഞുകൊണ്ടുതന്നെ ഈ യാത്രയില് കഴിവുള്ള എല്ലാവരുടെയും സഹകരണം പ്രതീക്ഷിക്കുന്നു.
ഇനിയിതാ, ജോണ്മാഷിന്റെ വക ഒരു ചോദ്യം.............
ഭൂമിയിലെ ഗ്രാവിറ്റി മൂലമുള്ള ത്വരണത്തിന്റെ(acceleration due to gravity) 1 / 6 ആണല്ലോ ചന്ദ്രനില്. 2 മീറ്റര് പൊക്കമുള്ള ഒരു പോള്വാള്ട്ടര് 5 മീറ്റര് പൊക്കമുള്ള ഒരു ക്രോസ് ബാര് ഭൂമിയില് തരണം ചെയ്യും.അയാള്ക്ക് ചന്ദ്രനില് ഏകദേശം എത്ര പൊക്കത്തില് ചാടാന് കഴിയും?
ഒരു സംഖ്യാ പസില് കൂടി
നമ്മുടെ ബ്ലോഗ് ടീമിലെ ഏറ്റവും പുതിയ അംഗമാണ് പാലക്കാട് ജില്ലയിലെ ഗണിതശാസ്ത്ര അധ്യാപകശാക്തീകരണ റിസോഴ്സ് പേഴ്സണും DRG അംഗവുമായ ഷെമി ടീച്ചര്. ടീച്ചര് അയച്ചുതന്ന ഒരു സംഖ്യാപസ്സിലാണ് ഇന്നത്തെ വിഭവം. വിജയന് സാറും അസീസ് സാറും അഞ്ജനടീച്ചറുമൊക്കെ അരങ്ങുതകര്ക്കുന്ന സംഖ്യകളുടെ വര്ണ്ണപ്രപഞ്ചത്തിലേക്കാണ് ഷെമിടീച്ചറും കാലെടുത്തു വെയ്ക്കുന്നത്. ഓരോ സംഖ്യയ്ക്കും അതിന്റേതായ വ്യക്തിത്വമുണ്ട്. വ്യക്തിത്വത്തെ വിശകലനം ചെയ്യുന്നത് യുക്തിവിചാരത്തിലൂടെയാണ്. രാമാനുജനെപ്പോലുള്ളവരുടെ മുന്നില് 'നാമക്കല് ദേവി'യുടെ കടാക്ഷം പോലെ സംഖ്യകള് സ്വയം വെളിപ്പെടുന്നു. നമ്മള്, ഗണിതവിദ്യാര്ഥികള്ക്ക് ഇതൊരു ഗഹനമായ പഠനപ്രവര്ത്തനമായേക്കാം. സംഖ്യകള് നക്ഷത്രങ്ങളെപ്പോലെയാണ്, അല്ല നക്ഷത്രങ്ങള് തന്നെയാണ്! സ്വയം പ്രകാശിക്കുന്നവ . ഇനി പസ്സിലിലേയ്ക്ക്.........ഒരു അഞ്ചക്ക സംഖ്യയെക്കുറിച്ചാണ് പറയുന്നത്. ഇതിന്റെ അക്കങ്ങളെല്ലാം വ്യത്യസ്ഥങ്ങളാണ്. അവയുടെ കൂട്ടത്തില് പൂജ്യമില്ല. നടുക്കുള്ള അക്കം ഇരട്ടസംഖ്യയാണ്. ഇനിയുമുണ്ട് ഈ സംഖ്യയ്ക്ക് പ്രത്യേകതകള്. ഈ അഞ്ചക്കസംഖ്യയുടെ ഇടത്തെ അറ്റത്തെ രണ്ടക്കങ്ങള് ചേര്ന്നുണ്ടാകുന്ന രണ്ടക്കസംഖ്യ ഒരു പൂര്ണ്ണവര്ഗ്ഗം. വലത്തെ അറ്റത്തെ രണ്ടക്കങ്ങള് ചേര്ന്നുണ്ടാകുന്ന രണ്ടക്കസംഖ്യയും ഒരു പൂര്ണ്ണവര്ഗ്ഗം. നടുക്കുള്ള സംഖ്യയും പൂര്ണ്ണവര്ഗ്ഗം. പിന്നെ, ഈ അഞ്ചക്കസംഖ്യയുടെ വര്ഗ്ഗമൂലം ഒരു ഒറ്റസംഖ്യാ 'പാലെന്ഡ്രോമാണ്'. സംഖ്യ ഏത്? പെട്ടന്ന് സംഖ്യ കിട്ടുമായിരിക്കും .ഉത്തരത്തിലേക്കെങ്ങനെ എത്തി എന്നതു കൂടി ചര്ച്ചചെയ്യുവല്ലോ
In English
Find a five digit number whose intigers differ from one another. There is no 'zero' in it. The middle digit is even. The left two digits together will form a perfect square and so is the right two. The middle one also is a perfect square. Above all, the square root of this five digit number is an odd pallindrome.
ഉത്തരം മാത്രം പോരാ കേട്ടോ...അതിലേക്ക് എത്തിച്ചേര്ന്ന വഴി കൂടി എഴുതണം!
Jumat, 02 April 2010
Kamis, 01 April 2010
ആചാര്യദേവോ ഭവഃ
"കുട്ടിക്കാലത്തെവിടെയോ മറന്നു വെച്ച പ്രിയപ്പെട്ട ഒരു പമ്പരം പോലെയാണ് പിരിഞ്ഞു പോകുന്ന അധ്യാപകന്. വര്ഷങ്ങള്ക്കു ശേഷം അത് കണ്ടെടുക്കുമ്പോള് നെഞ്ചകത്ത് ഇത്തിരി വേദനയുടെ വെയില് പരക്കും... പക്ഷെ, മറന്നു വെച്ച ഓര്മ്മയെടുത്ത് നമ്മള് അഭിമാനത്തോടെ ആഘോഷിക്കും, വീണ്ടുമൊരിക്കല്ക്കൂടി മറന്നു വെക്കാന്..." ഈ വരികള് മാര്ച്ച് 31-ം തീയതി 32 വര്ഷത്തെ സുദീര്ഘമായ സേവനത്തിനു ശേഷം ഊരള്ളൂര് എം യു.പി സ്ക്കൂളില് നിന്നും വിരമിക്കുന്ന ഒരു അധ്യാപകനെപ്പറ്റി ശിഷ്യന്റെ വരികളാണ്. ആ അധ്യാപകന് മറ്റാരുമല്ല, നമ്മുടെ ബ്ലോഗിലെ ഊര്ജ്ജസ്വലസാന്നിധ്യമായ നിമിഷകവിയായ ജനാര്ദ്ദനന് മാഷെക്കുറിച്ചാണ്. യു.പി തലത്തില് സംസ്ഥാന റിസോഴ്സ് ഗ്രൂപ്പ് അംഗം, സംസ്ഥാന തലം വരെയുള്ള കലോത്സവങ്ങളില് നിറസാന്നിധ്യമായ, കായികമേളകളിലും ശാസ്ത്രമേളകളിലും ആധികാരികമായ സംഘാടകപാടവം, ജനകീയാസൂത്രണം പോലെയുള്ള സാമൂഹികസംരംഭങ്ങളില് നേതൃത്വം... സ്ക്കൂള് പുറത്തിറക്കിയ ബുക്ക് ലെറ്റില് ജനാര്ദ്ദനന് മാഷെക്കുറിച്ചുള്ള വിശേഷണങ്ങള് അങ്ങനെ നീളുന്നു....മാഷിനെക്കുറിച്ചുള്ള മാത്സ് ബ്ലോഗിന്റെ അന്വേഷങ്ങള് കൊണ്ടെത്തിച്ചത് ഒരു പ്രതിഭാവിലാസത്തിന്റെ പ്രകാശഗോപുരങ്ങളിലേക്കാണ്.കോഴിക്കോട് ജില്ലയിലെ അരീക്കുളം സ്വദേശിയായ ജനാര്ദ്ദനന് മാസ്റ്റര് 1978 ലാണ് അധ്യാപകനായി ജോലിയില് പ്രവേശിക്കുന്നത്. അതിനു മുമ്പ് റവന്യൂ ഡിപ്പാര്ട്ടുമെന്റിലെ ഒരു ഉദ്യോഗസ്ഥനായിരുന്നു. ഈ ബ്ലോഗിന് ജനനം കുറിച്ച എറണാകുളം വൈപ്പിന്കരയിലെ എടവനക്കാട്ട് ഗ്രാമമായിരുന്നു ആദ്യ പ്രവര്ത്തന മേഖല. അത് ഉപേക്ഷിച്ചാണ് അദ്ദേഹം പിന്നീട് വിദ്യാഭ്യാസമേഖലയിലേക്ക് തിരിഞ്ഞത്. മലയാളം അധ്യാപകനും മലയാളം ആര്.പിയുമൊക്കെ ആയിരുന്നുവെങ്കിലും ആദ്യകാലത്ത് ഗണിതശാസ്ത്ര ആര്.പിയായും സേവനമനുഷ്ടിച്ചിരുന്നുവെന്നത് അദ്ദേഹത്തിന്റെ പ്രതിഭാധനത വ്യക്തമാക്കുന്നു. രക്ഷിതാക്കള്ക്കും വിദ്യാര്ത്ഥികള്ക്കും ഒരുപോലെ ഇഷ്ടമായിരുന്നുവെന്നതിന് കഴിഞ്ഞ ദിവസം തന്റെ കണ്ണുകളെ ഈറനണിയിച്ച ഒരു രണ്ടാം ക്ലാസുകാരിയുടെ സംഭാഷണം കമന്റ് ചെയ്തിരുന്നുവല്ലോ. ഫോട്ടോയില് അല്പം ഗൌരവം തോന്നിക്കുമെങ്കിലും തീര്ത്തും സൌമ്യശീലനാണെന്ന് അദ്ദേഹത്തിന്റെ സുഹൃത്തുക്കള് പറയുന്നു.
മുഖസ്തുതിയില് ഒട്ടും താല്പര്യമല്ലാത്ത അദ്ദേഹത്തെക്കുറിച്ച് അവര്ക്ക് പറയാന് മറ്റൊരു കഥ കൂടിയുണ്ട്. ഇടവേളകളിലെപ്പോഴോ സ്ക്കൂളിലേക്ക് പുസ്തകങ്ങളുമായി ഒരു കച്ചവടക്കാരന് എത്തി. അയാള് കൊണ്ടുവന്ന പുസ്തകങ്ങളിലൊന്ന് എടുത്തു നോക്കിയ സഹ അധ്യാപകര് ഞെട്ടിപ്പോയി!!!! രചയിതാവ് ജനാര്ദ്ദനന് മാഷ്... വിഷയം ക്രിക്കറ്റ്.. ഒരു പുസ്തകം എഴുതിയിട്ട് അതേപ്പറ്റി തന്റെ ഒപ്പമുള്ള അധ്യാപകര്ക്ക് ഒരു സൂചന പോലും നല്കിയിരുന്നില്ലാത്രേ. സ്പോര്ട്സ് ഗ്രൌണ്ടിലെ നിറസാന്നിധ്യമായിരുന്ന ജനാര്ദ്ദനന് മാഷെ സ്റ്റാര്ട്ടിങ് പോയിന്റിലും ഫിനിഷിങ് പോയിന്റിലും ഒരേ സമയം കാണാനാകും. നല്ല അനൌണ്സര് കൂടിയായ അദ്ദേഹം അതേസമയം തന്നെ പവലിയനില് ക്ലറിക്കല് ജോലിയും ചെയ്യും. വോളിബോള് കമന്റേറ്ററായി വേദികളില് തിളങ്ങുന്ന മാഷ് നല്ലൊരു കളിക്കാരന് കൂടിയാണെന്ന് നാട്ടുകാര് സമ്മതിക്കുന്നു.
നക്ഷത്രനിരീക്ഷണം, ജാതകം എന്നിവയില് പ്രാഗത്ഭ്യം തെളിയിച്ചിട്ടുണ്ട്. മാഷിന്റെ നക്ഷത്ര നിരീക്ഷണ ക്ലാസ്സുകളെക്കുറിച്ച്, അതില് പങ്കെടുത്തവര്ക്കൊക്കെ പറയാന് ഒരുപാട് കാണും. പൊരുത്തവും മുഹൂര്ത്തവും നോക്കാന് ഇപ്പോഴും അദ്ദേഹത്തെത്തേടി പലരുമെത്താറുണ്ട്. ഗണിതതാല്പര്യം എങ്ങനെ വന്നുവെന്നതിന് അതുകൊണ്ടു തന്നെ മറ്റു തെളിവുകളും ആവശ്യമില്ല. നിമിഷകവിയാണെന്നതിന് പ്രത്യേകിച്ച് ആമുഖവും വേണ്ടല്ലോ. നമ്മുടെ ബ്ലോഗിലെ കമന്റ് ബോക്സുകളില് കുറിക്കപ്പെട്ട കവിതകള് അവയ്ക്കുള്ള മികച്ച ഉദാഹരണങ്ങള് തന്നെ. ഹെഡ്മാസ്റ്റര് അല്ലെങ്കിലും സ്ക്കൂളിലെ ഓഫീസ് ജോലികളും മികവോടെ ചെയ്യും. അതുകൊണ്ടു തന്നെ സ്ക്കൂളില് നിന്നുമുള്ള പടിയിറക്കം ഏറ്റവുമധികം വിഷമിപ്പിക്കുന്നവരില് സ്ക്കൂള് ഹെഡ്മാസ്റ്റര് കുഞ്ഞിമൊയ്തീന് മാഷുമുണ്ടാകും.
ഏപ്രില് 3 ശനിയാഴ്ച യാത്രയയപ്പു ചടങ്ങ് ഉദ്ഘാടനം ചെയ്യുന്നത് ബഹു. കേന്ദ്ര ആഭ്യന്തര സഹമന്ത്രി ശ്രീ. മുല്ലപ്പള്ളി രാമചന്ദ്രനാണ്. അധ്യക്ഷന് ശ്രീ. കെ.കുഞ്ഞമ്മദ് മാസ്റ്റര് എം.എല്.എയാണ്. പൊതുസമൂഹത്തില് ജനാര്ദ്ദനന് മാഷുടെ സാന്നിധ്യമെത്രമാത്രമെന്നറിയുന്നതിനുതകുന്ന നല്ലൊരു അരങ്ങ്. അങ്ങനെ, അറിയുന്നതും അറിയാത്തതുമായ ഒട്ടേറെ കഴിവുകളുള്ള ബഹുമുഖപ്രതിഭയായ അദ്ദേഹത്തിന് അതുകൊണ്ടു തന്നെ സര്വ്വീസില് നിന്നും വിരമിക്കല് കേവലം കടലാസുകളില് മാത്രമൊതുങ്ങുന്നു. പക്ഷെ, ശിഷ്യരുടെ, സഹപ്രവര്ത്തകരുടെ വേദനകള് തീരുന്നില്ലല്ലോ. യാത്രയയപ്പ് നോട്ടീസിലെ സ്നേഹാര്ദ്രവചസ്സുകളിങ്ങനെ.. ഋഷിയുടെ പുഞ്ചിരി പോലെ . അദ്ദേഹം പ്രകാശിച്ചു കൊണ്ടിരുന്നു. എത്ര വസന്തങ്ങള് കഴിഞ്ഞാലാണ് ഈ അധ്യാപകനെ നമുക്ക് തിരിച്ചു കിട്ടുക..?
(ഇത്രയും വിവരങ്ങള് ശേഖരിച്ചു തന്നത്, അയല്വാസി കൂടിയായ ബ്ലോഗ് ടീം അംഗം ശ്രീ. വിജയന് സാറാണ്.)
Rabu, 31 Maret 2010
8,9 Answer Keys.
ഇന്നലെ അവസാനിച്ച 8,9 ക്ലാസ്സുകളിലെ കണക്കുപരീക്ഷയുടെ 'ആന്സ്വര് കീ' എവിടെയെന്ന് ഇന്നലെ മുതല് തന്നെ അധ്യാപകര് വിളിച്ചു ചോദിച്ചു കൊണ്ടിരിക്കുന്നു. ഈ ഉത്തര സൂചികകള് പി.ഡി.എഫ് ആയി തയ്യാറാക്കുന്ന പരിപാടി, അല്പം ശ്രമകരം തന്നെയാണ് കേട്ടോ..!ഒന്നാമത്, കേരളത്തില് വിവിധ സംഘടനകള് തയ്യാറാക്കുന്ന, എത്രതരം ചോദ്യപേപ്പറുകളാണെന്നറിയാമോ? കൂടുതല് സ്കൂളുകള് ഉപയോഗിക്കുന്ന കെ.പി.എസ്.എച്ച്.എ യുടെ ആന്സ്വര് കീ മാത്രം ഇപ്പോള് പ്രസിദ്ധീകരിക്കുന്നു.
തെക്ക്, മധ്യം, വടക്ക് എന്നീ മൂന്നു സോണുകളിലും വെവ്വേറെ ചോദ്യപേപ്പറാണ്.
ഡൌണ്ലോഡു ചെയ്തെടുത്തോളൂ....
മധ്യമേഖലാ എട്ടാം ക്ലാസ്സ് ഗണിത ഉത്തര സൂചിക
മധ്യമേഖലാ ഒന്പതാം ക്ലാസ്സ് ഗണിത ഉത്തര സൂചിക
വടക്കന് മേഖലാ എട്ടാം ക്ലാസ്സ് ഗണിത ഉത്തര സൂചിക
വടക്കന് മേഖലാ ഒന്പതാം ക്ലാസ്സ് ഗണിത ഉത്തര സൂചിക
തെക്കന് മേഖലാ എട്ടാം ക്ലാസ്സ് ഗണിത ഉത്തര സൂചിക
തെക്കന് മേഖലാ ഒന്പതാം ക്ലാസ്സ് ഗണിത ഉത്തര സൂചിക
Selasa, 30 Maret 2010
Coordinate Connect
This is a modification of a game that I can not remember where I saw. EDIT: Yeah, remembered! It was at NRICH, the game of the month. They have a java implementation. Give it a go.
Modifications by Jill, Leah, Lauren, Ashley, Megan, Nick, Jenn, Alyssa (Preservice geometry K-8 class) and myself.
Game: Coordinate Connection
Materials: 10x10 grid with no axes, pen (or colored writing utensils)
Gameplay: The idea of the game is players take turns naming a coordinate pair and then filling in the point. The first player to make four in a row, wins.
The first point of the first player is the origin, (0,0). It still counts as their point and can be one of the four in a row. Later points are given by naming a coordinate pair. For example, (2,-3), is two to the right of the origin and 3 below it.
Players take turns naming a point and then marking it. If it's not where you thought, too bad, so sad, that's where it goes. (Unless another point is already there - lucky.) If players are having a tough time just verbalizing it, they can be required to write the coordinates down before drawing the point.
The winner is the first player to get four in a row, vertically, horizontally or diagonally. The loser decides whether they want to go first or second in the next game.
Hints:
Paper for playing - 2 sided, 4 10x10 grids each side.
Sample game:
Modifications by Jill, Leah, Lauren, Ashley, Megan, Nick, Jenn, Alyssa (Preservice geometry K-8 class) and myself.
Materials: 10x10 grid with no axes, pen (or colored writing utensils)
Gameplay: The idea of the game is players take turns naming a coordinate pair and then filling in the point. The first player to make four in a row, wins.
The first point of the first player is the origin, (0,0). It still counts as their point and can be one of the four in a row. Later points are given by naming a coordinate pair. For example, (2,-3), is two to the right of the origin and 3 below it.
Players take turns naming a point and then marking it. If it's not where you thought, too bad, so sad, that's where it goes. (Unless another point is already there - lucky.) If players are having a tough time just verbalizing it, they can be required to write the coordinates down before drawing the point.
The winner is the first player to get four in a row, vertically, horizontally or diagonally. The loser decides whether they want to go first or second in the next game.
Hints:
- consider blocking your opponent from getting three in a row.
- get and stay on the offensive
- use a special mark
- Play with three or four people. (This was surprisingly fun and complex.)
- Allow any 4 consecutive collinear points to win. For example, (-3,-3), (-2,-1),(-1,1), and (0,3)
- Play with younger students by giving directions from home, such as 2 left and 3 up.
- In the original game, you marked the point then said the coordinates, losing it if you were incorrect.
Paper for playing - 2 sided, 4 10x10 grids each side.
Sample game:
Senin, 29 Maret 2010
SSLC-2010 Maths, Physics ഉത്തരങ്ങള്
പരീക്ഷ കഴിയുന്ന മുറയ്ക്ക് ഉത്തരങ്ങള് പ്രസിദ്ധീകരിക്കുന്നതില് മാത്സ് ബ്ലോഗ് നിതാന്തജാഗ്രത പുലര്ത്തിയിട്ടുണ്ടെങ്കിലും ജോംസ് സാറിന്റെയും കാല്വിന് സാറിന്റെയും നിര്ദ്ദേശം മാനിച്ചു കൊണ്ടാണ് പരീക്ഷയുടെ തൊട്ടടുത്ത ദിവസം തന്നെ ഉത്തരങ്ങള് പ്രസിദ്ധീകരിക്കാതിരുന്നത്. പരീക്ഷകള് പരിപൂര്ണമായി അവസാനിച്ചതോടെ അധ്യാപകരുടെ അഭ്യര്ത്ഥന മാനിച്ച് അവ ഈ പോസ്റ്റിനോടൊപ്പം പ്രസിദ്ധീകരിക്കുന്നു. ബ്ലോഗ് ടീമംഗമായ രാമനുണ്ണി മാസ്റ്റര് മാധ്യമം ദിനപ്പത്രത്തിനുവേണ്ടി തയ്യാറാക്കിയ ഗണിത ശാസ്ത്ര പരീക്ഷയെക്കുറിച്ചുള്ള അവലോകനമാണ് ചോദ്യപേപ്പര് ചര്ച്ചയ്ക്ക് മുന്നോടിയായി നല്കുന്നത്. ഇതോടൊപ്പം നമ്മുടെ ബ്ലോഗിലെ നിത്യസന്ദര്ശകയായ ഗായത്രി കണ്ണന് ഗണിതശാസ്ത്രം, ഭൗതികശാസ്ത്രം എന്നീ പരീക്ഷകളുടെ ഉത്തരങ്ങള് തയ്യാറാക്കി നല്കിയിട്ടുണ്ട്. നല്ല നിലവാരത്തോടെ തന്നെയാണ് കുട്ടിയാണെങ്കിലും ഗായത്രി ഉത്തരങ്ങള് തയ്യാറാക്കിയിരിക്കുന്നതെന്നാണ് പൊതുവെയുള്ള വിലയിരുത്തല്. താഴെയുള്ള ലിങ്കില് നിന്നും ഈ ഉത്തരങ്ങള് ഡൗണ്ലോഡ് ചെയ്തെടുക്കാം. ഒപ്പം ഈ ചോദ്യപേപ്പറുകളെപ്പറ്റി നിങ്ങളുടെ വിലയിരുത്തലുകള് കമന്റായി നല്കുമല്ലോ.ഈ പരീക്ഷകള് ബഹുഭൂരിപക്ഷം കുട്ടികള്ക്കും കണക്ക് പരീക്ഷ പേടിയാണ്. ഞായറാഴ്ചയും തിങ്കളാഴ്ചയും ഒരായിരം വട്ടം നോട്ടും റ്റെക്സ്റ്റും പേജ്പേജായി മറിച്ചുനോക്കുകയായിരുന്നു. തിങ്കളാഴ്ച ഉച്ചയായപ്പോഴേക്കും ഹാളില് നിരന്നിരുന്ന കുട്ടികള് ഒരു തരം സ്തംഭനാവസ്ഥയിലായിരുന്നു. എന്നാല് 1.30 നു ആദ്യബെല്ലടിച്ചതോടെ മട്ടുമാറി. ഉഷാറായി. പേപ്പര് കയ്യില് കിട്ടുന്നതുവരെ വളരെ അയഞ്ഞു. കയ്യില് കിട്ടിയപേപ്പര് ഒന്നു വായിച്ചുനോക്കിയതോടെ ആത്മവിശ്വാസം വര്ദ്ധിച്ചതുപോലെ.
ഇതു പരീക്ഷയുടെ ഒരു മനശ്ശാസ്ത്രമാവാം. യാഥാര്ഥ്യം അംഗീകരിക്കാനുള്ള തയ്യാറെടുപ്പ്. ഇനി എഴുത്താണ്. എഴുതിക്കഴിയുന്നതുവരെ മറ്റൊന്നും മനസ്സിലില്ല. സമയബോധ്യത്തോടെയുള്ള പ്രവര്ത്തനം. ഹാള് വിട്ടിറങ്ങിയ കുട്ടികള് എല്ലാവര്ക്കും ഒരേ സ്വരം. ജയിക്കും. ജയിക്കും. ചിലതൊക്കെ പ്രയാസം തന്നെ. എന്നാലും ജയിക്കും. എല്ലാവരും ജയിക്കുകയും മികച്ചവര് മാത്രം മികവോടെ ജയിക്കുകയും ചെയ്യുക എന്നത് ഒരു പരീക്ഷയുടെ മൂല്യസൂചനയാണ്. ഭിന്ന നിലവാരക്കാരെ മുഴുവന് പരിഗണിക്കുന്ന പരീക്ഷ. കണക്ക്പരീക്ഷ-മറ്റു പല പരീക്ഷകളും പോലെ മികവുറ്റതായി.
സ്കോറുകള് ചെറുതും വലുതും ഇടകലര്ന്ന് ഉണ്ടായിരുന്നു. എല്ലാ ചോദ്യങ്ങളിലും എന്റ്റി ലെവല് ഘടകം. റ്റെക്സ്റ്റ് മുഴുവന് പരിഗണിക്കപ്പെടുന്ന അവസ്ഥ. സമയക്ലുപ്തത ഒന്നും നോക്കാനായില്ല. മുഴുവനും എഴുതിത്തീര്ക്കാനായി മിക്കവര്ക്കും. അപൂര്വം ചിലര്ക്ക് സമയം തികഞ്ഞതുമില്ല. ഭിന്നനിലവാരക്കാരുടെ എഴുത്തുമികവും കാണണമല്ലോ.ഓരോ ചോദ്യവും എടുത്തുപരിശോധിക്കേണ്ടതില്ല. തെറ്റുകളൊന്നും ആരും ചൂണ്ടിക്കാട്ടിയില്ല. ചോദ്യവും ഉത്തരമെഴുതാനുള്ള സമയവും അതിന്നു നിശ്ചയിച്ച സ്കോറും പലരും ചര്ച്ചചെയ്തിരുന്നു. ഒരുദാഹരണം:
രണ്ടാം ചോദ്യം: ഒന്നാം ചോദ്യത്തിന്ന് ഉത്തരമെഴുതാനെടുത്തതിന്റെ മൂന്നിരട്ടി സമയം ഇതിന്ന് വേണ്ടിവന്നു. (a-b)2 വെച്ച് വിപുലീകരിച്ച്, Xന്റെ വില കണ്ടെത്തുക എന്നത് ഒരു വൃത്തം വരച്ച് ഒരു ബിന്ദുവില്കൂടി സ്പര്ശരേഖ വരയ്ക്കുന്നതുപോലെ എളുപ്പമല്ലല്ലോ? എന്നാല് രണ്ടിനും ഒരേ സ്കോര്!
അഞ്ചാം ചോദ്യം: സാധാരണ കുട്ടികള്ക്ക് പ്രവേശനം ഇല്ലാതെ വരുന്ന ഒന്നാണ്. അത്രയധികം ഗണിതബോധം ആവശ്യമുള്ളതാണിത്.
മികച്ച ചോദ്യങ്ങളില് ഒന്നാണ് 12 ആം ചോദ്യം. രസകരവും എന്നാല് നല്ല അറിവ് ആവശ്യമുള്ളതും. കണക്കില് ആപ്ലിക്കേഷന് ലെവല് എന്നൊക്കെ പറയുന്നത്. നന്നായി.
13 ആം ചോദ്യം: മികച്ച നിലവാരമുള്ള ഒരു കുട്ടിക്കേ അതിലെ ചിത്രണം മനസ്സില് കാണാനാകൂ. ചിത്രം കിട്ടിക്കഴിഞ്ഞാല് എളുപ്പമായി. 4 സ്കോറും ഉണ്ട്. പക്ഷെ, എത്രപേര്ക്ക് കിട്ടിക്കാണും ചിത്രം. എ+ ല് എ+കാര്ക്ക് നീക്കിവെച്ച ഒന്ന്!
16 ആം ചോദ്യവും (എ) വായിച്ചു മനസ്സിലാക്കാന് ഈ സമയം പോര. വായിച്ചവസാനം എത്തുമ്പോള് ആദ്യഭാഗം മറക്കും. മറന്നു.പിന്നെയും വായിച്ചു നോക്കി. എന്നിട്ട് (ബി) എഴുതി. അതെളുപ്പമായിരുന്നല്ലൊ. പിന്നെന്തിനാ ഇത്രയൊക്കെ വായിപ്പിച്ചത്?
എല്ലാ ചോയ്സിനും ഈ പ്രശ്നം ഉണ്ട്. പോളിനോമിയല് അധ്യായത്തില് നിന്ന് രണ്ടു ചോദ്യം ഒരിക്കലും ചോയ്സ് ആവുകയില്ല. AP വെച്ചും രണ്ടു ചോദ്യം ഉണ്ടായാല് അതു ചോയ്സിന്റെ ഫലം ചെയ്യില്ല. ഇതൊക്കെ നാം എങ്ങനെ മറികടക്കും?
നിരവധി ചോദ്യങ്ങള് നേരിട്ട് റ്റെക്സ്റ്റ്മായി ബന്ധപ്പെട്ടതും , പലതവണ പരീക്ഷകളില് കണ്ടതും (മാതൃക) വളരെ എളുപ്പവും ആയിരുന്നു. അതുകൊണ്ടുതന്നെ ജയം ഉറപ്പ്. ഘനരൂപങ്ങളില് വശവുമായി മാത്രം ബന്ധപ്പെട്ട - വിസ്തീര്ണം, വ്യാപ്തം എന്നിവയൊക്കെ ഒഴിവാക്കിയ 4 ചോദ്യങ്ങള് തുടര്ച്ചയായി ചോദിക്കുന്നതെന്തിന്? അതെ തികച്ചും കുട്ടിക്കനുകൂലം തന്നെ പരീക്ഷ. കണക്കിലെ ജയം മറ്റുപരീക്ഷകള്ക്ക് വലിയ ഗുണം ചെയ്യും….നന്നായെഴുതാന്. ഏകദേശം 15 മാര്ക്കിനുള്ള 1, 3, 5, 13, 20, 21, 22 എന്നീ ചോദ്യങ്ങള് പൂര്ണമായോ ഭാഗികമായോ ഉയര്ന്ന തലത്തിലുള്ള ചിന്ത വേണ്ട ചോദ്യങ്ങളായിരുന്നു. ചുരുക്കത്തില് A+കാരെ നിശ്ചയിക്കുന്നത് ഈ ചോദ്യങ്ങളായിരിക്കുമെന്നാണ് വിലയിരുത്തല്. ഇനി ഉത്തരങ്ങള് ഡൌണ്ലോഡ് ചെയ്തെടുക്കാം.
Click here for SSLC-2010 Mathematics answers
Click here for SSLC-2010 Physics answers
Minggu, 28 Maret 2010
Sabtu, 27 Maret 2010
SSLC Examination Review
ഏഷ്യയിലെ ഏറ്റവും വലിയ പരീക്ഷാ സംവിധാനമായ എസ്.എസ്.എല്.സി അവസാനിച്ചു. പരീക്ഷയുടെ സുരക്ഷാക്രമീകരണങ്ങളില് നിതാന്ത ജാഗ്രത പുലര്ത്തിയതുകൊണ്ട് തന്നെ ചോര്ച്ചകളില്ലാതെ 2010 ലെ പരീക്ഷ ഭംഗിയായി പര്യവസാനിച്ചു. ഇനി റിസല്ട്ടിനു വേണ്ടിയുള്ള കാത്തിരിപ്പാണ്. പക്ഷേ, കഴിഞ്ഞു പോയ പരീക്ഷകളെക്കുറിച്ചുള്ള ഒരു ചര്ച്ച നടത്തേണ്ടത് ആവശ്യമാണെന്ന് പല അധ്യാപകരും അഭിപ്രായപ്പെട്ടിരുന്നു. അതിനെ മുന്നിര്ത്തി പരീക്ഷകളുടെ സമയക്രമത്തെപ്പറ്റിയുള്ള ഒരു ചര്ച്ചയാണ് ഇന്നത്തെ പോസ്റ്റിലൂടെ ലക്ഷ്യമിടുന്നത്. മാധ്യമം ദിനപ്പത്രത്തില് കഴിഞ്ഞ നാല് വര്ഷമായി എല്ലാ വിഷയങ്ങളുടേയും റിവ്യു എഴുതുന്ന എസ്.വി രാമനുണ്ണി മാഷ് (കെ.ടി.എം.സ്ക്കൂള്, മണ്ണാര്ക്കാട്)പരീക്ഷാര്ത്ഥികളില് നിന്നും അധ്യാപക-രക്ഷകര്ത്താക്കളില് നിന്നും പരീക്ഷാ ദിനങ്ങളില് ലഭിച്ച അഭിപ്രായങ്ങള് പങ്കു വെക്കുന്നു.
എസ്.എസ്.എല്.സി പരീക്ഷ നന്നായും അല്ലാതെയും പരീക്ഷയെഴുതിയിറങ്ങുന്ന കുട്ടികളൊക്കെ പറഞ്ഞ പൊതു പരാതി സമയം കിട്ടിയില്ല, ലാസ്റ്റ് ക്വസ്റ്റ്യന് എഴുതാന് സമയം കിട്ടീല്യ… ഒന്നുകൂടെ നന്നാക്കിയെഴുതാന് ഒടുക്കം സമയം കിട്ടീല്യ, ഒന്നു വായിച്ചുനോക്കാന് സമയം ഇല്ലായിരുന്നു..…..എന്നൊക്കെയാണ്. ഇനി മൂല്യനിര്ണ്ണയക്യാമ്പിലും ഉയരുന്ന വാദം കുട്ടികള്ക്ക് സമയം തികഞ്ഞില്ല….എന്നു തന്നെയാവും.രക്ഷിതാക്കളും അധ്യാപകരും ചൂണ്ടിക്കാണിക്കുന്നതും സമയം കിട്ടീല്യ..എന്നു തന്നെ. നേരം പോയതറഞ്ഞില്ല എന്നു പരീക്ഷാഡ്യൂട്ടിക്കാരും പറഞ്ഞു. എന്നാല് ഇവരില് ഭൂരിഭാഗവും ഐ.ടി പരീക്ഷ 15-20 മിനിട്ടിനുള്ളില് എഴുതിക്കഴിഞ്ഞവരാണ്. ഇവിടെ സമയക്രമത്തില് പുനഃക്രമീകരണം ആവശ്യമുണ്ടോ?
ന്യായീകരണങ്ങള്ക്കായി എന്തൊക്കെ വാദം നിരത്തിയാലും ഇതൊരു യാഥാര്ഥ്യമാകുന്നു. ഇതിനു കാരണം ചോദ്യങ്ങള് തയ്യാറാക്കുന്നവര് ബ്ലുപ്രിന്റ് നിശ്ചയിക്കുന്നതില് സമയം ഒരു ഘടകമാകുന്നില്ലെന്നാവും. ഒരു ഉപന്യാസം, ഒരു അരപ്പേജ് ലേഖനം, നേത്രഘടന ചിത്രം, ജലപ്രവാഹം രേഖ, അന്തര്വൃത്തം, കഥാപൂരണം….ഇതിനൊക്കെ എത്ര സമയം കിട്ടുന്നു/ വേണം/ ഉണ്ട് എന്നാലോചന ഉണ്ടാവില്ലേ? രണ്ടുപേജായാലും 6 പേജായലും മലയാളമായാലും ഹിന്ദിയായാലും ഇന്ഫൊര്മേഷന് ടെക്നോളജിയുടെ 1 മണിക്കൂര് പേപ്പറായാലും വായിക്കാന് 15 മിനുട്ട് (കൂള്)എന്നു നിശ്ചയിക്കുന്നതുപോലെ ആവുമോ ഉത്തരമെഴുത്തിന്റെ സമയവും നിശ്ചയിക്കുന്നത്. ശാസ്ത്രീയമായി ഇതിനെന്തു അടിസ്ഥാനം ഉണ്ട്? വല്ല പഠനങ്ങളും ഉണ്ടോ? ഇതു തീരുമാനിക്കുന്നത് എന്തടിസ്ഥാനത്തിലാവും? സാധാരണക്കാരന്നു തോന്നുന്നത് 2.5 മണിക്കൂറിന്റെ ഇംഗ്ലീഷിനും 1 മണിക്കൂറിന്റെ ഐ.ടി ക്കും 15 മിനുട്ട് കൂള് സമയം നിശ്ചയിച്ച യുക്തിയേ ഇതിനൊക്കെ ഉണ്ടാവൂ എന്നാണ്. എന്തായാലും പരീക്ഷാ സമയക്രമീകരണങ്ങളില് ഒരു പുനര്വിചിന്തനം വേണമെന്നതില് തര്ക്കത്തിനിടയുണ്ടാകില്ല
Langganan:
Postingan (Atom)