![](http://1.bp.blogspot.com/_nPzz1Flf9E0/TLH8jlojhRI/AAAAAAAAAV8/49-lYd602EA/s400/NCSC.jpg)
സംസ്ഥാനതല ബാലശാസ്ത്രകോണ്ഗ്രസ് നവംബര് അവസാനവാരം കൊല്ലത്ത് വച്ചാണ് നടക്കുക. എറണാകുളം ജില്ലാതലബാലശാസ്ത്രകോണ്ഗ്രസ് ഒക്ടോബര് 30 ന് GBHSS ആലുവയില് വച്ച് നടക്കും. മറ്റു ജില്ലകളിലെ ബാലശാസ്ത്രകോണ്ഗ്രസുകളെപ്പറ്റിയുള്ള വിശദ വിവരങ്ങള് അതാത് സയന്സ് ക്ലബ്ബ് സെക്രട്ടറിമാരില് നിന്നും അറിയാം. 1993 ല് ഡല്ഹിയില് വച്ചാണ് ദേശീയ ബാലശാസ്ത്ര കോണ്ഗ്രസ്സ് ആരംഭിച്ചത്. ഇത് 18- ാമത് ദേശീയ ബാലശാസ്ത്ര കോണ്ഗ്രസ്സാണ്. എല്ലാ വര്ഷവും മുടങ്ങാതെ നടന്നു പോരുന്നു. ഇന്ത്യയിലെ എല്ലാ സംസ്ഥാനങ്ങളില് നിന്നും കേന്ദ്ര ഭരണ പ്രദേശങ്ങളില് നിന്നും ഉള്ള 10 മുതല് 17 വയസുവരെ പ്രായമുള്ള 600 ല്പരം കുട്ടികള് പങ്കെടുക്കുന്നു. ഇന്ത്യന് പൌരത്വമുള്ള 10 മുതല് 17 വയസ്സ് വരെ പ്രായമുള്ള കുട്ടികളടങ്ങിയ ഗ്രൂപ്പിന് ഇതില് പങ്കെടുക്കാം. 2 പേര് മുതല് 5 പേര് വരെയുള്ള അംഗങ്ങളായിരിക്കണം ഒരു ഗ്രൂപ്പിലുണ്ടാകേണ്ടത്. ജൂനിയര് വിഭാഗത്തില് (Junior Group) ഏറ്റവും പ്രായം കുറഞ്ഞ കുട്ടിക്ക് 10 വയസ്സ് പൂര്ത്തിയാകണം, ഏറ്റവും പ്രായം കൂടിയ കുട്ടിയ്ക്ക് 14 വയസ്സ് പൂര്ത്തിയാകാന് പാടില്ല. സീനിയര് വിഭാഗത്തില് (Senior Group) ഏറ്റവും പ്രായം കുറഞ്ഞ കുട്ടിക്ക് 14 വയസ്സ് പൂര്ത്തിയാകണം, ഏറ്റവും പ്രായം കൂടിയ കുട്ടിയ്ക്ക് 17 വയസ്സ് പൂര്ത്തിയാകാന് പാടില്ല. ഗ്രൂപ്പിന് ഒരു ഗൈഡ് (Guide) വേണം. സ്കൂളിലെ ഒരു ശാസ്ത്രാധ്യാപകനോ അധ്യാപികയോ ആകാം. അതല്ലെങ്കില് ഇത്തരത്തിലുളള ഒരു അന്വേഷണാത്മക പ്രോജക്ട് (investigatory project) തയ്യാറാക്കുന്നതിന് മേല്നോട്ടം വഹിക്കാന് കഴിവുള്ള ഒരു വിദഗ്ധന് ആകാം. എന്നാല് കുട്ടികളുടെ മാതാപിതാക്കളോ അടുത്ത ബന്ധുക്കളോ ഗൈഡ് ആകാന് പാടില്ല. അതുപോലെ തന്നെ ജില്ലാ കോ-ഓര്ഡിനേറ്റര്മാരുടേയും സംസ്ഥാന കോ-ഓര്ഡിനേറ്ററുടേയും മക്കള് ദേശീയ ബാല ശാസ്ത്ര കോണ്ഗ്രസ്സില് പങ്കെടുക്കാന് പാടില്ലെന്നും നിബന്ധനയുണ്ട്.
ബാലശാസ്ത്ര കോണ്ഗ്രസിലേക്ക് അവതരിപ്പിക്കാനുള്ള പ്രൊജക്ട് തയ്യാറാക്കേണ്ടതെങ്ങനെയെന്നും അതിനു വേണ്ട തയ്യാറെടുപ്പുകളെന്തെന്നുമുള്ള കാര്യങ്ങള് പരാമര്ശിക്കുന്ന ഒരു പ്രസന്റേഷന്റെ പി.ഡി.എഫ് കോപ്പി ഇതോടൊപ്പം നല്കുന്നു. താല്പര്യമുള്ളവര്ക്ക് ഈ വിഷയത്തേപ്പറ്റി കൂടുതല് അറിയുന്നതിനും കുട്ടികളെ കാണിക്കുന്നതിനും സഹായിക്കുന്ന പ്രസന്റേഷന് താഴെയുള്ള ലിങ്കില് നിന്നും ഡൌണ്ലോഡ് ചെയ്തെടുക്കാം.
Click here for the pdf presentation about NCSC
Tidak ada komentar:
Posting Komentar