ഈ ബ്ലോഗിന് ഒരു ഡൊമൈന്‍ നിര്‍ദ്ദേശിക്കുക

നമ്മുടെ ഉപദേശകസമിതി അംഗങ്ങളും ബ്ലോഗിന്റെ നിലവിലുള്ള ഡൊമൈന്‍ (www.mathematicsschool.blogspot.com) മാറ്റി ചെറിയ ഒന്നാക്കി മാറ്റുന്നത് നല്ലതാണെന്ന് അഭിപ്രായപ്പെട്ടിരുന്നു. ഐ.ടി സ്ക്കൂളിന്റെ എക്സിക്യുട്ടീവ് ഡയറക്ടറ്‍ അന്‍വര്‍ സാദത്ത് സാറും ഈ നിര്‍ദ്ദേശം മുന്നോട്ട് വെച്ചിരുന്നു. അങ്ങനെ നിലവിലെ വെബ് വിലാസം ചെറുതാക്കി മാറ്റുന്നത് പറയുന്നതിനും ഏറെ സൌകര്യപ്രദമാണ് എന്ന അധ്യാപകരുടെയും അഭിപ്രായം മാനിച്ച് അതിന് ഞങ്ങള്‍ തയ്യാറെടുക്കുകയാണ്. ഇനി പുതിയ ഡൊമൈനിലേക്ക് മാറിയാലും നിലവിലുള്ള www.mathematicsschool.blogspot.com എന്ന അഡ്രസ് വഴിയും ബ്ലോഗിലേക്ക് പ്രവേശിക്കാവുന്നതാണ്. അത് ഓട്ടോമാറ്റിക്കായി പുതിയ ഡൊമൈനിലേക്ക് എത്തിച്ചു കൊള്ളും. ചെറിയ പേര് കൈകാര്യം ചെയ്യാന്‍ സൌകര്യപ്രദമായിരിക്കും അല്ലേ..? എന്തു പറയുന്നു..? അപ്ഡേഷനുകള്‍ക്ക് മുന്പേ പേര് തെരഞ്ഞെടുക്കുന്നതിന് അധ്യാപകരുടെയും അഭ്യുദയകാംക്ഷികളുടെയും അഭിപ്രായം ആരായുകയാണ്.