2012 ജനുവരി 22. ഞങ്ങളുടെ ജീവിതത്തിലെ അവിസ്മരണീയമായ ഒരു ദിനം. ഇന്റര്നെറ്റിലേയും പുസ്തകങ്ങളിലേയും ചിത്രങ്ങളില് മാത്രം കണ്ടു പരിചയമുള്ള സ്വതന്ത്ര സോഫ്റ്റ്വെയര് രംഗത്തെ കുലപതിയും ജീവനാഡിയുമായ റിച്ചാര്ഡ് മാത്യു സ്റ്റാള്മാനെ നേരിട്ടു കാണാന് ഒരു അവസരം. അദ്ദേഹവുമായി സംസാരിക്കാനും അദ്ദേഹത്തിന്റെ വാക്കുകള് കേള്ക്കാനും കേരളത്തിലെ അധ്യാപകര്ക്കായി ഒരു ഓട്ടോഗ്രാഫ് വാങ്ങാനുമെല്ലാം കിട്ടിയ അവസരം ജീവിതത്തിലെ അത്യപൂര്വങ്ങളില് അപൂര്വമായ മൂഹൂര്ത്തമെന്നു വിശേഷിപ്പിക്കുന്നതില് തീര്ത്തും അനൗചിത്യമുണ്ടാവില്ല. മാത്സ് ബ്ലോഗിനെ പരിചയപ്പെടുത്തുന്നതിനിടെ അധ്യാപകര്ക്കായി ഒരു ഓട്ടോഗ്രാഫ് വേണമെന്ന് അഭ്യര്ത്ഥിച്ചപ്പോള് Happy Hacking, Thanks for spreading freedom, Rechard Stallman എന്നെഴുതി അദ്ദേഹം നല്കിയ ഓട്ടോഗ്രാഫ് മുകളിലെ ചിത്രത്തില് ചേര്ത്തിട്ടുണ്ട്. കൊച്ചിന് ഐലഗിന്റെ (Indian Libre User Group) മീറ്റിങ്ങില് പങ്കെടുക്കുന്നതിനു വേണ്ടി കൊച്ചിയിലെത്തിയപ്പോഴാണ് RMS എന്ന ചുരുക്കപ്പേരില് അറിയപ്പെടുന്ന റിച്ചാര്ഡ് സ്റ്റാള്മാനുമായുള്ള അപൂര്വ കൂടിക്കാഴ്ചയ്ക്ക് മാത്സ് ബ്ലോഗ് ടീമംഗങ്ങള്ക്ക് അവസരം ലഭിച്ചത്. അദ്ദേഹത്തിന്റെ ചിത്രങ്ങളും പ്രഭാഷണത്തിലെ ചില ഭാഗങ്ങളും ചുവടെ കാണാം. കാര്യങ്ങള് കുറേക്കൂടി വിശദമായി പറയാം. ഞായറാഴ്ച വൈകുന്നേരം നാല് അന്പത്തഞ്ചിനായിരുന്നു അദ്ദേഹം നെടുമ്പാശ്ശേരി അന്താരാഷ്ട്ര വിമാനത്താവളത്തില് എത്തിച്ചേര്ന്നത്. ചിത്രങ്ങള് ചുവടെ നല്കിയിരിക്കുന്നു.
ഐലഗ് മീറ്റിങ്ങില് പങ്കെടുക്കാന് നെടുമ്പാശ്ശേരി-ആലുവ-ഇടപ്പള്ളി-കണ്ടെയ്നര് റോഡ് വഴി ഗോശ്രീ റോഡിലൂടെ എറണാകുളത്തേക്ക് ഞങ്ങള്ക്കൊപ്പം യാത്രയ്ക്കൊരുങ്ങുന്നു.
സ്കൂളുകളും സര്ക്കാരും സ്വതന്ത്ര സോഫ്റ്റ്വെയര് ഉപയോഗിക്കണം - സ്റ്റാള്മാന്
Tidak ada komentar:
Posting Komentar